Thola i AppVuka UkhanyeIsampula
Abantwana Bokukhanya
Encwadini ka-Isaya, sibona indlela abantu baseJerusalema ababezizwa bevaleleke ngayo ebumnyameni bezwe elibazungezile nasesonweni sabo siqu: “Ngakho ubulungiswa abukho phakathi kwethu, futhi asazi lutho ngokuphila okulungile. Difuna ukukhanya kodwa sithola ubumnyama kuphela. Sibheka isibhakabhaka esikhanyayo kodwa sihamba ebumnyameni.” ( Isaya 59:9 )
Kodwa-ke umprofethi u-Isaya ubabiza ngokuthi baphakeme. Ubabizela eqinisweni.
Vuka, Jerusalema, makukhanye ukukhanya kwakho, kubonwe yibo bonke ngoba inkazimulo yeNkosi iyaphakama ukuze ikhanye phezu kwenu. Ubumnyama njengobusuku busibekela zonke izizwe zomhlaba, kepha inkazimulo kaJehova iyaphuma, ibonakala phezu kwenu.” (Isaya 60:1-2).
Nawe, ubizwa ngokuthi ungaphezulu. Awuvalelekile ebumnyameni. Ukukhanya kwangempela kwalelizwe kwehla futhi kwaphila impilo yomuntu, wabe esenikela ngokuphila Kwakhe ngenxa yakho. Ubumnyama balelizwe bungazwakala bubukhulu. Ubumnyama esihlanganyela kubo ngezinye izikhathi bungabonakala bukhanga. Ungase uzizwe ungafaneleki ukukhanyisa ukukhanya kukaKristu. Yilapho isitha sifuna uhlale khona! Lobo ubumnyama labo abasencwadini ka-Isaya ababezizwa bevaleleke kubo. Kodwa sibona u-Isaya etshela abantu ukuba basukume bakhanye.
Mngani wami, manje ngithi kuwe: “[Faka igama lakho lapha], sukuma! Vumela ukukhanya kwakho kukhanye ukuze bonke bakubone. Ngoba inkazimulo yeNkosi iyaphuma ukuze ikhanyise phezu kwakho
Bhekisa amehlo akho kuJesu, futhi umvumele aguqule indlela obona ngayo izinto. Ungumqambi nomdali wakho konke, futhi ufuna ukuthi ubone izinto ukuthi zinjani ngempela: kakade zinqotshwe ukukhanya kwezwe.
Yisikhathi sokuvuka futhi ukhanye. sekuyisikhathi sokuyeka ukuphila emangeni esitha futhi uqale ukuphila ngeqiniso leZwi likaNkulunkulu. Sekuyisikhathi sokuthi uyeke ukuzama ukuzikhanyisela wena kodwa ukhanyisele uJesu. Sekuyisikhathi sokuthi ukhanyise ukukhanya kukaKristu ukuze umhlaba wonke ubone futhi wazi inkazimulo yeNkosi. Unakho lokhu, mngani wami.
Vuka ukhanye.
Nkosi, ngifuna ukukhanya kwakho kukhanye kimi nangami. Ngikhumbuze zonke izinsuku ngeqiniso ukuthi Wena umkhulu kunabo bonke ubumnyama! Ameni.
Sithemba ukuthi lolu hlelo lukukhuthazile. Funda kabanzi mayelana mokuthiBuka Ukhanye kuka-Allyson Golden lapha .
Mayelana naloluHlelo
Abantu bajwayele ukuthi, “Nika uNkulunkulu imithwalo yakho.” Uke uzibuze: Ngingakwenza kanjani lokho? Ukuphuka komhlaba kuzwakala kusinda kakhulu. Futhi njengoba ufisa ukukhanyisa ukukhanya kukaJesu, uyazibuza ukuthi lokho kubukeka kanjani uma uzama ukubona ukukhanya ngokwakho. Lesi sifundo sibheka ukuthi singaba kanjani izibani kuJesu noma umhlaba wethu uzwakala umnyama.
More
