Thola i AppAkukho UkuzisolaIsampula
Ushintsho lwempilo olusheshayo
Le mpilo iwuhambo, futhi iuyimpilo esingayihlwithwa ezandleni zethu. Lapho ukuphila kwami kubonakala sengathi kuzofinyezwa, ngikhumbula ngicabanga, “Ziningi izinto engifuna ukuzenzela iNkosi, futhi angikawuqedi umsebenzi wami.” Ngifuna ukukubuza: Ukube ukuphila kwakho bekufinyezwa, ubungacabanga ngani? Yini obungathanda ukuyenza? Ngithembe, umbono wakho uzoshintsha uma ubhekene nethuba lokungabikho lapha. Uzofuna ukuqeda izinto. Uzofuna ukunakekela lezo zinto ezimisiwe ngenxa yesikhathi esinzima noma ngenxa yokuthi kube nokushoda kwezinto ezibalulekile nezomqoka. Kuyini okuza kuqala kuwe? Uma ungasindisiwe, khona-ke okungabaluleka kuwe kufanele kube ukusindiswa.
Kumele sicabange nangabo bonke abantu esibaziyo abenqabayo ukukhonza uNkulunkulu nokuthi ukuphila kwabo akunanjongo ngempela. Bangase babuke ngaphandle sengathi banakho konke, kodwa ngaphakathi bafile. Uma usindisiwe, khona-ke okubalulekile kwakho kufanele kube ukusiza abanye ukuba basindiswe ngokuhlanganyela nabo ngendaba yakho siqu kanye nomlayezo wevangeli: ukufa, ukungcwatshwa, nokuvuka kukaJesu Kristu.
Ukuphila Ngamabomu:
- Insindiso iyisinyathelo sokuqala sokuphila impilo yokungazisoli
- Yabelana ngodaba lwempilo yakho; kungavula izinhliziyo ukwamukela iqiniso
- Yabelana ngokholo lwakho noma nini lapho ungakwazi; imivuzo ingeya ngunaphakade
- Ukuhlangana noNkulunkulu weqiniso kuyohlale kubangela ukuphila okushintshile
UmBhalo
Mayelana naloluHlelo
Lokhu kufundwa kwansuku zonke okunamandla kuveza ukuthi kusho ukuthini ukuphila impilo ngaphandle kokuzisola. Khululeka futhi ufunde ukuthi ungakhonza kanjani futhi ukhazimulise uNkulunkulu njengokungathi zonke izinsuku ngezokugcina. Lokhu kuzinikela kusekelwe encwadini kaRobin Bertram ethi Akukho Ukuzisola.
More
