Gewilde Bybelverse vanaf Okutandika 15

Deel

Abramu yaikiriza MUKAMA, MUKAMA yaakimubarira kuba okuhikiirira.

Bwanyima y'ebyo ekigambo kya MUKAMA kyaija ahari Abramu omu kworekwa, MUKAMA naamugira ati: Abramu, otatiina. Niinye ngabo yaawe; kandi oryaheebwa ebihembo bingi munonga.

Yaamushohoza aheeru, yaamugira ati: Rarama oreebe ahaiguru, obare enyonyoozi, oreebe ku oraabe noobaasa kuzibara. Yaamugira ati: Na baijukuru baawe nikwo bariingana batyo.

Reeba, ekigambo kya MUKAMA kyamwizira, MUKAMA naamugira ati: Ogwo tiwe arihungura ebyawe, kureka omwana, ou oryezaarira, niwe aribihungura.

MUKAMA yaagambira Abramu ati: Omanyire kimwe ku oruzaaro rwawe rurishuhuukira omu nsi etari yaarwo, bakakorera ab'ensi egyo, nibaitwa kubi emyaka magana ana.

Abramu yaagira ati: Ai Mukama RUHANGA, oryampa ki, obu naaguma ndi encwekye, haza omuhunguzi w'ebyangye ari Eliezeeri owa Damasiko.

Aha izooba eryo MUKAMA yaaragaana na Abramu endagaano, naagira ati: Oruzaaro rwawe ndyaruha egi nsi, okuruga aha kagyera ka Misri okuhika aha mugyera omuhango Furaati.

Omu bwijukuruza bwa kana baryagaruka aha, ahabw'okuba ebibi by'Abaamori tibikakanyire kurengyesereza.