Thola i AppIzikhali zikaNkulunkuluIsampula
Izinto ezikukhathaza kakhulu empilweni yakho—izinto ozibona ngemzinzwa zenyama—aziyona inkinga yakho yangempela. Konke okwenzeka emhlabeni obonakalayo, wenyama kuxhumene ngqo nomdlalo wokulwa owenziwa ezweni elingabonakali, izwe lakomoya. Isitha sakho sangempela—udeveli—sifuna ukuba ungalinaki iqiniso likamoya elingemuva kwenyama. Ngokuba uma nje ugxile kulokho ongakubona ngamehlo akho enyama, angaqhubeka nomsebenzi wakhe wenkohlakalo engabonakali. Lapho uqhubeka ungamnaki, uyanda umonakalo angakhululeka ukuwenza. Isitha singase singabonakali, kodwa akasiyona inganekwane. Ukhona ngempela, futhi uyaphikelela, ulwa nathi njalo.
Ukuba yikholwa akukuniki isiqiniseko sukuvikelwa ekuhlaselweni yisitha, kodwa kukunika ukufinyelela emandleni kaBaba—amandla Akhe okukuvikela kanye nokubuyisela emuva lokho okwenziwe kuwe. Uma ufuna ukunqoba impi—uma ufuna ukuhlanganyela nami ekuphenyeni umbhalo, ukuphonsela phansi isitha, futhi ukhubaze umthelela waso empilweni yakho—okubalulekile wukubona ukuthi uxhumene nezikamoya futhi kunalowo oza ngokumelene nawe.
Upawulu wabhala incwadi yabase-Efesu hhayi nje ukukudonsele ukuba ubheke ukuthi impi engokomoya ikhona endaweni engabonakali, izwe elingabonwayo, kodwa ikakhulukazi ngenjongo yokwembula amandla atholakala kuwo wonke umuntu onobudlelwano noNkulunkulu ngoKristu. Kweyabase-Efesu, uPawulu uqokomisa isici esibaluleke kakhulu kodwa esinganakwa sezikhali zethu ezingokomoya: umkhuleko.
Upawulu ubheka umkhuleko ngokubaluleka okukhulu ekunqobeni amandla kaSathane ekuphileni kwethu kangangokuthi, njengoba esinye isazi saphawula, “ngokwesilinganiso, abase-Efesu banamavesi ahlobene ngokuqondile nomkhuleko angaphezu kuka-55%” njengamaRoma, incwadi kaPawulu ende kunazo zonke. Waba nokumemeza ekhuleka kaningi ngesikhathi ebhala. Futhi uma ekhuleka ... umuntu, unamasu, enesiqiniseko sokuthi utshela abafundi bakhe ukuthi yini ayithandazelayo. Wayazi ukuthi umkhuleko unamandla ukushintsha umkhondo wempilo yabo yonke. Ukunqoba empini engokomoya akunakuhlukaniswa nomkhuleko.
Funda eyabase-Efesu 1:18-21 no-3:14-19. Kuzo zonke izinto uPawulu azithandazelayo, yikuphi okudingeka kakhulu ukukucela kuNkulunkulu namuhla?
Umsebenzi Ocashuniwe
1. uJames E. Rosscup, “Ukubaluleka Komthandazo Kwabase-Efesu,” The Master’s Seminary Journal, Volume 6, Number 1 (Spring 1995), 58.
Mayelana naloluHlelo
Nsuku zonke, kuqubuka impi engabonakali eduze kwakho—engabonwa, engezwakali, kodwa ezwakala kukho konke ukuphila kwakho. Isitha esizinikele, esinodeveli sifuna ukwenza umonakalo kukho konke okubalulekile kuwe: inhliziyo yakho, ingqondo yakho, umshado wakho, izingane zakho, amaphupho akho, isiphetho sakho. Uhlelo lwakhe lwempi luncike ekukubambeni ungazi futhi ungahlomile. Uma ukhathele ukuphushwa futhi ubanjwe ungaqaphile, lolu cwaningo olwakho.
More
