Thola i AppNginentshisekoIsampula
Ngabe Ugcwele ini?
Igama elithi ugqozi lingase lihlanganise imicabango yezikhulumi ezikhuthazayo nabahlabeleli. Nokho, izimpande zalo zibuyela emuva olimini lwesiGreki ngokuthi en theos, okusho kuNkulunkulu, ukuba noNkulunkulu, noma ngisho nokugcwaliswa ngoMoya kaNkulunkulu. Intshiseko esikhuluma ngayo ayikona kakhulu ukukhuluma okujabulisayo kanye namapom pom, kodwa kunalokho ukusondelana nenhliziyo kaNkulunkulu.
Ubani uNkulunkulu ambiza umuntu ngokwenhliziyo Yakhe? Udavide. Uma umFilisti oyisiqhwaga, ongasokile ebesongela umphakathi wakini wonke, ubungagijima yini umphosele inselelo ukuba alwe? Udavide osemusha wenza kanjalo. Wehlisa inkulumo yenkosi nezikhali zempi, wabe esegijima ebheke kuGoliyati engaphethe lutho ngaphandle kwamatshe amahlanu abushelelezi, indwayimane, futhi ethembele ngokuphelele kuNkulunkulu.
Mhlawumbe umdondoshiya wakho akuyena umuntu omkhulu ogqoke izikhali. Mhlawumbe umndeni wakho uya ngokuya uba nobugovu futhi awunandaba nabanye. Mhlawumbe isikole sakho sigcwele ukuziphatha okulimazayo-kodwa okwamukelekayo emphakathini. Mhlawumbe ozakwenu baphambanisa izinombolo. Ingabe unayo intshiseko—i-en theos—yokuthola amagama amahlanu abushelelezi ongawasho? Noma izinyathelo ezinhlanu ezincane okufanele uzithathe? Ingabe ubhekana nezinkinga ngokungesabi njengoDavide osemusha?
Kungani uDavida engesabi kangaka? Wayewuthathaphi wonke lowo mdlandla? Udavide wayemethemba uNkulunkulu nsuku zonke, wayehamba noNkulunkulu nsuku zonke, futhi ekhonza uNkulunkulu nsuku zonke. Ngenxa yalokho, uDavide wayegcwele uNkulunkulu. Kusasa, sizobheka okwenzeka lapho uDavide ephelelwa umdlandla. Isexwayiso esibalulekil: uma kungenzeka kumuntu ngokwenhliziyo kaNkulunkulu uqobo, kungenzeka kunoma ubani.
Cabangisisa: Cabanga ngesikhathi owazizwa unomdlandla kakhulu ngaso. Wawenzani ukuze uzigcine uxhumekile futhi ugcwaliswe ngoMoya kaNkulunkulu?
UmBhalo
Mayelana naloluHlelo
Ike uzizwe uphansi? Awuwedwa—ngisho neNkosi uDavide yaphelelwa injabulo. Qala ukufunda ingxenye yesihlanu yochungechunge oluthi Hlala Unethemba olunezingxenye eziyisithupha futhi uvuselele umdlandla wakho.
More
