Thola i AppIndumiso: Isifundo kumaHuboIsampula
Ithini?
Umhubi wayelangazelela ukuba sendlini kaNkulunkulu ophilayo, obusisa abamethembayo. Wacela uNkulunkulu ukuba avuselele abantu Bakhe, abonise uthando olungapheli, futhi abanike insindiso.
Kusho ukuthini?
Amahubo anamuhla anikeza ukuqonda mayelana nendlela abantu bakaNkulunkulu okufanele basabele ngayo esimeni Sakhe. Ukufunda lezi zahluko ngokulandelana kwazo kunikeza umbono othakazelisayo. Umlobi weHubo 85 wayebonga kakhulu ngokuthethelela, uthando, nokwethembeka kukaNkulunkulu, kodwa futhi wayeqonda ukuthi ukulunga kukaNkulunkulu kudinga isahlulelo esonweni. Ukubuyisela kudinga ukuphenduka. Manje bheka emuva eHubo 84. Lapho abantu bakaNkulunkulu bephilela ukumjabulisa esikhundleni sokuzithokozisa bona, babenesifiso esinamandla sokumkhulekela endlini yaKhe. Ukudumisa uNkulunkulu nabanye abakhulekeli kwavuselela umoya womhubi futhi kwamnika amandla okuthembela eNkosini. Ukuphendula ngokulalela ukulunga kukaNkulunkulu, isimilo esingcwele kwakusho ukuphila ngaphansi kwesibusiso Sakhe kunokuba ngaphansi kolaka Lwakhe.
Ngifanele ngiphendule kanjani?
Umphakathi wethu wehlise uNkulunkulu waba yizici zobuntu ezimbalwa njengothando, ububele, nomusa. Sekwamukeleka ngokwesiko ukudala uhlobo lukaNkulunkulu ofuna ukukholelwa kuye inqobo nje uma ubekezelela umbono womunye umuntu. Nokho, lokho kubekezelela akudluleli nakulabo abanemibono yobuJuda nobuKristu. Inkinga ngale filosofi isimo sikaNkulunkulu esingaguquki. Usengcwele futhi ulungile namuhla njengoba kade enjalo. Ingabe umbono wakho ngoNkulunkulu uhlanganisa sonke isimo Sakhe noma izici ozithola zijabulisa? Ukuphila ngokuzithoba kulokho uNkulunkulu ayikho ngempela kuyokwenza ufise ukumjabulisa futhi umdumise kanye namanye amakholwa. Njengoba ufunda iBhayibheli, cela uNkulunkulu ukuba alungise noma imiphi imibono eyiphutha ongase ube nayo Ngaye.
Mayelana naloluHlelo
Amahubo ayiqoqo lezinkondlo nezingoma ezabhalwa eminyakeni engu-1,000. Nakuba iHubo liqukethe izindumiso zenjabulo nezililo ezidabukisayo, yonke incwadi ifakazela uthando oluqotho lukaNkulunkulu kubantu baKhe kuzo zonke izimo. Njengengxenye eyinhloko yokudumisa yeTestamente Elidala, wonke amahubo alindele uvuthondaba lokudumisa kukaNkulunkulu ekufeni nasekuvukeni kukaJesu Kristu.
More
