Thola i AppNgiyazethembaIsampula
UNkulunkulu Wethu Uhlala Esisiza
Umnqamulajuqu ususondele, i-akhawunti yasebhange iyaphela, ingane iyazulazula, umshado ubishile, iphrojekthi yokugcina iseduze, ithemba liyandiza, futhi izwi emqondweni wakho lithi, "uwedwa kulesikhathi.” Akukho okuqeda ukuzethemba njengombono wokuthi ukuphela kwento ehlukanisa impilo yakho nokwesaba kwakho okukhulu nguwe. Kungani? Ngenxa yokuthi ekujuleni kwenhliziyo—ngaphansi kokuziqinisa kanye nokuzethemba - siyazi ukuthi sizacile kakhulu futhi siqhekekile siqedwa isikhukhula sokudangala.
Hhayi-ke, lokho bekudikibalisa. Chabo, linda akunjalo. Lo mbono wokuthi asikwazi ukukwenza sodwa empeleni uthembisa induduzo kwabanesizungu nokuphumula kwabakhathele. UNkulunkulu wayengahlosile ukuba sihambe sodwa. Uma sibona ukuthi ngeke sikwazi, sivulela Lowo ongakwazi. Amandla akhe enziwa aphelele ebuthakathakeni bethu. Singase sibe buthakathaka, kodwa Yena unamandla. Singase siqhekeke, kepha Uyasigcwalisa. Ungusizo lwethu njalo ngezikhathi zokuhlupheka. Ungumduduzi wethu ezindaweni eziphansi ezesabekayo, futhi Nguye othi, YEBO! Lala futhi uphumule eduze kwalo mfudlana onokuthula.” AKUSIYENA, lowo othi, “Uwedwa ngalesi sikhathi.” Eqinisweni, ngiyazethemba ngoba Nguye othi, “Nginani njalo.”
Zama lokhu: Cabanga ngokubhekana nento eyodwa ekwenza uzizwe ungakhululekile okwamanje. Manje, qaphela ukuthi awunawo amandla okubhekana nakho uwedwa futhi uthembele kuNkulunkulu ukuba abe nethemba lakho njengoba uthatha isinyathelo esilandelayo.
Mayelana naloluHlelo
Abaningi bethu bathuthumela phakathi kokungazethembi nokuzethemba okungamanga. Lolu hlelo lweBhayibheli lwezinsuku ezine oluvela ku-Life.Church luzobeka isisekelo sakho esisha ekuthembeni kuNkulunkulu. Qala ukufunda ingxenye yesithupha yochungechunge oluthi Hlala Unethemba olunezingxenye eziyisithupha.
More
