Izindaba Ezinhle NgesilingoIsampula

Iqiniso #1: Asisodwa

Esilingweni esinzima, kulula kithi ukuzizwa sengathi siwukuphela kwabantu emhlabeni abanqamula ehlathini lemicabango nezifiso ezimbi. Umphostoli uPawulu waduduza ibandla laseKorinte ngala mazwi, “Asikho isilingo esinificile ngaphandle kwalokho okuvamile kubantu.” (1 KwabaseKorinte 10:13).

Izindaba ezinhle ukuthi asisodwa ezilingweni zethu!

Zonke izilingo zethu empeleni zijwayelekile - zivamisile, zijwayelekile, noma zijikelele. Nokho nguSathane - lowo uJesu ambiza ngokuthi ‘uyise wamanga’ - osikhohlisayo ukuze sicabange ukuthi izilingo zethu zehlukile. Akukho okungaba ngaphezu kweqiniso. Wonke umuntu ubhekana nohlobo lwemicabango emibi kanye nezifiso ezimbi esinazo, usuku nosuku. Ingozi ekukholelweni ukuthi izilingo zethu ziyingqayizivele, ukuthi zingase zisenze sigwinyeke olwandle olunamahloni, kusenze singabaze uthando olukhulu lukaNkulunkulu ngathi.

Ukwengeza, singaduduzeka ngokwazi ukuthi ngesikhathi esemhlabeni, uJesu uqobo wabhekana nezilingo ezifanayo ncamashi nathi! Umehluko kuphela ukuthi akakaze agobe ngaphansi kwengcindezi futhi athi yebo esonweni, futhi yilokho okwamenza wafaneleka ukuba abe umhlatshelo ophelele wezono zethu.

Ngakho yima isibindi, izilingo zakho azizona zodwa futhi awuwedwa, uNkulunkulu unawe futhi ufuna ukukusiza.

Umkhuleko:

Nkosi ngiyabonga ukuthi angingedwa ekulingweni kwami,ukhona lana nami njalo. ngicela ungiphe amandla akho okuthi cha lapho ngilingwa; kanye nokholo lokukholelwa ukuthi uyangithethelela lapho ngehluleka futhi ngithi yebo esilingweni. Ameni.