Thola i AppNgabe kuyini lokhu? Ukwamukela Izipho OngazicelangaIsampula
Ukhisimusi yisikhathi esihle kakhulu sonyaka — ngaphandle lapho kungenjalo.
Nakuba abanye abantu behlobanisa uKhisimusi namakhekhe oshukela, izingubo zokulala ezifanayo, kanye nayo yonke imizwa efudumele nengaqondakali, iqiniso kwabanye abaningi liwukuthi amaholide abonakala ekhanyisa lokho okushodayo ekuphileni kwabo. Kuyisikhumbuzo salokho okwakuyikho noma okufanele kbe yini noma lokho ababecabanga ukuthi kuzoba yikho.
Sicula ngoKhisimusi wokuqala ukuthi uzolile futhi uqhakazile, kodwa ukubhekisisa indaba kaKhisimusi kuveza ukuthi empeleni bekungenjalo nhlobo. Izinto zazingahambi kahle - zazinesiphithiphithi. Futhi impilo ayizange ibonakale ikhanya - empeleni, izinto zazizwakala zimnyama kakhulu.
Umariya wathola umusa eNkosini iningi lethu elingakwazi ngisho nokuqala ukukuqonda, kodwa kwacishe kwamlahlekisela kokubili umshado wakhe nesithunzi sakhe. Cishe wayengeke awuchaze lowo nyaka wokuphila kwakhe njengozolile, nakuba wayethwele uMntwana Wokuthula.
Inkosi uHerode yayikhathazeke kakhulu lapho izwa izindaba zokuzalwa kukaJesu kangangokuthi yabulala zonke izingane zabafana ezineminyaka engaphansi kwemibili ezazihlala eBhetlehema. Ujosefa waphoqeleka ukuba abaleke noMariya noJesu bayohlala becashile, ngakho maningi amathuba okuthi uJosefa angawuchaza uKhisimusi wokuqala njengokhanyayo.
Ukuzalwa kukaJesu yingakho sigubha uKhisimusi, kodwa izehlakalo ezihambisana nokungena Kwakhe kulo mhlaba zazingaphelele - nokho, ziyasibonisa ukuthi singalithola kanjani ithemba ezindaweni ezinzima futhi samukele izipho esingazange sazihlelela.
Kungakhathaliseki ukuthi uzulazula kokuthile kanzima noma ujabulela amaholide ajabulisayo kule sizini, ithemba likaKhisimuzi liyafana kithi sonke — ngu-Imanuweli, elinye igama likaJesu elisho ukuthi “uNkulunkulu u nathi.”
Noma ngabe kwenzekani kuwe kulo nyaka, uNkulunkulu ubenawe.
Noma ngabe yini engeke yenzeke kuwe, uNkulunkulu usenawe.
Noma yini engenzeka noma ingenzeki onyakeni ozayo, uNkulunkulu ulindile nalapho, futhi ufuna ukuhamba nawe kukho.
Phakathi kwesiphithiphithi nokudideka, uNkulunkulu waletha ithemba nokuthula emhlabeni ngoKhisimusi wokuqala, futhi ufuna ukwenza okufanayo nakuwe kulesi sikhathi samaholide.
Zinike isikhathi ucabange ngesimo lapho uzizwa uwedwa noma udidekile futhi ucabange uNkulunkulu kuleyondawo enawe.
UmBhalo
Mayelana naloluHlelo
Sisonga unyaka omubi emlandweni ongazange ucelwe muntu futhi obungalindelwe muntu. Kepha kwesinye isikhathi, uNkulunkulu usibizela ukuthi samukele izimo ebesingazihlelelanga kanye nezipho esingazicelanga — funda le nkonzo yezinsuku ezinhlanu, ebhekisisa indaba kaKhisimusi, ukuze ufunde ukuthi ungakugwema kanjani ukuphuthelwa inhloso lapho ukupakishwa kwakho kubukeka kuyinkinga.
More
