Thola i AppIzimfundiso zika Andrew MurrayIsampula
UKRISTU UYIKHO KONKE
Ezelulekweni zaphakade zikaNkulunkulu, ekuhlengweni esiphambanweni, nanjengeNkosi esihlalweni sobukhosi ezulwini nasemhlabeni, “UKristu uyikho konke” (kwabaseKolose 3:11). Ekusindisweni kwezoni, ekulungisisweni nasekungcwelisweni kwazo, ekwakhiweni komzimba kaKristu, nasekunakekeleni abantu, ngisho nalabo abanesono kakhulu,“UKristu uyikho konke.” Izinsuku zonke nangamahora onke, umntwana kaNkulunkulu uyaduduzwa futhi aqiniswe lapho emukela, ngokholo, ukuthi “uKristu uyikho konke.”
Mhlawumbe uke wacabanga, ekufundeni lawa makhasi, ukuthi insindiso ephelele echazwe lapha ayihloselwe wena. Uzizwa ubuthakathaka kakhulu, ungafaneleki kakhulu, ungathenjwa kakhulu. Mfundi wami othandekayo, uma nje wemukela iNkosi uJesu ngokukholwa komntwana uyoba noMholi noMqondisi oyokwanelisa zonke izidingo zakho. (Bheka kwabaseFilipi 4:19.) Kholwa ngenhliziyo yakho yonke emazwini oMsindisi wethu—“Bhekani, nginani njalo[s]” (NgokukaMathewu 28:20)—futhi uzozwa ubukhona Bakhe usuku nosuku.
Noma ngabe imizwa yakho ibanda kangakanani futhi ibuthuntu kangakanani, kungakhathaliseki ukuthi unesono kangakanani, hlangana neNkosi uJesu ekusithekeni, futhi Uzoziveza kuwe. Mtshele ukuthi ulusizi kangakanani, bese umethemba ukuthi uzokusiza futhi akusekele. Linda phambi Kwakhe kuze kube ngokholo uyakwazi ukujabula Kuye. Kungenzeka ukuthi uhlulekile ukukukhumbula lokhu ngezinye izikhathi, kodwa usuku ngalunye lapho uya emthandazweni oyimfihlo, mawube nawe lo mcabango: “UKristu uyikho konke.” Kuthathe njengesiqubulo sakho ukukufundisa ukuthandaza, ukuqinisa ukholo lwakho, ukukunika isiqinisekiso sothando Lwakhe kanye nokufinyelela kuBaba, akwenze uqine emsebenzini wosuku. “UKristu uyikho konke.” Yebo, uKristu, uKristu wenu, uyikho konke enikudingayo. Lokhu kuzokufundisa ukuhlala othandweni Lwakhe. Kuzokunika isiqiniseko sokuthi uhlala enhliziyweni yakho, futhi uzokwazi “uthando … oludlula ulwazi” (Kwabase-Efesu 3:19). UNkulunkulu makadunyiswe kuze kube phakade! UKristu, uKristu wakho, uyikho konke kukho konke!
Sithemba ukuthi lolu hlelo lukukhuthazile. Hlola ezinye izinsiza ku-https://www.whitakerhouse.com/product/andrew-murray-devotional/
Mayelana naloluHlelo
U-Andrew Murray wayengumfundisi waseNingizimu Afrika owabhala izincwadi eziningi nezincane zokuzinikela ukuze asakaze iZwi likaNkulunkulu kumakholwa asemaphandleni. Njengoba zihlanganiswe zisuka ezincwadini eziningi ezithandwa kakhulu zikaMurray, lezi nkonzo ezakhayo zizokulethela induduzo yansuku zonke futhi zikuvuselele ekuhambeni kwakho noNkulunkulu.
More
