Thola i AppThola Incazelo Phakathi Koshintsho Isampula
Lapho Impilo Ijika
Ukuchezuka kwempilo kuyindikimba engaguquki eBhayibhelini. Sikubona ngoJosefa lapho ekhethwa uNkulunkulu, bese echitha iminyaka ejele. Sikubona ngoRuthe lapho umyeni wakhe wokuqala eshona ngemva nje komshado wabo, abese elandela uninazala baye kwelinye izwe. Sikubona noPawulu—owabhala ingxenye enkulu yeTestamente Elisha—kaningi.
Kusuka ezikhwelweni eziwa emehlweni akhe kuye ekuboshweni ejele, bambalwa kakhulu abantu abaqonda izindlela eziphambukayo njengoPawulu.
Eqinisweni, ake sibhekisise enye yezindlela zakhe eziphambukayo. UPawulu wayenezinhlelo ezinkulu zokuya eRoma ayoshumayela izindaba ezinhle zikaJesu. Uma ubheka inhliziyo yakhe nezisusa zakhe, kunzima ukukholelwa ukuthi uNkulunkulu wayengeke afune ukuthi uPawulu aphumelele. Nokho, endleleni uPawulu waboshwa. Icebo lakhe elikhulu lama kungazelelwe, futhi kwaqala ukuchezuka kwakhe.
Nakhu esikufunda kuPawulu mayelana nezinguquko ezingalindelekile zempilo:
- Umsebenzi kaNkulunkulu omuhle awukamiswa (KwabaseFilipi 1:6).
- Ukuchezuka kwethu kuvula indlela yecebo likaNkulunkulu elingcwele (KwabaseFilipi 1:12).
- Sibizelwe ukuthokoza njalo (KwabaseFilipi 1:18-19).
Ngesikhathi uPawulu eboshiwe, kwakuyoba lula ngempela kuye ukukhononda nokukhathazeka. Wayazi ukuthi angabulawa noma nini. Esikhundleni salokho, wasebenzisa indlela yakhe yokwenza lokho kanye ayekubizelwe eRoma ukuba akwenze—ukuhlanganyela ngevangeli.
Lapho elibangise eRoma, wayecabanga ukuthi uzobe eshumayeza uquqaba. Kunalokho, wakwazi ukuhlanganyela ngevangeli mathupha nonogada ngamunye ayeboshelwe kubo.
Ngakho-ke, kusho ukuthini lokhu kithi? Singafunda ukubona izithiyo njengamathuba. Ngombono ofanele, singafana noPawulu, simemezele:
... okwenzeke kimi kusebenzele ukuqhubekisela phambili ivangeli. KwabaseFilipi 1:12 NIV
Umkhuleko: Nkulunkulu, njengoba ngibheka emuva empilweni yami, ngiyakubona usebenza ezinkingeni nasezinguqukweni. Ngiyabonga ngokuthi noma ngingaqondi, ngingethemba ukuthi unecebo elihle kakhulu engqondweni yakho. Ngisize ngiqale ukubona izithiyo njengamathuba okuqhubekisela phambili ivangeli, futhi ngicela ukuthi intando Yakho yenziwe empilweni yami—hhayi eyami. Egameni likaJesu, ameni.
Inselelo: Khuluma noNkulunkulu mayelana nendlela ethile ephambukayo empilweni yakho. Mbonge ngakho, bese umbuza noma yimiphi imibuzo osenayo ngenjongo yakho.
UmBhalo
Mayelana naloluHlelo
Sisabela kanjani lapho ukuphila kungahambi ngendlela ebesihlelile ngayo noma lapho sithatha uhambo lokuphambuka? Lapho sibhekana noshintsho, kulula ukugajwa imizwa yokudideka, intukuthelo, kanye nokudumala. Kodwa uNkulunkulu usibekele okuthile okungcono. Funda ukuthi ungaqala kanjani ukwamukela ushintsho, ngisho naphakathi kwenqubo engeyeyinhle.
More
