IVangeli likaMathewu

1 AbaseKorinte

IVangeli likaMarku

IVangeli likaJohane

Abase-Efesu

AmaRoma

Incwadi yeZenzo

AbaseGalathiya

2 AbaseKorinte

<div class="version vid286 iso6393zul" data-vid="286" data-iso6393="zul">
 <div class="book bkLUK">
 <div class="chapter ch10" data-usfm="LUK.10">
 <div class="label">10</div><div class="s1">Ukuthunywa kwabafundi abangamashumi ayisikhombisa</div><div class="r">(Math. 10:1; Mark. 6:7)</div><div class="p"> 1Emva kwalokho iNkosi yamisa abanye abangamashumi ayisikhombisa, yabathumela ngababili phambi kwayo emizini nasezindaweni zonke ebizakuya kuzo yona. 2Yathi kubo: &#8220;Ukuvuna kukhulu, kepha izisebenzi ziyingcosana; ngakho-ke nxusani inkosi yokuvuna ukuba ithumele izisebenzi ekuvuneni kwayo. 3Hambani; bhekani, ngiyanithuma ninjengezimvu phakathi kwezimpisi. 4Ningaphathi sikhwama, nayika, nazicathulo, ningabingeleli muntu endleleni.</div><div class="p"> 5&#8220;Nakuyiphi indlu eningena kuyo, qalani nithi: &#8216;Ukuthula makube kule ndlu.&#8217; 6Kuyakuthi uma kukhona lapho indodana yokuthula, ukuthula kwenu kohlala phezu kwayo; kepha uma kungenjalo, kuzakubuyela kini. 7Hlalani kuleyo ndlu, nidle, niphuze abanipha khona; ngokuba isisebenzi sifanele inkokhelo yaso. Ningangenisi ezindlini ngezindlu.</div><div class="p"> 8&#8220;Nakumuphi umuzi eningena kuwo, benamukele, yidlani okubekwa phambi kwenu, 9niphulukise abagulayo abakuwo, nithi kubo: &#8216;Umbuso kaNkulunkulu usondele kini.&#8217; 10Kepha nakumuphi umuzi eningena kuwo, benganamukeli, phumelani ezitaladini zawo, nithi: 11&#8216;Nothuli lomuzi wenu olunamathele ezinyaweni zethu siyaluhlangulela kini; nokho-ke yazini lokhu ukuthi umbuso kaNkulunkulu usondele.&#8217; 12Ngithi kini: Kuyakuba ngcono kwabaseSodoma ngalolo suku kunakulowo muzi.</div><div class="s1">Ukusolwa kwemizi engaphendukanga</div><div class="r">(Math. 11:20)</div><div class="p"> 13&#8220;Maye kuwe Korazini! Maye kuwe Betsayida! Ngokuba uma kwakwenziwe eTire naseSidoni imisebenzi yamandla eyenziwe kini, ngakube kade yaphenduka, ihlala ngesaka nangomlotha. 14Kepha kuyakuba ngcono kulo iTire neSidoni ekwahlulelweni kunakini. 15Nawe Kapernawume uyakuphakanyiselwa ezulwini na? Uyakwehliselwa eHayidese.*</div><div class="p"> 16 &#8220;Onizwayo nina uyangizwa mina; onalayo nina uyangala mina; ongalayo mina uyamala ongithumileyo.&#8221;</div><div class="p"> 17Babuya-ke abangamashumi ayisikhombisa ngokujabula, bathi: &#8220;Nkosi, namademoni ayasithobela ngegama lakho.&#8221;</div><div class="p"> 18Wathi kubo: &#8220;Ngabona uSathane ewa ezulwini njengonyazi. 19 Bhekani, ngininikile igunya lokunyathela izinyoka nawofezela naphezu kwamandla onke esitha; anisoze noniwa lutho. 20 Nokho ningathokozi ngalokhu kokuthi omoya bayanithobela, kepha thokozani ngokuthi amagama enu alotshiwe ezulwini.&#8221;</div><div class="s1">UJesu uyamdumisa uYise</div><div class="r">(Math. 11:25)</div><div class="p"> 21Ngasona leso sikhathi wathokoza ngoMoya oNgcwele, wathi: &#8220;Ngiyakubonga, Baba, Nkosi yezulu nomhlaba, ngokuba ukufihlile lokho kwabahlakaniphileyo nabanokuqonda, wakwambulela izingane; yebo, Baba, ngokuba kwaba kuhle phambi kwakho ukuba kube njalo. 22Konke ngikunikelwe nguBaba; akakho owazi ukuthi iNdodana ingubani, kuphela uYise, nokuthi uYise ungubani, kuphela iNdodana nalowo iNdodana ethanda ukumambulela yena.&#8221;</div><div class="p"> 23Waphendukela kubafundi bebodwa, wathi: &#8220;Abusisiwe amehlo abona enikubonayo. 24Ngokuba ngithi kini: Baningi abaprofethi namakhosi ababethanda ukubona enikubonayo, abakubonanga, nokuzwa enikuzwayo, abakuzwanga.&#8221;</div><div class="s1">Umfanekiso womSamariya onesihawu</div><div class="r">(Math. 22:34; Mark. 12:28)</div><div class="p"> 25Bheka, kwase kusukuma isazimthetho esithile, samlinga sathi: &#8220;Mfundisi, ngizakwenzani ukuba ngidle ifa lokuphila okuphakade na?&#8221;</div><div class="p"> 26Wathi kuso: &#8220;Kulotshweni emthethweni? Ufunda kanjani?&#8221;</div><div class="p"> 27Saphendula sathi: &#8220;Woyithanda iNkosi uNkulunkulu wakho ngayo yonke inhliziyo yakho, nangawo wonke umphefumulo wakho, nangawo onke amandla akho, nangayo yonke ingqondo yakho, nomakhelwane wakho njengalokhu uzithanda wena.&#8221;</div><div class="p"> 28Wayesethi kuso: &#8220;Uphendule kahle; yenza lokho, uzakuphila.&#8221;</div><div class="p"> 29Kepha sona sithanda ukuzithetha sathi kuJesu: &#8220;Umakhelwane wami ngubani na?&#8221;</div><div class="p"> 30UJesu waphendula wathi: &#8220;Umuntu othile wehla eJerusalema eya eJeriko; watheleka phakathi kwezigcwelegcwele, zamhlubula izingubo, zamshaya, zamuka zimshiya umndondo nje. 31Kwaqabuka kwehla umpristi othile ngaleyo ndlela; wathi embona, wamgwemela. 32Kanjalo nomLevi, efika kuleyo ndawo embona, wamgwemela. 33Kepha umSamariya othile owayesendleleni wafika kuye; wathi ukuba ambone, wamhawukela; 34waya kuye, wabopha amanxeba akhe ewathela ngamafutha newayini, wamkhwelisa esilwaneni sakhe, wamusa endlini yezihambi, wamgcina. 35Ngangomuso wakhipha odenariyu* ababili, wabanika umninindlu, wathi kuye: &#8216;Mgcine, nalokho okwelekelayo ngiyakukubuyisela kuwe ekubuyeni kwami.&#8217;</div><div class="p"> 36&#8220;Ngumuphi ngokubona kwakho kulaba abathathu owaba ngumakhelwane wakhe owatheleka phakathi kwezigcwelegcwele na?&#8221;</div><div class="p"> 37Sathi: &#8220;Yilowo owamenzela isihawu.&#8221;</div><div class="p">Wayesethi uJesu kuso: &#8220;Hamba wenze njalo nawe.&#8221;</div><div class="s1">OMarta noMariya</div><div class="p"> 38Kwathi ekuhambeni kwabo wangena emzini othile; owesifazane othile, igama lakhe nguMarta, wamamukela endlini yakhe. 39Wayenodadewabo othiwa nguMariya, owahlala ngasezinyaweni zeNkosi, walizwa izwi layo. 40Kepha uMarta ekhathazekile ukusebenza okuningi waya kuye, wathi: &#8220;Nkosi, awukhathaleli ukuthi udadewethu ungishiyile, ngisebenze ngedwa, na? Ngakho yisho kuye ukuba angisize.&#8221;</div><div class="p"> 41Kepha iNkosi yamphendula yathi: &#8220;Marta, Marta, unakekela, ukhathazeka ngezinto eziningi. 42Kodwa inye into edingekile; uMariya ukhethile isabelo esihle angayikwaphucwa sona.&#8221;</div>
 </div>
 </div>
</div>

IVangeli likaLukaIsampula

UmBhalo

Mayelana naloluHlelo

Izinhlelo zohlobo olufanayo