Gewilde Bybelverse vanaf मत्ती 7

Deel

“फ्‍वँ, अले छिमित बी, माला स्‍व, अले छिमिसं लुइके फइ, सः ब्‍यु, अले लुखा चाय्‌काबी।

छाय्‌धाःसा फ्‍वंपिन्‍त बी, माला स्‍वःपिन्‍सं लुइकी, अले सः ब्‍यूम्‍हय्‌सित चाय्‌काबी।

“अय्‌जूगुलिं जिगु वचन न्‍यनाः उकथं हे याइम्‍ह मनू ल्‍वहं दुथाय् छेँ दनीम्‍ह बुद्धि दुम्‍ह मनू थें खः।

“छिमित मेपिन्‍सं छु याःसा यः छिमिसं नं इमित अथे हे या। थ्‍व हे खँ व्‍यवस्‍था व अगमवक्तातय्‌सं स्‍यना थकूगु खः।

जीवनयागु ध्‍वाखा धाःसा चिब्‍या, अले लँ चिब्‍या। उकिं थनं जुइपिं मनूत यक्‍व दइ मखु।

“चिब्‍यागु ध्‍वाखां दुहां हुँ, छाय्‌धाःसा नरकय् वनीगु ध्‍वाखा तब्‍या, अले लँ तब्‍या जुइ। वने अःपुगुलिं थ्‍व ध्‍वाखां दुहां वनीपिं यक्‍व दइ।

मभिंपिं जुयाः नं छिमिसं थः मस्‍तय्‌त भिंगु भिंगु बी सः धाःसा स्‍वर्गय् च्‍वनादीम्‍ह बाःनं जक थःके फ्‍वंम्‍हय्‌सित झन भिंगु बियामदी ला?

“मेपिन्‍त दोष बी मते, अले छिमित नं दोष बी मखु। छाय्‌धाःसा गथे छिमिसं मेपिन्‍त दोष बिल, अथे हे छिमित नं दोष बी। गुलि छिमिसं कर्पिन्‍त बिल, उलि हे छिमित नं बी।

अथे हे जिगु वचन न्‍यनाः नं उकथं मयाइम्‍ह मनू फि दुथाय् छेँ दय्‌कीम्‍ह मूर्ख मनू थें खः।

“छिमि किजाया मिखाय् च्‍वंगु धू खंम्‍हय्‌सिनं थःगु मिखाय् च्‍वंगु सुपः छाय् मखन? थःगु मिखाय् सुपः दुहां वनाच्‍वंगु मखंम्‍हय्‌सिनं छिमि किजाया मिखाय् धू दुहां वनाच्‍वंगु खँय् छाय् वास्‍ता याः जुइ माल?

“फताहा अगमवक्तात खनाः होश या, छाय्‌धाःसा थुपिं फैचायागु ख्‍वाःपालं पुया वइ। दुनें धाःसा थुपिं ग्‍यानापुपिं गुँखिचा थें जुइ। थुमिगु ज्‍या स्‍वयाः छिमिसं थुमित म्‍हसीके फइ। कंझालय् दाख सइ मखु। अथे हे कंमाय् यःमरि सइ मखु।

भिंगु सिमाय् भिंगु हे फल सइ। अथे हे मभिंगु सिमाय् मभिंगु हे फल सइ।

भिंगु सिमाय् मभिंगु फल गुबलें सइ मखु। अथे हे मभिंगु सिमाय् भिंगु फल गुबलें सइ मखु।

अय्‌जूगुलिं भिंगु फल मसःगु सिमायात पालाः छ्वय्‌काछ्वइ।