NginentshisekoIsampula

Ungakuqala Kanjani Okusha

Ngakho-ke, liyini ikhambi? Kuthiwani uma komunye ukuqhuma kwenabukeni, elinye ithayi eliphantshile, esinye isivivinyo esingaphumelelanga, okunye ukwenqatshwa, okunye ukugula, nokunye ukulahlekelwa sekuqale ukukuncela ukuphila? kuthiwani uma uye wadebesela ekwenzeni uNkulunkulu ingxenye yokuphila kwakho kwansuku zonke, futhi manje usabambekile? Singakulalela kanjani ukulungiswa kukaNkulunkulu kusAmbulo 2:4-5, bese sibuyela ezintweni zangaphambili?

Okokuqala, uDavide waxolisa. Uma ubukade ungamnaki umuntu omthandayo, umkweleta ukuxolisa. uma ubudebeselela isikhathi sakho nokuzinikela kwakho noMdali wendawo yonke, uthatha ukubaluleka Kwakhe njengokuncane kunokunethezeka kwakho, nawe uyamkweleta ukuxolisa. Noma ngabe uvumele ubuhlungu obunzima noma ukuhlupheka kukususe ekunakekeleni Kwakhe kothando nasekuthukutheleni kwakho, xolisa. ukuqaphela ingxenye yakho emzabalazweni wakho—bese uxolisa ngakho—kuyisinyathelo sokuqala endleleni yokuphuma. Usitshele ukuthi size kuye lapho sikhathele. Uma senza kanjalo, uyobuyisela kithi intokozo yensindiso yethu.

Sifunda kumaHubo 51 ngenhliziyo kaDavide ephendukile. wacela uNkulunkulu ukuba ahlanze inhliziyo yakhe, avuselele umoya wakhe. Wabona ukuthi uma ezibuka kakhulu, wayemane eyisigebengu esivilaphayo esinaka kakhulu inkanuko yakhe kunempilo yenye indoda. lapho ebheka uNkulunkulu nakakhulu, wafana nalowo mfana oshisekayo owawisa umdondoshiya ngokungesabi ukuze asindise isizwe sakubo. Wabona ukuthi kufanele abe mncane ukuze uNkulunkulu abe mkhulu. Kusasa, ake siqedele siqine ngokubheka izibonelo zempilo ezaphilwa ngalolu hlobo lwesasasa. Nasi iseluleko: ungenza umlando uma uba mncane ukuze wenze uNkulunkulu abe mkhulu.

Thandaza: Yenza uhlu lwanoma yini entshontsha injabulo yakho. Faka phakathi izinto ezincane nezinkulu. Yiya endaweni ethile ethule, uyifunde kuNkulunkulu, bese uthi, “Nkulunkulu, Ubaluleke ngaphezu kwalokhu. Ngiyakwethemba. Umuhle empilweni yami. Ngibonise ukuthi ngingahamba kanjani nawe kukho konke lokhu usuku nosuku. ngingancipha kanjani, ukuze wena ube mkhulu na?”