Gewilde Bybelverse vanaf DEUTERONOMIUM 10

Deel

“En nou, Israel, wat verwag die HERE jou God van jou? Hy vra van jou om Hom te eerbiedig, om volgens sy wil te lewe, om Hom lief te hê en Hom met hart en siel te dien. “Gehoorsaam die bevele en gebooie van die HERE wat ek jou vandag gee, dit is net tot jou beswil.

“Die HERE jou God is die God van die gode en die Here van die here. Hy is die groot God, magtig en ontsagwekkend. Hy is nie partydig nie en aanvaar ook nie omkoopgeld nie.

“Daarom, verander julle afvallige gesindheid en hou op om so hardkoppig te wees.

Hy sorg vir die reg van die weeskind en die weduwee. Hy het die vreemdelinge lief en gee vir hulle kos en klere.

Hy is jou God, die Een aan wie jou lof toekom. Hy is die Een wat magtige wonderdade voor jou oë gedoen het.

“Eerbiedig die HERE jou God, dien Hom en volg Hom. Wanneer jy sweer, mag dit net in sy Naam wees.

Die hoogste hemel en die aarde met alles daarop behoort aan die HERE.

Jy moet ook omgee vir die vreemdelinge, want jy was immers self ook ’n vreemdeling in Egipte.