Thola i AppIndlela kaNkulunkulu YempumeleloIsampula
Endaweni yomoya, impumelelo itholakala ekugcwaliseni injongo kaNkulunkulu ngempilo yakho. Leyo yincazelo yebhayibheli yempumelelo. Esikweni lethu namuhla, kunezincazelo eziningi eziyiphutha zokuthi kusho ukuthini ukuphumelela. Abanye abantu bacabanga ukuthi impumelelo ihambisana nokuthi unemali engakanani. Abanye bakusekela ekutheni ukhuphuke kangakanani ezingeni lomsebenzi. Kulezi zinsuku kungase kuchazwe ngokuthi bangaki abalandeli onabo ezinkundleni zokuxhumana. Kodwa inkinga ngayo yonke le mibono ukuthi ayisekelwe esimisweni sikaNkulunkulu sempumelelo.
UJesu wasinika incazelo yempumelelo lapho ethi, “Ngikukhazimulisile emhlabeni, njengoba ngiwufezile umsebenzi onginike wona ukuba ngiwenze” (ngokukaJohane 17:4).
UPawulu washo okufanayo ngendlela ehlukile lapho ebhala la mazwi: “Ngikulwile ukulwa okuhle, ngiliqedile ibanga, ngilugcinile ukholo” (2 KuThimothewu 4:7).
Eqinisweni, uNkulunkulu watshela uJoshuwa ukuthi impumelelo yakhe yayisekelwe ngokuphelele ekuzindleni kwakhe ngokucophelela ngeZwi likaNkulunkulu kanye nokuvumelanisa izinqumo nezenzo zakhe ngaphansi kwalo (UJoshuwa 1:8). Impumelelo ibandakanya ukufeza lokho uNkulunkulu akubizele ukuba ukwenze.
Ithini incazelo yakho siqu yempumelelo?
Iqhathaniseka kanjani nencazelo kaNkulunkulu?
UmBhalo
Mayelana naloluHlelo
Wonke umuntu ufuna impumelelo, kodwa abaningi abayitholi ngoba basuke bephishekela ukuqonda okungamanga ukuthi kusho ukuthini ukuphila impilo ephumelelayo. Ukuze uthole impumelelo yeqiniso udinga ukubeka amehlo akho encazelweni kaNkulunkulu yalokho ekushoyo. Vumela umbhali othengisa kakhulu u-Tony Evans akubonise indlela eya empumelelweni yombuso weqiniso nokuthi ungayithola kanjani.
More
