KwabaseRoma

2KwabaseKorinte

1 no 2 kuThimothewu

1KwabaseKorinte

1 & 2 KwabaseThesalonika

KuMaHebheru

KwabaseGalathiya

Kwabase Efesu

KwabaseKolose

1, 2 no 3 KaJohane

<div class="version vid286 iso6393zul" data-vid="286" data-iso6393="zul">
 <div class="book bkACT">
 <div class="chapter ch13" data-usfm="ACT.13">
 <div class="label">13</div><div class="s1">Uhambo lokuqala lukaPawulu: ukubusiswa nokuthunywa kwakhe</div><div class="p"> 1 Kwakukhona e-Antiyokiya ebandleni lakhona abaprofethi nabafundisi: oBarnaba, noSimeyoni othiwa uNigeri, noLukiyu waseKhurene, noManayeni owayondliwe kanye noHerode umtetrarki,* noSawulu. 2 Kwathi bekhonza iNkosi, bezila, uMoya oNgcwele wathi: &#8220;Ngahlukaniseleni oBarnaba noSawulu ukuba baye emsebenzini engibabizele wona.&#8221; 3 Khona bazila ukudla bakhuleka, babeka izandla phezu kwabo, babamukisa.</div><div class="s1">Ukushumayela kukaPawulu eKhupro</div><div class="p"> 4Bona-ke bethunyiwe nguMoya oNgcwele behlela eSelukiya; basuka lapho, baya eKhupro ngomkhumbi. 5 Ekufikeni kwabo eSalami bashumayela izwi likaNkulunkulu emasinagogeni* abaJuda; babe noJohane eyisikhonzi sabo.</div><div class="p"> 6Sebedabule isiqhingi sonke, baze bafika ePhafu, bafumana indoda ethile eyisanusi nomprofethi wamanga, umJuda, ogama lakhe linguBarjesu, 7owayekhona kumbusi wezwe uSergiyu Pawulu, umuntu onengqondo enhle. Yena wabiza oBarnaba noSawulu, wafuna ukuzwa izwi likaNkulunkulu. 8Kodwa u-Eluma, isanusi, ngokuba linjalo igama lakhe ngokuhunyushwa, wamelana nabo, wafuna ukuphambukisa umbusi ekukholweni. 9Kepha uSawulu osethiwa uPawulu, egcwele uMoya oNgcwele wamgqolozela, 10 wathi: &#8220;O wena ogcwele inkohliso yonke nobubi bonke, ndodana kaSathane, sitha sokulunga konke, awuyikuyeka ukuziphambukisa izindlela eziqondileyo zeNkosi na? 11Bheka, isandla seNkosi siphezu kwakho manje. Uzakuba yimpumputhe, kube yisikhathi ungaliboni ilanga.&#8221; Kwase kumfikela khona lapho ukufiphala nobumnyama, wahamba efuna abazakumhola ngesandla. 12Khona umbusi esebona okwenzekileyo wakholwa, emangaliswa ngesifundiso seNkosi.</div><div class="s1">UPawulu ushumayela e-Antiyokiya lasePhisidiya</div><div class="p"> 13 UPawulu nababe naye bamuka ePhafu ngomkhumbi, bafika ePherge lasePhamfiliya; kepha uJohane wahlukana nabo, wabuyela eJerusalema. 14Bona ekumukeni kwabo ePherge baya e-Antiyokiya lasePhisidiya, bangena esinagogeni* ngosuku lwesabatha, bahlala phansi. 15 Sekufundiwe umthetho nabaprofethi, abaphathi besinagoge* bathumela kubo, bathi: &#8220;Madoda, bazalwane, uma ninezwi lokuyala abantu, khulumani.&#8221;</div><div class="p"> 16Wayesesukuma uPawulu, waqhweba ngesandla, wathi: &#8220;Madoda akwa-Israyeli, nani enesaba uNkulunkulu, lalelani: 17 UNkulunkulu walesi sizwe sakwa-Israyeli wabakhetha obaba, wabaphakamisa abantu bengabafokazi ezweni laseGibithe; wabakhipha kulo ngengalo ephakemeyo. 18 Wababekezelela ehlane kungathi iminyaka engamashumi amane. 19 Wachitha izizwe eziyisikhombisa ezweni laseKhanani, wababela izwe lazo libe yifa; 20kwadlula kungathi iminyaka engamakhulu amane namashumi ayisihlanu. Emva kwalokho wabanika abahluleli kwaze kwaba nguSamuweli umprofethi. 21 Kusukela lapho bacela inkosi; uNkulunkulu wabanika uSawule indodana kaKisi, umuntu wesizwe sakwaBenjamini, iminyaka engamashumi amane. 22 Esemkhiphile wabavusela uDavide abe yinkosi, afakaza ngaye ukuthi: &#8216;Ngimfumene uDavide kaJesayi, umuntu ongowenhliziyo yami, oyakwenza konke engikuthandayo.&#8217; 23 Enzalweni yakhe uNkulunkulu walethela u-Israyeli uMsindisi uJesu njengokwethembisa kwakhe; 24 engakafiki yena uJohane wayeseshumayele kuso sonke isizwe sakwa-Israyeli umbhapathizo wokuphenduka. 25 Esegcina ukuhamba kwakhe uJohane wathi: &#8216;Lokhu enithi ngiyikho angisikho mina. Kodwa bhekani, uyeza emva kwami engingafanele ukukhumula isicathulo sezinyawo zakhe.&#8217;</div><div class="p"> 26 &#8220;Madoda, bazalwane, madodana ohlanga luka-Abrahama, nabaphakathi kwenu abamesabayo uNkulunkulu, izwi lale nsindiso lithunyelwe kithi. 27 Ngokuba abakhileyo eJerusalema nababusi babo abamazanga yena, namazwi abaprofethi afundwa amasabatha ngamasabatha bawagcwalisa ngokumlahla; 28 nakuba bengafumananga icala lokufa kuye, nokho bacela kuPilatu ukuba abulawe. 29Kwathi sebefeze konke okwakulotshiwe ngaye, bamehlisa emthini, bambeka ethuneni. 30 Kepha uNkulunkulu wamvusa kwabafileyo. 31 Wabonwa izinsuku eziningi yibo ababekhuphukele naye eJerusalema bevela eGalile, asebengofakazi bakhe kubantu manje.</div><div class="p"> 32 &#8220;Nathi sinishumayeza ivangeli lesithembiso esenziwa kobaba 33 ukuthi uNkulunkulu usigcwalisile sona kubantwana bethu ngokumvusa uJesu, njengokuba kulotshiwe futhi kulo ihubo lesibili ukuthi:</div><div class="b"></div><div class="q1">&#8220; &#8216;Wena uyiNdodana yami,</div><div class="q1">namuhla ngikuzele.&#8217;</div><div class="b"></div><div class="m"> 34 &#8220;Maqondana nokumvusa kwakhe kwabafileyo ukuba engasayikubuyela ekuboleni wakhuluma kanje, wathi:</div><div class="b"></div><div class="q1">&#8220; &#8216;Ngizakuninika okungcwele</div><div class="q1">nokuthembekileyo kukaDavide.&#8217;</div><div class="b"></div><div class="m"> 35 &#8220;Ngakho nakwenye indawo uthi:</div><div class="b"></div><div class="q1">&#8220; &#8216;Awuyikunika oNgcwele wakho abone ukubola.&#8217;</div><div class="b"></div><div class="p"> 36 &#8220;Ngokuba uDavide esekhonzile icebo likaNkulunkulu esizukulwaneni sakhe, walala ubuthongo, wabekwa koyise, wabona ukubola. 37Kepha yena amvusayo uNkulunkulu akakubonanga ukubola. 38 Ngakho-ke makwazeke kini madoda, bazalwane, ukuthi ngalowo kumenyezelwa kini ukuthethelelwa kwezono, nakukho konke ebeningenakulungisiswa kukho ngomthetho kaMose 39 yilowo nalowo okholwayo uyakulungisiswa ngaye. 40Ngakho qaphelani, funa nehlelwe ngokwakhulunywa ngabaprofethi ukuthi:</div><div class="b"></div><div class="q1"> 41 &#8220; &#8216;Bhekani nina zideleli,</div><div class="q1">nimangale, ninyamalale,</div><div class="q1">ngokuba mina ngisebenza umsebenzi emihleni yenu,</div><div class="q1">umsebenzi eningayikukholwa yiwo,</div><div class="q1">nakuba umuntu enilandisa ngawo.&#8217; &#8221;</div><div class="s1">Izwi lamukelwa ngabezizwe, liphikwa ngabaJuda</div><div class="p"> 42Kwathi ekuphumeni kwabo, babacela ukuba lawo mazwi akhulunywe kubo nangesabatha elizayo. 43 Khona sebehlakazekile abesinagoge,* abaningi babaJuda namaproselite* aqotho balandela oPawulu noBarnaba abakhuluma nabo, bebancenga ukuba bahlale emseni kaNkulunkulu.</div><div class="p"> 44Ngesabatha elilandelayo kwabuthana kucishe umuzi wonke ukuzwa izwi likaNkulunkulu. 45 Kepha abaJuda bebona izixuku bagcwala umhawu, bakuphika okwakukhulunywa nguPawulu behlambalaza.</div><div class="p"> 46 Khona oPawulu noBarnaba bakhuluma ngesibindi, bathi: &#8220;Bekudingeka ukuba izwi likaNkulunkulu likhulunywe kini kuqala; kepha lokhu nilinqaba, nizisho nina nithi anifanele ukuphila okuphakade, bhekani, sesiphendukela kwabezizwe. 47 Ngokuba iNkosi isiyalezile kanjalo ukuthi:</div><div class="b"></div><div class="q1">&#8220; &#8216;Ngikubekile ube ngukukhanya kwabezizwe,</div><div class="q1">ube yinsindiso kuze kube semkhawulweni womhlaba.&#8217; &#8221;</div><div class="b"></div><div class="p"> 48 Kwathi abezizwe bekuzwa lokho, bathokoza, balidumisa izwi leNkosi; bakholwa bonke ababemiselwe ukuphila okuphakade.</div><div class="p"> 49Izwi leNkosi lahanjiswa kulo izwe lonke. 50Kepha abaJuda bavusa abesifazane abaqotho abanesithunzi nezikhulu zomuzi, bavusela oPawulu noBarnaba ukuzingelwa, babaxosha emikhawulweni yabo. 51 Bona-ke babavuthululela uthuli lwezinyawo zabo, beza e-Ikoniyu. 52Abafundi bagcwala intokozo noMoya oNgcwele.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkACT">
 <div class="chapter ch14" data-usfm="ACT.14">
 <div class="label">14</div><div class="s1">Uhambo lokuqala lukaPawulu: ushumayela e-Ikoniyu</div><div class="p"> 1 Kwathi e-Ikoniyu bangena kanyekanye esinagogeni* labaJuda, bakhuluma kwaze kwakholwa isixuku esikhulu sabaJuda namaGreki. 2 Kepha abaJuda abangakholwanga bavusa abezizwe, babenza nhliziyombi ngakubazalwane. 3 Nokho bahlala isikhathi eside, befundisa ngesibindi ngeNkosi eyafakazela izwi lomusa wayo, ibanika ukuba kwenziwe izibonakaliso nezimangaliso ngezandla zabo. 4Kepha isixuku somuzi sahlukana phakathi, abanye baba ngakubaJuda nabanye ngakubaphostoli. 5 Kwathi ukuba basukelwe yisidumo sabezizwe nabaJuda kanye nababusi babo sokubaphatha kabi nokubakhanda ngamatshe, 6 bathi sebekwazi lokho, babalekela emizini yaseLikawoniya, iListra neDerbe, nasezweni langakhona, 7bashumayela khona ivangeli.</div><div class="s1">UPawulu ushumayela eListra</div><div class="p"> 8 EListra kwakuhlezi indoda ethile eyisilima ngezinyawo, eyisishosha selokhu yazalwa ngunina, engazange ihambe. 9 Yona yamuzwa uPawulu ekhuluma. Yena eyigqolozela wabona ukuthi inokukholwa kokuba iphiliswe, 10wathi ngezwi elikhulu: &#8220;Sukuma, ume ngezinyawo zakho.&#8221; Yayisigxuma, yahamba.</div><div class="p"> 11 Kwathi-ke izixuku zikubona lokho akwenzile uPawulu, zaphakamisa izwi lazo, zathi ngesiLikawoniya: &#8220;Onkulunkulu befana nabantu behlele kithi.&#8221; 12UBarnaba bambiza ngokuthi uJupitheri, uPawulu ngokuthi uMerkuriyu, ngokuba kwakunguye owayehola ekukhulumeni. 13Kepha umpristi kaJupitheri othempeli lakhe liphambi komuzi waletha izinkunzi nemigexo yezimbali ngasemasangweni, wafuna ukubahlabela ekanye nezixuku.</div><div class="p"> 14Kwathi ukuba bakuzwe lokho abaphostoli oBarnaba noPawulu, baklebhula izingubo zabo, baphonseka phakathi kwesixuku bememeza 15 bethi: &#8220;Madoda, nikwenzelani lokhu na? Nathi singabantu abanjengani ngemvelo, sinishumayeza ivangeli ukuba niphenduke kulokho okuyize, niphendukele kuNkulunkulu ophilayo owenza izulu nomhlaba, nolwandle, nakho konke okukukho, 16 othe ngezizukulwane ezidlulileyo wayeka izizwe zonke zihambe ngezindlela zazo. 17 Nokho akayekanga ukuzifakazela ngokwenza okuhle, waninika imvula yasezulwini nezikhathi zenala, egcwalisa izinhliziyo zenu ngokuhle nangokujabula.&#8221; 18Bekusho lokho, baziyekisa kalukhuni izixuku ukuba zingabahlabeli.</div><div class="s1">UPawulu ushumayela e-Antiyokiya</div><div class="p"> 19 Kodwa kwafika abaJuda, bevela e-Antiyokiya nase-Ikoniyu; sebezivumisile izixuku bamkhanda uPawulu ngamatshe, bamhudulela ngaphandle komuzi bethi usefile. 20Kepha kwathi abafundi bembunganyele, wavuka, wangena emzini. Ngangomuso wamuka noBarnaba, baya eDerbe.</div><div class="p"> 21Sebelishumayele ivangeli kulowo muzi, bezuzile abafundi abaningi, babuyela eListra, nase-Ikoniyu, nase-Antiyokiya, 22 baqinisa imiphefumulo yabafundi bebaluleka ukuba beme ekukholweni, bethi: &#8220;Simelwe ukungena embusweni kaNkulunkulu ngezinhlupheko eziningi.&#8221; 23 Sebebakhethele amalunga amabandla ngamabandla, bakhuleka bezila ukudla, babanikela eNkosini asebekholwa yiyo. 24 Base bedabula iPhisidiya, baya ePhamfiliya. 25Sebekhulumile izwi ePherge, behlela e-Ataliya.</div><div class="p"> 26 Basuka lapho ngomkhumbi, baya e-Antiyokiya, lapho babenikelwe khona emseni kaNkulunkulu kulowo msebenzi asebewufezile. 27 Kwathi ukuba bafike, balibutha ibandla, balanda ngakho konke uNkulunkulu akwenzile ngabo nokuthi uvulele nabezizwe isango lokukholwa. 28Base behlala nabafundi isikhathi esingesincane.</div>
 </div>
 </div>
</div>

iZenzoIsampula

UmBhalo

Mayelana naloluHlelo

Izinhlelo zohlobo olufanayo