KwabaseRoma

2KwabaseKorinte

1 no 2 kuThimothewu

1KwabaseKorinte

1 & 2 KwabaseThesalonika

KuMaHebheru

KwabaseGalathiya

Kwabase Efesu

KwabaseKolose

1, 2 no 3 KaJohane

<div class="version vid286 iso6393zul" data-vid="286" data-iso6393="zul">
 <div class="book bkACT">
 <div class="chapter ch21" data-usfm="ACT.21">
 <div class="label">21</div><div class="p"> 1Kwathi sesimukile kubo, sasuka ngomkhumbi, saqonda ngqo, safika eKhose nangangomuso eRodu; sasuka lapho, safika ePathara; 2sesifumene umkhumbi owelela eFenike, sangena kuwo, samuka. 3Kwathi sekuqhamuke iKhupro, sesilishiyile ngakwesokhohlo, saqonda eSiriya, sehlika eTire, ngokuba umkhumbi wawuzakwethula khona impahla. 4Safumana abafundi, sahlala khona izinsuku eziyisikhombisa; bona bathi ngoMoya kuPawulu, angalubeki unyawo eJerusalema. 5 Kwathi sesiqedile lezo zinsuku, saphuma sahamba; bonke basiphelekezela kanye nawomkabo nabantwana, kwaze kwaba ngaphandle komuzi; saguqa ngamadolo ogwini, sakhuleka, 6savalelisana, sangena emkhunjini, kepha bona babuyela emakhaya.</div><div class="p"> 7Thina sesiqedile ukuhamba ngomkhumbi sisuka eTire, safika ePetolemayi, sabingelela abazalwane, sahlala nabo usuku lwaba lunye. 8 Kepha ngangomuso samuka safika eKesariya, sangena endlini kaFiliphu umvangeli, owayengomunye wabayisikhombisa, sahlala naye. 9 Yena-ke wayenamadodakazi amane, izintombi eziprofethayo.</div><div class="p"> 10 Kwathi sisahlezi khona izinsuku eziningana, kwehla eJudiya umprofethi ogama lakhe lingu-Agabu; 11 yena wafika kithi, wathatha uqhotho lukaPawulu, wazibopha izinyawo nezandla, wathi: &#8220;Usho njalo uMoya oNgcwele, uthi: &#8216;Umuntu olungolwakhe lolu qhotho abaJuda bazakumbopha kanje eJerusalema, bamkhaphele ezandleni zabezizwe.&#8217; &#8221;</div><div class="p"> 12 Sesikuzwile lokho samncenga thina kanye nabakuleyo ndawo ukuba angakhuphukeli eJerusalema. 13Khona uPawulu waphendula wathi: &#8220;Nenzelani ukukhala nichoboza inhliziyo yami na? Ngokuba sengilungele, kungesikho ukuboshwa kuphela kepha nokufa eJerusalema ngenxa yegama leNkosi uJesu.&#8221; 14 Engenakuvunyiswa, sathula sathi: &#8220;Mayenziwe intando yeNkosi.&#8221;</div><div class="s1">UPawulu eseJerusalema</div><div class="p"> 15Emva kwalezo zinsuku sabopha impahla, sakhuphukela eJerusalema; 16kwahamba nathi abanye kubafundi baseKesariya, besiyisa kuMnasoni othile waseKhupro, umfundi omdala, ebesizakungenisa kwakhe.</div><div class="p"> 17Sesifinyelele eJerusalema, abazalwane basamukela ngokujabula. 18 Ngangomuso uPawulu wangena nathi kuJakobe; namalunga onke ayekhona. 19 Wababingelela, wabalandisa ngakho konke ngakunye uNkulunkulu abekwenzile phakathi kwabezizwe ngenkonzo yakhe.</div><div class="p"> 20 Sebekuzwile lokho bamdumisa uNkulunkulu, bathi kuye: &#8220;Uyabona, mzalwane, ukuthi ziningi kangaka izigidi zabakholwayo phakathi kwabaJuda, futhi bonke bayizishisekeli zomthetho; 21 sebebikelwe ngawe ukuthi ufundisa bonke abaJuda abaphakathi kwabezizwe ukuhlubuka kuMose, uthi mabangasoki abantwana babo, bangahambi ngamasiko. 22Pho-ke, senze njani na? Impela bazakuzwa ukuthi usufikile. 23 Ngakho yenza lokhu esikusho kuwe: Kukhona kithi amadoda amane azibophile ngesifungo; 24wathathe wona, uzihlambulule kanye nawo, uwakhokhele ukuba aphucule ikhanda; khona bazakwazi bonke ukuthi akukho lutho lwalokho abakubikelwe ngawe, kepha ukuthi nawe uhamba ulonda umthetho. 25 Kepha maqondana nabezizwe abakholwayo sesilobile sanquma ngokuthi mabazilonde kokuhlatshelwe izithombe, negazi, nokuqumbeleneyo, nobufebe.&#8221;</div><div class="p"> 26 Khona uPawulu wawathatha lawo madoda, ngangomuso wayesezihlambulula kanye nawo, wangena ethempelini, wabika ukuphela kwezinsuku zokuhlanjululwa, kuze kulethwe umnikelo ngenxa yawo onke.</div><div class="s1">AbaJuda bavusa umsindo; uPawulu uyaboshwa</div><div class="p"> 27Kwathi sezizakuphela lezo zinsuku eziyisikhombisa, abaJuda base-Asiya bembonile ethempelini, bayaluzisa sonke isixuku, babeka izandla kuye, 28 bamemeza bathi: &#8220;Madoda akwa-Israyeli, yelekelelani; nguye lo muntu ofundisa bonke ezindaweni zonke okuphambene nesizwe, nomthetho, nale ndawo, futhi wangenisa ethempelini amaGreki, wayingcolisa le ndawo engcwele.&#8221; 29 Ngokuba babebonile ngaphambili uTrofimu wase-Efesu enaye emzini, ababesho ngaye ukuthi uPawulu umngenisile ethempelini.</div><div class="p"> 30Umuzi wonke wanyakaziswa, abantu bagijimela ndawonye, bambamba uPawulu, bamhudulela ngaphandle kwethempeli; iminyango yavalwa masinyane. 31Kuthe sebefuna ukumbulala, kwafika izwi enduneni yenkulungwane lokuthi lonke iJerusalema liyayaluza; 32yona yayisithatha masinyane amabutho nezinduna zekhulu, yagijimela kubo; sebebona induna yenkulungwane namabutho bayeka ukumshaya uPawulu.</div><div class="p"> 33Khona induna yenkulungwane yasondela, yamthatha, yayala ukuba aboshwe ngamaketanga amabili, yabuza ukuthi ungubani nokuthi wenzeni. 34Kepha abanye esixukwini bamemeza okunye, abanye okunye; yathi ukuba ingenakulazi iqiniso ngenxa yomsindo, yayala ukuba ayiswe ekamu.* 35Esefikile esikhwelweni, kwenzeka ukuba athwalwe ngamabutho ngenxa yokukhandana kwesixuku; 36 ngokuba kwalandela isixuku sabantu bememeza bethi: &#8220;Msuseni!&#8221;</div><div class="p"> 37Esezakungeniswa ekamu* uPawulu wathi enduneni yenkulungwane: &#8220;Ngivunyelwe ukuba ngisho utho na?&#8221;</div><div class="p">Yona yathi: &#8220;Uyasazi isiGreki na? 38Kanti awusiye yini lowo waseGibithe owambuka ngaphambi kwalezi zinsuku, waholela ehlane amadoda ayizinkulungwane ezine angababulali na?&#8221;</div><div class="p"> 39Kepha uPawulu wathi: &#8220;Mina ngingumJuda waseTarsu laseKhilikhiya, ngingumuntu womuzi ongesiwo ongenalo udumo; ngiyacela, ake ungivumele ngikhulume kubantu.&#8221;</div><div class="p"> 40Esemvumele, uPawulu wema esikhwelweni, waqhweba abantu ngesandla; sekuthe cwaka, wakhuluma ngolimi lwesiHeberu, wathi:</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkACT">
 <div class="chapter ch22" data-usfm="ACT.22">
 <div class="label">22</div><div class="s1">UPawulu ulandisa abaJuda ngokuphenduka kwakhe</div><div class="p"> 1 &#8220;Madoda, bazalwane, nani bobaba, yizwani ukuziphendulela kwami phambi kwenu kalokhu.&#8221;</div><div class="p"> 2Kwathi bemuzwa ekhuluma kubo ngolimi lwesiHeberu, bathula bathi du. Wayesethi: 3 &#8220;Mina ngiyindoda engumJuda, ngazalwa eTarsu laseKhilikhiya, kodwa ngakhulela kulo muzi, ngafundiswa ngasezinyaweni zikaGamaliyeli ngesineke ngomthetho wawobaba, ngashisekela uNkulunkulu njengokuba nonke ninjalo namuhla; 4 ngayizingela leyo Ndlela kwaze kwaba sekufeni, ngibopha ngibakhaphela ematilongweni abesilisa nabesifazane, 5njengokuba nompristi omkhulu ufakaza ngami namalunga onke; ngamukela kubo izincwadi ezilotshelwe abazalwane, ngaya eDamaseku ukuba nababe khona lapho ngibayise eJerusalema beboshiwe, ukuze bajeziswe.</div><div class="p"> 6 &#8220;Kwathi ngisahamba ngisondela eDamaseku kuphakathi kwemini, kwangibaneka masinyane nxazonke ukukhanya okukhulu okwavela ezulwini, 7ngawa phansi emhlabathini, ngezwa izwi lithi kimi: &#8216;Sawulu, Sawulu, ungizingelelani na?&#8217;</div><div class="p"> 8&#8220;Ngase ngiphendula ngathi: &#8216;Ungubani, Nkosi, na?&#8217;</div><div class="p">&#8220;Wathi kimi: &#8216;Mina nginguJesu waseNazaretha omzingelayo.&#8217; 9Kepha labo ababe nami bakubona ukukhanya, kodwa izwi lowakhuluma nami abalizwanga.</div><div class="p"> 10&#8220;Ngathi: &#8216;Ngizakwenzani, Nkosi, na?&#8217;</div><div class="p">&#8220;INkosi yayisithi kimi: &#8216;Sukuma, uye eDamaseku, uzakutshelwa khona konke okumiselweyo ukuba ukwenze.&#8217; 11Kepha njengokuba ngangingasaboni ngenxa yenkazimulo yalokho kukhanya, ngaholwa ngesandla yibo ababe nami, ngafika eDamaseku.</div><div class="p"> 12 &#8220;U-Ananiya othile, indoda ekholwa ngokomthetho, owayefakazelwa yibo bonke abaJuda ababakhile khona, 13weza kimi, wema, wathi kimi: &#8216;Sawulu, mzalwane, buye ubone.&#8217; Mina ngase ngimbona ngaso leso sikhathi.</div><div class="p"> 14 &#8220;Wayesethi: &#8216;UNkulunkulu wawobaba wakumisela ngaphambili ukuyazi intando yakhe, nokumbona oLungileyo, nokulizwa izwi eliphuma emlonyeni wakhe, 15ngokuba uzakuba ngufakazi wakhe kubantu bonke walokho okubonileyo nokuzwileyo. 16 Manje-ke ulibalelani na? Sukuma, ubhapathizwe, uhlambulule izono zakho ngokukhuleka egameni lakhe.&#8217;</div><div class="p"> 17 &#8220;Kwathi sengibuyele eJerusalema, ngikhuleka ethempelini, ngehlelwa yisiyezi, 18ngambona; wathi kimi: &#8216;Khawuleza uphume masinyane eJerusalema, ngokuba abazukwamukela ubufakazi bakho ngami.&#8217;</div><div class="p"> 19&#8220;Mina ngase ngithi: &#8216;Nkosi, bayazi bona ukuthi yimina engangibabopha ngibashaya emasinagogeni* abakholwa nguwe; 20 futhi mhla kuchithwa igazi likaStefanu ufakazi wakho, ngangimi khona mina, ngivuma, ngilinda izingubo zabambulalayo.&#8217;</div><div class="p"> 21 &#8220;Wathi kimi: &#8216;Hamba, ngokuba mina ngizakukuthuma uye kude kwabezizwe.&#8217; &#8221;</div><div class="s1">AbaJuda bafuna ukumbulala uPawulu</div><div class="p"> 22 Kepha bamlalela kwaze kwaba kulelo zwi; base bephakamisa izwi labo, bethi: &#8220;Msuseni onje emhlabeni, ngokuba akufanele ukuba aphile.&#8221; 23Kwathi besabangalasa, behlubula izingubo, bethuquza uthuli phezulu, 24induna yenkulungwane yayala ukuba angeniswe ekamu,* yathi akahlolwe ngenduku, ukuze iqonde ukuthi kungasiphi isici bememeza kanje ngaye. 25 Kepha besamelula ngemichilo, uPawulu wathi enduneni yekhulu eyayimi khona: &#8220;Kuvunyelwe yini ukushaya umuntu ongumRoma engalahlwanga yicala na?&#8221;</div><div class="p"> 26Induna yekhulu ikuzwile yaya enduneni yenkulungwane, yabika yathi: &#8220;Usuzakwenzani na, ngokuba lowo muntu ungumRoma?&#8221;</div><div class="p"> 27Induna yenkulungwane yayisifika, yathi kuye: &#8220;Ngitshele, wena ungumRoma na?&#8221;</div><div class="p">Yena wathi: &#8220;Yebo.&#8221;</div><div class="p"> 28Kepha induna yenkulungwane yaphendula yathi: &#8220;Mina ngalithenga lelo lungelo ngemali enkulu.&#8221;</div><div class="p">Kodwa uPawulu wathi: &#8220;Kepha mina ngazalwa nalo.&#8221;</div><div class="p"> 29Ngakho basuka kuye masinyane abase bezakumhlola; kepha induna yenkulungwane yesaba, isiyazi ukuthi ungumRoma nokuthi ibimbophile.</div><div class="p"> 30Kwathi ngangomuso ifuna ukwazi iqiniso lalokho amangalelwe ngakho ngabaJuda, yamkhulula, yayala ukuba abapristi abakhulu nomphakathi wonke ubuthane, yamehlisa uPawulu phambi kwabo.</div>
 </div>
 </div>
</div>

iZenzoIsampula

UmBhalo

Mayelana naloluHlelo

Izinhlelo zohlobo olufanayo