Thola i AppIndumiso: Isifundo kumaHuboIsampula
Kuthini na?
UDavide wakhala kuJehova ukuba amkhulule kubantu ababi, wamdumisa ngokulalela. Izizukulwane ezizayo zaziyokhonza uJehova futhi zimemezele ukulunga kwakhe.
Kusho ukuthini na?
IHubo 22 lingelokuqala ‘kwamaHubo Omalusi’ amathathu achaza inkonzo kaJesu yasemhlabeni. Lapho ethandazela ukuhlupheka kwakhe siqu, uDavide wachaza ngokwesiprofetho ukubethelwa esiphambanweni, uvuko, nokubusa kukaKristu okuzayo. Ukugcwaliseka kwesiprofetho esisevesini 18 ngamasosha amaRoma kuthakazelisa ngokukhethekile njengoba sicashunwa kuwo wonke amaVangeli amane (NgokukaMathewu 27:35; NgokukaMarku 15:24; NgokukaLuka 23:34; NgokukaJohane 19:23-24). Amavesi amahlanu okugcina asegcwalisekile, ayagcwaliseka, futhi asazogcwaliseka, njengoba isizukulwane ngasinye sidinga ukuzwa ukuthi uMalusi Omuhle wanikela ngokuphila Kwakhe ngenxa yezimvu Zakhe (NgokukaJohane 10:11)
Ngiphendule kanjani na?
Njengoba ufunda lesi siqephu, ucabangele ukuthi usuvele uyingxenye yokugcwalisa isiprofetho saso? Ngesinye isikhathi, wawuyingxenye ‘yezizukulwane ezizayo [ezatshelwa] ngeNkosi. Uye wasabela kanjani ezindabeni zokuthi uMalusi Omuhle wanikela ngokuphila Kwakhe ngenxa yakho? Uma ukhethe ukumlandela, khona-ke ingxenye yakho kulesi siqephu sesiprofetho iyaqhubeka evesini 31, “Memezela ukulunga Kwakhe kubantu abangakazalwa.” Kungumthwalo wazo zonke izizukulwane zamakholwa ukutshela isizukulwane esilandelayo indaba kaJesu. Uzolimemezela kanjani igama leNkosi ngamabomu namuhla?
UmBhalo
Mayelana naloluHlelo
Amahubo ayiqoqo lezinkondlo nezingoma ezabhalwa eminyakeni engu-1,000. Nakuba iHubo liqukethe izindumiso zenjabulo nezililo ezidabukisayo, yonke incwadi ifakazela uthando oluqotho lukaNkulunkulu kubantu baKhe kuzo zonke izimo. Njengengxenye eyinhloko yokudumisa yeTestamente Elidala, wonke amahubo alindele uvuthondaba lokudumisa kukaNkulunkulu ekufeni nasekuvukeni kukaJesu Kristu.
More
