Gewilde Bybelverse vanaf Matio 24

Deel

Ɛ̍ ti̍ laa̍ kà kɔn-ɛa kɛ̍n gbǎ tìh bo ɛ̀ mu̍ nyɔ̍ dɔu-a jbɛɛ seɔn po̍. Jɛ nyɔ̍ ɔ̀ mu̍-ae klì i̍ ku̍ wɛ̀ ɛ̍ iě-a dlǔ i̍ chlà-ɛ, nɛ̀ ɔ̍ mu̍ pǔh.

Nɛ̀ Nyɔsoa-a kmɔ̌ wlu̍ i̍ kɔn-ɛa pɔ̀n chɛ̀ la ɛ̍ tìh-a mu̍ bla̍-ɛ dě kmɔ̌ gbàǐ la we̍, nyɔ̍ kli̍hgbɛ̍ iě i̍h wɔ̌n. Wɛ̀ ti̍-a chlà-a iě ji̍-ɛ dǔ.

Mɔ̀-a mu̍ tu̍h-a fɔ̀n-ɔ slɛ̀ wɔ̌n ɛ̍ iě mɔ̀ i̍ kɔǎn-ɛ, wɛ̀ mɔ̀ iě tu̍h-a pɔ̀n wɔ̌n dě tà tɔ̀ɔ̀n. Jɛ ɛ̍ bɔ̌ mɔ̀ sèò nui-ɛ. Ìh kaɛn la i̍h-a mu̍ nɛ, jɛ nɛ̀ ɛ̍ se̍ ti̍-a dlǔ i̍ chlà-a ke̍.

Bloa̍ ke bloa̍-a mu̍ fɔ̀n, wɛ̀ kɔ̀mla̍ ke kɔ̀mla̍ iě fɔ̀n. Nɛ̀ wlù poɔ-a mu̍ blǔh kli̍hgbɛ̍ i̍ sèke, wɛ̀ mɔ̌ iě gbǎ. Ìh kli̍hgbɛ̍ la i̍h wɔ̀ ka nynɔ̌-a kwlǐ-a tɛ̀n gbǐh ɔ̍ iě gbàɔ̀n sà-ɛ.

Blǔh ke ja̍u̍n-a tìh-a mu̍ i̍ sì, jɛ ǎn wlu̍ nɔ̀ɔ̍, ɛ̍ se̍ i̍ sì mu̍.

Dɛ̍nu̍ɛ, nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka dǎ, ‘Mɔ̍ bo ɔ̀ nu̍ Nyɔsoa-a Chèɛ̀ Tba̍ju.’ Wɛ̀ u̍h iě nyɔ̍ dɔu i̍ boe.

“Nɛ̀ mɔ̀-a mu̍ gbɛ̍n-ɛ, u̍h iě mɔ̀ klě jě-e, wɛ̀ mɔ̀ iě ɛ̍ sɔ̀n mɛ̌-ɛ. Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn. Ɛ̍ ti̍ laa̍ nɛ̀ nyɔ̍ dɔu-a mu̍ u̍h-a wlùh gbaɛ i̍ tǎli. Nɛ̀ u̍h-a mu̍ sà ìn ba̍ kwlǎ ìn ba̍ sà ìn kwlǎ nu̍ dě nyɔ̍ duuh we̍. Jɔ-ɛ, nɛ̀ ɔ̍ mu̍ ɔ̍ ba̍ faɛn. Nɛ̀ Nyɔsoa-a tu̍owli po̍ nyɔ̍-a si̍h naɛ dɔu-a mu̍ mɔ̀ kɛ̍n wlǔh-i, u̍h iě nyɔ̍ dɔu i̍ boe.

Jusu la̍a̍, “Mɔ̀ nu̍ mɔ̀-a chɛ̀-a nɛnɛ̌ wɛ̀ nyɔ̍-ɔ je̍e mɔ̀ i̍ boe.

Nɛ̀ɛ̍, mɔ̀ po̍ mɔ̀-a chɛ̀ gba̍a̍. Dɛ̍nu̍ɛ, ti̍ mɔ̀ se̍-a Nyi̍ɔ̍-a Jǔ-a tìh gbàɛ̀-ɛ, dǒ ɔ̍ mu̍ ji̍-i.

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌, dɛ̍nu̍ɛ, weɛ̍ mɔ̀-a Joi-a mu̍-a ja-a, mɔ̀ se̍ ɛ̍ juo.

“Weɛ̍ ke ti̍ Nyi̍ɔ̍-a Jǔ-a mu̍-a de̍ ji̍-ɛ, nyɔ̍ dɔɔ se̍ ɛ̍ juo. Nyɔsoa-a ǐnchɔ̀ nɛ-a dě ja̍i̍wlɔ̀-a chɛ̀-ɛ, i̍h se̍ ɛ̍ juo. Jǔ-a chɛ̀ wɔ̍ se̍ ɛ̍ juo ke. Jɛ Baa nɛ due gbài̍ bo ɔ̀ juo ti̍ ke weɛ̍ laa̍.

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Dɛ̍ ɛ̀ nɛ-a dǒ Nɔa-a ti̍ we̍-ɛ, ɛ̍ kɔn ba̍ bo ɛ̀ mu̍ nɛ ke dǒ Nyi̍ɔ̍-a Jǔ-a ji̍ la̍. Dɛ̍nu̍ɛ, ti̍ nǐ laa̍ ɛ̍ iě-a jǐ-ɛ, nɛ̀ nyɔ̍gbei-a di̍-e dɛ̍ i̍, u̍h-a nǎ. Nɛ̀ nynɔ̌gbaɔᵻ ke jɔ̍gbauᵻá tǐn-i blǐ. Ɛ̍ bo u̍h nɛ dǒ nu̍ la̍ wɛ̀ Nɔa pa̍ dě ɔ̍ blǎgbè klaa laa̍ di̍i̍. Jɛ dɛ̍ ɛ̀ mu̍-a nɛ-ɛ, u̍h se̍ ɛ̍ juo te̍e̍ wɛ̀ jǐ-nǐ ji̍, iě ɛ̍ gba̍ u̍h kli̍hgbɛ̍. Ɛ̀ laa̍ ɛ̍ kɔn ba̍ bo ɛ̀ mu̍ nɛ ke dǒ Nyi̍ɔ̍-a Jǔ-a ji̍ la̍.