1
मत्ती 6:33
नेवाः बाइबल
न्हापां परमेश्वरयागु राज्य मा, वय्कलं धयादी थें च्वँ। अले वय्कलं छिमित माःगु फुक्क बियादी।
Vergelyk
Verken मत्ती 6:33
2
मत्ती 6:34
“कन्हय् जुइगु खँय् च्यूताः काये मते। कन्हय्यागु च्यूताः कन्हय् हे वइ। थौंयात थौंयागु हे कष्ट अप्वः।
Verken मत्ती 6:34
3
मत्ती 6:25
“अय्जूगुलिं जिं धयाच्वना – नयेत्वनेगु व पुनेगुलिइ छिमिसं च्यूताः तये मते। छु, नयेगु स्वयाः प्राण तःधं मजू ला? पुनेगु स्वयाः शरीर तःधं मजू ला?
Verken मत्ती 6:25
4
मत्ती 6:6
प्रार्थना यायेबलय् छिमिसं क्वथाय् च्वनाः खापा तिनाः खने मदुम्ह परमेश्वर बाःयात प्रार्थना या। थथे सुं मदुथाय् वनाः याःगु प्रार्थना खंकादीम्ह परमेश्वर बाःनं छिमित सिरपाः बियादी।
Verken मत्ती 6:6
5
मत्ती 6:9-10
छिमिसं थथे प्रार्थना या – “‘हे झीम्ह स्वर्गय् च्वनादीम्ह परमेश्वर बाः, छिगु नां पवित्र जुइमा। छिगु राज्य वयेमा, छिगु इच्छा स्वर्गय् थें हे, थ्व पृथ्वीइ नं पूवनेमा।
Verken मत्ती 6:9-10
6
मत्ती 6:11
जिमित न्हिच्छिया मरि, थौं जिमित बियादिसँ
Verken मत्ती 6:11
7
मत्ती 6:12
अले जिमिगु अपराध क्षमा यानादिसँ, गथे जिमिसं नं जिमि अपराधीतय्त क्षमा यानाबियागु दु।
Verken मत्ती 6:12
8
मत्ती 6:13
जिमित परिक्षाय् लाकादी मते, बरु दुष्टपाखें बचय् यानादिसँ छाय्धाःसा राज्य व पराक्रम व महिमा सदां सर्वदां छिगु हे खः, आमेन।’
Verken मत्ती 6:13
9
मत्ती 6:14
“थःत मभिं याःपिन्त छिमिसं क्षमा याःसा छिमित नं स्वर्गय् च्वनादीम्ह परमेश्वर बाःनं क्षमा यानादी।
Verken मत्ती 6:14
10
मत्ती 6:26
झंगःपंक्षीतय्त स्व, इमिसं पुसा ह्वलाः सय्केगु ज्या नं मयाः, नसा मुंकेगु ज्या नं मयाः। अथेसां स्वर्गय् च्वनादीम्ह परमेश्वर बाःनं इमित नका तयादीगु दु। इपिं स्वयाः छिपिं तःधं मजू ला?
Verken मत्ती 6:26
11
मत्ती 6:19-21
“थःगु निंतिं छिमिसं थ्व संसारय् धन-सम्पत्ति मुंके मते। थन मुंकूगु धन-सम्पत्ति खतं नइ, किलं नइ, अले खुं खुइ। बरु छिमिसं खतं मनइथाय्, किलं मनइथाय्, अले खुं मखुइथाय् स्वर्गय् धन-सम्पत्ति मुंकि। छिमिगु सम्पत्ति गन दु छिमिगु मन नं अन हे दइ।
Verken मत्ती 6:19-21
12
मत्ती 6:24
“सुनानं निम्ह मालिकयागु सेवा याये फइ मखु, छाय्धाःसा वं छम्ह मालिकयात अप्वः यय्कूसा, मेम्ह मालिकयात यय्की मखु। वं छम्हय्सिनं धाःथें याःसा मेम्हय्सिनं धाःगु खँ न्यनी मखु। अथे हे छिमिसं परमेश्वर व धन निगूयां सेवा याये फइ मखु।
Verken मत्ती 6:24
13
मत्ती 6:30
थौं बुयाः कन्हय् हे झ्वाः जुयावनीगु घाँय्यात ला परमेश्वरं थुलि समाः यानातयादी धाःसा वय्कलं छिमित पुनेत वसः बियामदी ला? विश्वास मगाःपिं, छिमिसं गथे क्वात्तुक विश्वास याये मफुगु?
Verken मत्ती 6:30
14
मत्ती 6:3-4
सुयातं छुं बीबलय् जव ल्हातं याःगु खव ल्हातं मसीमा। बीबलय् सुनानं मसीक बीगु या, अले थथे मसीक ब्यूगु खंकादीम्ह परमेश्वर बाःनं छिमित सिरपाः बियादी।
Verken मत्ती 6:3-4
15
मत्ती 6:1
“होश या, मनूतय्त क्यने थें यानाः जक छिमिसं भिंगु ज्या याये मते। मनूतय्त क्यने थें जक भिंगु ज्या यात धाःसा स्वर्गय् च्वनादीम्ह परमेश्वर बाःनं छिमित छुं हे सिरपाः बियादी मखु।
Verken मत्ती 6:1
16
मत्ती 6:16-18
“अपसं च्वनेबलय् छिमिसं निपाः ख्वाःपाः दुपिन्सं थें ख्वाः खिउँका च्वनेगु याये मते। अपसं च्वनागु धकाः क्यनेत इमिसं थःगु ख्वाः खिउँका जुइ। जिं धात्थें धयाच्वना – इमिसं काये माःगु सिरपाः काये धुंकूगु दु। बरु छं अपसं च्वनेबलय् ख्वाः सिलाः छेनय् चिकं तया च्वँ। अले छ अपसं च्वनाच्वंगु मनूतय्सं मखु, बरु खने मदुम्ह परमेश्वर बाःनं खंकादी। अले वय्कलं छन्त सिरपाः बियादी।
Verken मत्ती 6:16-18
YouVersion gebruik koekies om jou ervaring persoonlik te maak. Deur ons webwerf te gebruik, aanvaar jy ons gebruik van koekies soos beskryf in ons Privaatheidsbeleid
Tuisblad
Bybel
Leesplanne
Video's