Impilo Engaphezu KwemveloIsampula

Kufihliwe endaweni engenalutho

Ububi obuhlakaniphile—uSathane, amademoni, onkulunkulu abancane ababusa izizwe—abazi konke. Abanawo umqondo kaNkulunkulu, futhi abakwazi ukungena kuwo. Sivame ukucabanga ukuthi ngenxa yokuthi banamandla angaphezu kwawemvelo bayakwazi konke. Akulona iqiniso. Munye kuphela umuntu owazi konke—uNkulunkulu. Futhi kwenzeka ukuba abe ngakithi.

Ngenxa yokuwa, uSathane wayenegunya elifanele phezu kwethu sonke. . . . Ngenxa yesono sika-Adamu, “ukufa kwaba nomthelela kubo bonke” (KwabaseRoma 5:12). Inyoka yaqalekiswa, yaphonswa phansi ukuze ibuse indawo yabafileyo—izwe elingaphansi, noma lokho esikubiza ngokuthi isihogo. Ngenxa yokuwa, wonke umuntu umiselwe ukufa futhi aye endaweni yabafileyo—lapho kubusa udeveli.

Lokho konke kwashintsha lapho uJesu efika okokuqala futhi egcwalisa icebo likaNkulunkulu lensindiso ngokufa esiphambanweni nokuvuka kwabafileyo. Isinyathelo sokuqala sokubuyisela i-Edeni sasiwukunikeza isintu indlela yokubalekela isiqalekiso sokufa. Bonke abakholwayo, abenziwe amalungu omndeni nombuso kaNkulunkulu, abasesona isiqalekiso sokufa kanye nenkosi yabafileyo. Yingakho uJesu, lapho eqala inkonzo yakhe yokuvuselela umbuso (NgopkukaLuka 10:1–9), athi: “Ngabona uSathane ewa ezulwini njengombani” (NgokukaLuka 10:18). UJesu wayazi ukuthi ukufa nokuvuka kwakhe kwakuzokhokha isikweletu sesoni, kushiye uSathane engenamsebenzi emiphefumulweni yethu. Umbuso wawuyisiqalo sesiphetho senkosi yabafileyo.

Kufanele, futhi, sikhumbule ukuthi singobani—nokuthi ubuthina buvelaphi. Amakholwa, ngokuhlanganyela njengebandla, abizwa ngokuthi umzimba kaKristu. Nomzimba kaJesu wavuswa. Sizovuka ngoba uvukile (1 KwabaseKorinte 15:20–23). Uyizibulo kwabafileyo. “Siyibandla lamazibulo abhalisiwe ezulwini” (KumaHeberu 12:23). Njengoba uJohane asho, “Kepha bonke abamamukelayo wabapha amandla okuba babe ngabantwana bakaNkulunkulu, labo abakholwa egameni lakhe” (NgokukaJohane 1:12). 

USathane akanalungelo kubantwana bakaNkulunkulu ngoba bayovuka ekufeni. Asikho isizathu sokubheka abaphilayo endaweni yabafileyo.

UNkulunkulu ubengeke asembule isandla sakhe kunoma ubani—kungaba umuntu noma uNkulunkulu, othembekile noma ophikisana naye. Imininingwane yendlela uMesiya ayeyofeza ngayo izinjongo zikaNkulunkulu kwakumelwe ifihlwe. Kodwa uNkulunkulu wayeyobenza bazi ngokungangabazeki ukuthi lapho uMesiya ebonakala, wayeyoba uNkulunkulu enyameni yomuntu, futhi ukubuyiselwa kombuso wase-Edeni kwaba isiphetho. [That] kwakuwulwazi olwanele ukuze luqhubekisele phambili ukholo ezinhliziyweni zabantu kanye nokuyenga amandla obumnyama ukuba abangele ukubhujiswa kwawo siqu.