Thola i AppUhambo Oluya EmkhonjeniIsampula
Wezela Wena
Njengoba sigubha ukuzalwa kukaKristu kule sizini, ukugujwa okusezinhliziyweni zethu kufanele kugxile enjabulweni yokuthandwa. NgoJesu, inhliziyo kaNkulunkulu yamemezela ngokungenamahloni uthando lwaKhe ngawe. Wakhetha ukuzela wena!
UnoMsindisi ozibophezele kuwe. Ungumngane onamathela ngaphezu komfowenu — umuntu oxhunywe kuwe ngegazi nangolwazi. Ngakho-ke lapho impilo iba nzima, ungaphumula ngokwazi ukuthi akasoze akulahla. Awuwedwa.
Njengoba ucabanga ngesizathu sokuza kwaKhe eminyakeni engaphezu kwengu-2 000 eyedlule, vumela iNkosi ukuba ithinte inhliziyo yakho ngomqondo omusha wobukhona Bayo. Mhlawumbe ulwa nobuhlungu obujulile, futhi uyazibuza ukuthi uzokwazi kanjani ukubhekana nabo bonke lobo buhlungu. UJesu — u-Emmanuel — useduze kwakho, futhi uzohamba nawe kunoma yisiphi isilingo futhi akududuze ngamandla phakathi kwanoma yikuphi ukuhlupheka. Vumela incazelo yokuza Kwakhe emhlabeni ilethe ithemba elisha empilweni yakho namanje.
Ongakwenza: Esibukweni sakho sasendlini yangasese, bhla lamagama ngikhethiwe futhi ngamkelwe. Zikhumbuze njalo ekuseni ukuthi uJesu wakukhetha futhi wakwemukela.
UmBhalo
Mayelana naloluHlelo
Ngobusuku obuthule eminyakeni ewu-2000 eyedlule, izingelosi zaletha izindaba zokuzalwa koMsindisi eqenjini labelusi ababeluse imihlambi yabo. Futhi ngemuva kokuzwa lezi zindaba, labo belusi bashiya konke ukufuna umntwana emkhombeni eBetlehema. Yonke le minyaka kamuva, isimemo asikashintshi. Joyina uDkt. Charles Stanley njengoba ekusiza ukuba usondele kuMsindisi futhi ekukhuthaza ukuthi wenze isikhathi sokuphumula othandweni lukaBaba kule sizini
More
