Indaba KaDanny

Indaba kaDanny akuyona neze into engajwayelekile. Ezweni lanamuhla lasentshonalanga, sivame ukubheka izinto ezifana notshwala, izidakamizwa, ucansi, nomsebenzi ukuze kusiphazamise ebuhlungwini bemiphefumulo yethu.

NjengoDanny, abaningi bazama ukuphila nalezi ‘zinduku’ futhi, ekugcineni, zonke ziyabhidlika. Zazingahloselwe neze ukuthwala isisindo esigcwele sesidingo sethu sothando. Ngokuqondile, isidingo sethu sothando lukaNkulunkulu.

UDanny waba nesipiliyoni esikhulu noJesu okwamenza washintsha ukuphila kwakhe. Akuthina sonke esinakho lokho, simane sibe nalomuzwa oququdayo wokuthi kukhona okushodayo kule mpilo.

Ngamazwi akhe, uDanny wathi:

“Ngajaha izinto eziningi ukuze ngigcwaliseke. Akukho okwenza lokho.”

Izenzakalo ezenzeka ekuphileni kukaDanny ezagcina zimbuyisele kuNkulunkulu ayenikele ukuphila kwakhe kuye eseyinsizwa ngandlela-thile zifana nokuphila komlingiswa waseBhayibhelini.

Indodana Yolahleko.

Yima kancane manje bese ufunda uLuka 15:11-32.

Akumangalisi yini! Indodana yolahleko, nakuba yayisaphaze yonke ingcebo kayise ngokuphila budedengu, yemukelwa yabuyiswa njengendodana, njengokungathi ayizange ihambe.

Njengobufakazi bukaDanny, u-Pat Robertson wathi ku-700 Club, “ungabuya uma uhambile.”

Isinyathelo sokuqala ekutholeni nasekuphileni ngenhloso ukufulathela izinto ezisiphuca indlela.

Ukujabulela uphuzo oludakayo, ubudlelwane, nomsebenzi wakho ngokuzibophezela akuzona izinto ezimbi ngokwakho, kodwa uma kuba yisizathu sakho sonke sokuqhubeka, kungadala umonakalo.

Phendukela kuNkulunkulu – noma ubuyele kuNkulunkulu – futhi umvumele ukuthi agcwalise impilo yakho ngesiqondiso nenjongo njengoba uphila ebuhlotsheni Naye.