Thola i AppIndlela YoMbusoIsampula
Ingabe Ucasukile?
Ujohane uMbhabhadisi wayechithe impilo yakhe yobudala ememezela ukuza kukaMesiya. Ujohane wayengumzala kaJesu, okusho ukuthi babezazi izimangaliso ezizungeze ukuzalwa komunye nomunye. Manje, sebeqaliswe ngokugcwele enkonzweni yabo, bobabili uJohane noJesu bebelokhu bememezela ngokuqiniseka ukuthi uMbuso ususondele. Kubonakala sengathi basekhasini elifanayo.
Nokho, ngokungalindelekile, uJohane wathumela abafundi bakhe ukuba bayobuza uJesu ukuthi unguMesiya yini noma kufanele babheke omunye. Ingabe uJohane wayengazi? Impela kwakubonakala sengathi wayazi. Manje ubonakala edidekile.
Ujohane wayelindele umsindisi owayezoketula izinhlelo zezombangazwe, ezenkolo namasiko osuku lwakhe. Wayekholelwa ukuthi uMesiya wayeyohola ukuhlubuka okulungile okwakusekelwa uNkulunkulu. Nokho wayekuphi uJohane njengamanje? Waboshwa ejele ehlushwa ubudlova ezandleni zikaHerode ongalungile nokhonza izithombe. Wayenzani uJesu ngalokhu? Akenzanga lutho.
Uma uJesu bekunguye ozayo, ubengeke yini amise uMbuso Wakhe, athathe isinyathelo sokuketula abacindezeli bezenhlalo yezombangazwe, ebiza ukuba kube nenguquko phakathi kwezikhulu zenkolo futhi azimise njengeNkosi elungile, emiswe ngokwaphezulu? Ubengeke yini angenele esimweni sikaJohane etilongweni, njengoba ezobe eletha isahlulelo Sakhe esinjengomlilo phezu kwabo bonke ububi? Ngokuvumelana nalokho uJohane ayekulindele, impendulo yayiyoba uyebo.
Ujesu waxwayisa uJohane ukuba angakhubeki. Ujohane kwakuzodingeka amelane nesilingo futhi akhethe ukukholelwa ngisho naphezu kokuthukwa, ukungabi nabulungiswa nokulimala. KuJohane, bekungeke kube khona ukukhululwa. Ukuhlazeka kwalokho ayekulindele kwamshiya edidekile, enokungabaza futhi elingeka ekungakholweni. Kulokho okwenzeka nakulezo zimo, uJesu wambiza okholweni.
Kukangaki lapho, lapho silindele okungakafinyelelwanga noma lapho siqala ukuzwa ubukhali bokuphikiswa nokungabi nabulungisa, sicasulwe uNkulunkulu? Siqala ukungabaza uthando Lwakhe, ukulunga Kwakhe, ukwethembeka Kwakhe, ubukhona Bakhe kanye nokuba ngokoqobo Kwakhe. Bangaki asebejikile futhi abasamlandeli uJesu ngenxa yayo kanye le nto? Yile ndlela isitha esibulala ngayo umnyakazo kaMoya.
Siphezu komunye umnyakazo omkhulu kaNkulunkulu. Uma sifuna ukuhamba endleleni yoMbuso futhi sihlanganyele noNkulunkulu ekuhambeni koMoya esizukulwaneni sethu, sidinga ukungacasuki.
Mayelana naloluHlelo
UNkulunkulu uvusa iBandla Lakhe, futhi sidinga ukubona isithombe esikhulu. Lapho izikhathi ziba nzima, sizolingeka ukuba siyeke. Nokho, akusona isikhathi sokuyeka. Hlanganyela nathi njengoba sifunda ukufunda izikhathi esikuzo, futhi sizuze namasu okuthi singama kanjani futhi siqhubekisele phambili uMbuso kaNkulunkulu.
More
