UHagayi: Ikuphi Okulandelayo?

Isinqumo Esikhulu Kunazo Zonke Empilweni Yakho!

U-Esteri

Ivangeli ngokuka Ezra

2 kaPetru

Nika uNkulunkulu indawo yokuqala

1 kaPetru

UKristu Iqhawe Lethu

1-2 kwabaseThesalonika Thessalonians

UKristu Indlovukazi Yethu Yokugcina U-Esteri

IBHAYIBHELI ELINGCWELE

<div class="version vid286 iso6393zul" data-vid="286" data-iso6393="zul">
 <div class="book bkEXO">
 <div class="chapter ch6" data-usfm="EXO.6.28+EXO.6.29+EXO.6.30">
 <div class="p">28Kwathi mhla uJehova ekhuluma kuMose ezweni laseGibithe, 29uJehova washo kuMose, wathi: &#8220;NginguJehova; khuluma kuFaro inkosi yaseGibithe konke engikukhuluma kuwe.&#8221;</div><div class="p"> 30Wayesethi uMose ebusweni bukaJehova: &#8220;Bheka, ngingowezindebe zomlomo ezingasokiwe; uFaro angangilalela kanjani na?&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkEXO">
 <div class="chapter ch7" data-usfm="EXO.7.1+EXO.7.2+EXO.7.3+EXO.7.4+EXO.7.5+EXO.7.6+EXO.7.7+EXO.7.8+EXO.7.9+EXO.7.10+EXO.7.11+EXO.7.12+EXO.7.13+EXO.7.14+EXO.7.15+EXO.7.16+EXO.7.17+EXO.7.18+EXO.7.19+EXO.7.20+EXO.7.21+EXO.7.22+EXO.7.23+EXO.7.24+EXO.7.25">
 <div class="p">1 UJehova wathi kuMose: &#8220;Bheka, ngikwenze ube njengonkulunkulu kuFaro; u-Aroni umfowenu uyakuba ngumprofethi wakho. 2Wena uyakukhuluma konke engikuyala ngakho; u-Aroni umfowenu uyakukhuluma kuFaro ukuba abavumele abantwana bakwa-Israyeli ukuphuma ezweni lakhe. 3Mina ngiyakuyenza inhliziyo kaFaro ibe lukhuni, ngandise izibonakaliso zami nezimangaliso zami ezweni laseGibithe. 4Kepha uFaro akayikunilalela; ngiyakubeka isandla sami phezu kweGibithe, ngikhiphe amabandla ami, isizwe sami, abantwana bakwa-Israyeli, ezweni laseGibithe ngezahlulelo ezinkulu. 5AbaseGibithe bayokwazi ukuthi nginguJehova, nxa ngelula isandla sami phezu kweGibithe, ngikhiphe abantwana bakwa-Israyeli phakathi kwabo.&#8221;</div><div class="p"> 6OMose no-Aroni benze njalo; njengalokho uJehova ebayalile, benze njalo-ke. 7UMose wayeneminyaka engamashumi ayisishiyagalombili, u-Aroni eneminyaka engamashumi ayisishiyagalombili nantathu, mhla bekhuluma kuFaro.</div><div class="p"> 8UJehova wakhuluma koMose no-Aroni, wathi: 9&#8220;Nxa uFaro ekhuluma kini, ethi: &#8216;Zifakazeleni ngesimangaliso,&#8217; uyakusho ku-Aroni ukuthi: &#8216;Thatha induku yakho, uyiphonse phansi phambi kukaFaro,&#8217; ukuze iphenduke inyoka.&#8221;</div><div class="p"> 10OMose no-Aroni bangena kuFaro, benza njengalokho uJehova ebayalile; u-Aroni waphonsa phansi induku yakhe phambi kukaFaro naphambi kwezinceku zakhe, yaphenduka inyoka. 11 Khona uFaro wabiza izihlakaniphi nabalumbi; izanusi zaseGibithe nazo zenze njalo ngemilingo yazo. 12Ngokuba yilowo nalowo waphonsa phansi induku yakhe, zaphenduka izinyoka; kepha induku ka-Aroni yagwinya izinduku zabo. 13Inhliziyo kaFaro yaba lukhuni, kabalalelanga, njengalokho eshilo uJehova.</div><div class="ms2">Izinhlupheko zaseGibithe</div><div class="s1">Eyokuqala: amanzi aphenduka igazi</div><div class="p"> 14UJehova wayesethi kuMose: &#8220;Inhliziyo kaFaro ilukhuni: uyenqaba ukuba abantu bahambe. 15Yana kuFaro kusasa ekuseni; bheka, uyaphuma ukuya emanzini; yima ogwini lomfula ukumhlangabeza; induku eyaphenduka inyoka woyiphatha ngesandla sakho. 16Wothi kuye: &#8216;UJehova, uNkulunkulu wamaHeberu, ungithume kuwe, uthi: Bavumele abantu bami ukuba bahambe bangikhonze ehlane; bheka, kuze kube manje awulalelanga. 17UJehova usho kanje, uthi: Ngalokhu uyokwazi ukuthi nginguJehova: bheka, ngenduku esesandleni sami ngiyakushaya phezu kwamanzi asemfuleni, aphenduke igazi. 18Izinhlanzi ezisemfuleni ziyakufa, umfula unuke; abaseGibithe bayakunengwa ngukuphuza amanzi emfuleni.&#8217; &#8221;</div><div class="p"> 19UJehova wathi kuMose: &#8220;Yisho ku-Aroni, uthi: &#8216;Thatha induku yakho, welule isandla sakho phezu kwamanzi aseGibithe, naphezu kwemifula, naphezu kweminonjana yabo, naphezu kweziziba, naphezu kwamachibi amanzi abo onke ukuba aphenduke igazi,&#8217; kube khona igazi ezweni lonke laseGibithe ezitsheni zemithi nasezitsheni zamatshe.&#8221;</div><div class="p"> 20 OMose no-Aroni base bekwenza-ke njengalokho uJehova ebayalile; waphakamisa induku, washaya amanzi asemfuleni emehlweni kaFaro nasemehlweni ezinceku zakhe; onke amanzi asemfuleni aphenduka igazi. 21Izinhlanzi zasemfuleni zafa; umfula wanuka; abaseGibithe babengenakuphuza amanzi asemfuleni; igazi lalikhona ezweni lonke laseGibithe.</div><div class="p"> 22Izanusi zaseGibithe zenze njalo ngemilingo yazo, yaze yaba lukhuni inhliziyo kaFaro; kabalalelanga, njengalokho eshilo uJehova. 23UFaro waphenduka wangena endlini yakhe, kayibekanga inhliziyo yakhe nakulokho. 24AbaseGibithe bemba nxazonke zomfula ukuthola amanzi okuphuza, ngokuba babengenakuphuza amanzi asemfuleni. 25Zaphelela izinsuku eziyisikhombisa, selokhu uJehova eshayile umfula.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkEXO">
 <div class="chapter ch8" data-usfm="EXO.8.1+EXO.8.2+EXO.8.3+EXO.8.4+EXO.8.5+EXO.8.6+EXO.8.7+EXO.8.8+EXO.8.9+EXO.8.10+EXO.8.11+EXO.8.12+EXO.8.13+EXO.8.14+EXO.8.15+EXO.8.16+EXO.8.17+EXO.8.18+EXO.8.19+EXO.8.20+EXO.8.21+EXO.8.22+EXO.8.23+EXO.8.24+EXO.8.25+EXO.8.26+EXO.8.27+EXO.8.28+EXO.8.29+EXO.8.30+EXO.8.31+EXO.8.32">
 <div class="p">1UJehova wayesethi kuMose: &#8220;Ngena kuFaro, uthi kuye: &#8216;Usho kanje uJehova, uthi: Bavumele abantu bami ukuba bahambe, bangikhonze. 2Uma wenqaba ukuba basuke, bheka, mina ngiyakushaya izwe lakho lonke ngamasele; 3umfula uyakuvama amasele; ayakukhuphuka, angene endlini yakho, nasekamelweni lakho lokulala, naphezu kombhede wakho, nasendlini yezinceku zakho, naphezu kwabantu bakho, nasemaziko akho, nasezingqwembeni zakho zokuxova izinkwa. 4Yebo, kuwena, nakubantu bakho, nasezincekwini zakho zonke ayakwenyukela amasele.&#8217; &#8221;</div><div class="p"> 5UJehova wathi kuMose: &#8220;Yisho ku-Aroni, uthi: &#8216;Yelula isandla sakho nenduku yakho phezu kwemifula, naphezu kweminonjana, naphezu kweziziba, wenyusele ezweni laseGibithe.&#8217; &#8221;</div><div class="p"> 6 U-Aroni wayeselula isandla sakhe phezu kwamanzi aseGibithe; amasele akhuphuka-ke, asibekela izwe laseGibithe. 7Izanusi zenze njalo ngemilingo yazo, zenyusela amasele ezweni laseGibithe.</div><div class="p"> 8Khona uFaro wababiza oMose no-Aroni, wathi: &#8220;Ncengani uJehova ukuba asuse amasele kimi nakubantu bami; ngizakuvumela abantu ukuba bahambe, bahlabele uJehova.&#8221;</div><div class="p"> 9UMose wathi kuFaro: &#8220;Ziphakamise phezu kwami, usho ukuthi ngizakukuncengela ngasiphi isikhathi wena nezinceku zakho, nabantu bakho ukuba achithwe amasele kuwe nasezindlini zakho, asale emfuleni kuphela.&#8221;</div><div class="p"> 10Wayesethi: &#8220;Ngomuso.&#8221;</div><div class="p">Wathi: &#8220;Makube njengezwi lakho ukuba wazi ukuthi akakho onjengaye uJehova uNkulunkulu wethu. 11Amasele ayakusuka kuwe, nasezindlini zakho, nasezincekwini zakho, nakubantu bakho, asale emfuleni kuphela.&#8221;</div><div class="p"> 12OMose no-Aroni baphuma kuFaro; uMose wakhala kuJehova ngamasele ayewalethile kuFaro. 13UJehova wenza njengezwi likaMose; amasele afa ezindlini, nasemagcekeni, nasemasimini. 14Bawabuthela izinqwaba ngezinqwaba, izwe lanuka. 15Esebona uFaro ukuthi kuyiphefu, wayenza lukhuni inhliziyo yakhe, kabalalelanga, njengalokho eshilo uJehova.</div><div class="s1">Inhlupheko yesithathu: omiyane</div><div class="p"> 16UJehova wayesethi kuMose: &#8220;Yisho ku-Aroni, uthi: &#8216;Yelula induku yakho, ushaye uthuli lomhlabathi, lube ngomiyane ezweni lonke laseGibithe.&#8217; &#8221; 17Benze njalo-ke; u-Aroni welula isandla sakhe nenduku yakhe, washaya uthuli lomhlabathi, lwaba ngomiyane kubantu nasezinkomeni; uthuli lonke lomhlabathi lwaba ngomiyane ezweni lonke laseGibithe. 18Nezanusi zenze njalo ngemilingo yazo ukuba ziveze omiyane, kepha zahluleka. Omiyane babe khona kubantu nasezinkomeni.</div><div class="p"> 19 Zase zithi izanusi kuFaro: &#8220;Lokhu kungumunwe kaNkulunkulu.&#8221; Kepha inhliziyo kaFaro yaba lukhuni, kabalalelanga, njengalokho eshilo uJehova.</div><div class="s1">Inhlupheko yesine: izibawu</div><div class="p"> 20UJehova wayesethi kuMose: &#8220;Vuka ekuseni kusasa, ume phambi kukaFaro; bheka, uyaphuma ukuya emanzini; thana kuye: &#8216;UJehova usho kanje, uthi: Bavumele abantu bami ukuba bahambe bangikhonze. 21Ngokuba uma wenqaba ukuba basuke, bheka, ngizakuthumela kuwe izibawu, nakuzo izinceku zakho, nakubantu bakho, nasezindlini zakho; izindlu zabaseGibithe ziyakugcwala izibawu kanye nomhlabathi ezikuwo.</div><div class="p"> 22&#8220; &#8216;Ngalolo suku ngiyakwahlukanisa izwe laseGosheni abakhe kulo abantu bami ukuba kungabikho izibawu khona, ukuze wazi ukuthi nginguJehova phakathi kwezwe. 23Ngizakwahlukanisa abantu bami nabantu bakho; ngomuso siyakuvela lesi sibonakaliso.&#8217; &#8221;</div><div class="p"> 24 Wenze njalo uJehova; kwangena uswebezane olwesabekayo lwezibawu endlini kaFaro, nasezindlini zezinceku zakhe, nasezweni lonke laseGibithe; izwe lachithwa ngenxa yezibawu.</div><div class="p"> 25Khona uFaro wababiza oMose no-Aroni, wathi: &#8220;Hambani nihlabele uNkulunkulu wenu kuleli zwe.&#8221;</div><div class="p"> 26 Wayesethi uMose: &#8220;Akufanele ukwenze njalo, ngokuba siyakuhlabela uJehova uNkulunkulu wethu lokhu okunengeka kwabaseGibithe; bheka, singahlaba okunengeka kwabaseGibithe emehlweni abo, bangasikhandi ngamatshe, na? 27 Siyakuhamba ibanga lezinsuku ezintathu, siye ehlane, sihlabele uJehova uNkulunkulu wethu, njengalokho ezakusiyala.&#8221;</div><div class="p"> 28Wayesethi uFaro: &#8220;Ngizakunivumela ukuba nihambe nihlabele uJehova uNkulunkulu wenu ehlane, kepha ningayi kude kakhulu nokho; ngikhulekeleni.&#8221;</div><div class="p"> 29Wathi uMose: &#8220;Bheka, ngiyaphuma kuwe; ngiyakuncenga uJehova ukuba izibawu zimuke, zisuke kuFaro, nakuzo izinceku zakhe, nakubantu bakhe ngomuso; kodwa uFaro angabuyi akhohlise ngokungavumeli abantu ukuba bahambe bahlabele uJehova.&#8221;</div><div class="p"> 30UMose wayesephuma kuFaro, wamncenga uJehova. 31UJehova wayesenza njengezwi likaMose; wasusa izibawu kuFaro, nakuzo izinceku zakhe, nakubantu bakhe; akwasala nesisodwa. 32UFaro wayenza lukhuni inhliziyo yakhe nangaleso sikhathi futhi, kabavumelanga abantu ukuba bahambe.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkEXO">
 <div class="chapter ch9" data-usfm="EXO.9.1+EXO.9.2+EXO.9.3+EXO.9.4+EXO.9.5+EXO.9.6+EXO.9.7+EXO.9.8+EXO.9.9+EXO.9.10+EXO.9.11+EXO.9.12+EXO.9.13+EXO.9.14+EXO.9.15+EXO.9.16+EXO.9.17+EXO.9.18+EXO.9.19+EXO.9.20+EXO.9.21+EXO.9.22+EXO.9.23+EXO.9.24+EXO.9.25+EXO.9.26+EXO.9.27+EXO.9.28+EXO.9.29+EXO.9.30+EXO.9.31+EXO.9.32+EXO.9.33+EXO.9.34+EXO.9.35">
 <div class="p">1UJehova wayesethi kuMose: &#8220;Ngena kuFaro, umtshele ukuthi: &#8216;Usho kanje uJehova, uNkulunkulu wamaHeberu, uthi: Bavumele abantu bami ukuba bahambe, bangikhonze. 2Ngokuba uma wenqaba ukuba bahambe usababambile, 3bheka, isandla sikaJehova siyakuba phezu kwemfuyo yakho esendle, naphezu kwamahhashi, naphezu kwezimbongolo, naphezu kwamakamela, naphezu kwezinkomo, naphezu kwezimvu, silethe isifo esinzima kakhulu. 4UJehova uyakwahlukanisa imfuyo yakwa-Israyeli nemfuyo yaseGibithe, kungafi lutho kukho konke okwabantwana bakwa-Israyeli.&#8217; &#8221;</div><div class="p"> 5UJehova wanquma isikhathi, wathi: &#8220;Kusasa uJehova uzakwenza lokhu ezweni.&#8221; 6Wakwenza-ke lokho uJehova ngangomuso; yafa yonke imfuyo yaseGibithe, kepha emfuyweni yabantwana bakwa-Israyeli akwafa neyodwa. 7UFaro wathumela; bheka, emfuyweni yakwa-Israyeli akufanga neyodwa; kepha inhliziyo kaFaro yayilukhuni, kabavumelanga abantu ukuba bahambe.</div><div class="s1">Inhlupheko yesithupha: amathumba</div><div class="p"> 8UJehova wayesethi kuMose naku-Aroni: &#8220;Caphunani izinkweshe zomlotha waseziko uMose awusakazele ngasezulwini phambi kukaFaro. 9Uyakuba yibhuqu ezweni lonke laseGibithe, uphenduke amathumba ayakuqhamuka nezilonda kubantu nasezinkomeni ezweni lonke laseGibithe.&#8221;</div><div class="p"> 10Base bethatha umlotha waseziko, bema phambi kukaFaro; uMose wawusakazela ngasezulwini, waphenduka amathumba aqhamuka nezilonda kubantu nasezinkomeni. 11Izanusi zazingenakuma phambi kukaMose ngenxa yamathumba, ngokuba amathumba ayekhona kuzo izanusi nakubo bonke abaseGibithe. 12UJehova wayenza lukhuni inhliziyo kaFaro, kabalalelanga, njengalokho uJehova eshilo kuMose.</div><div class="s1">Inhlupheko yesikhombisa: isichotho</div><div class="p"> 13UJehova wayesethi kuMose: &#8220;Vuka ekuseni kusasa, ume phambi kukaFaro, uthi kuye: &#8216;UJehova, uNkulunkulu wamaHeberu, usho kanje, uthi: Bavumele abantu bami ukuba bahambe, bangikhonze. 14Ngokuba kulesi sikhathi ngizakuthuma zonke izinhlupho zami enhliziyweni yakho, nasezincekweni zakho, nakubantu bakho, ukuze wazi ukuthi akakho onjengami emhlabeni wonke. 15Ngokuba ngase ngiselule isandla sami, ngakushaya wena nabantu bakho ngesifo, uze uchitheke emhlabeni, 16 kepha ngikumise ngalokhu ukuba ngikubonise amandla ami, igama lami lishunyayelwe emhlabeni wonke. 17Usabavimbela abantu bami, ungabavumeli ukuba bahambe, na? 18Bheka, kusasa ngalesi sikhathi ngiyakuwisa isichotho esinzima kakhulu, esingazange sibe khona esingaka eGibithe, selokhu lakhiwa kuze kube manje. 19Ngalokho thuma, ubuyise imfuyo yakho nakho konke onakho endle; bonke abantu nazo zonke izinkomo okuyakufunyanwa endle kungagoduswanga kuyakuwelelwa yisichotho, kufe.&#8217; &#8221;</div><div class="p"> 20Yena owalesaba izwi likaJehova phakathi kwezinceku zikaFaro wazenza izinceku zakhe nezinkomo zakhe ukuba zibalekele ezindlini. 21Kepha onganakanga izwi likaJehova washiya izinceku zakhe nemfuyo yakhe endle.</div><div class="p"> 22Wayesethi uJehova kuMose: &#8220;Yelula isandla sakho ngasezulwini ukuba kuwe isichotho ezweni lonke laseGibithe, phezu kwabantu, naphezu kwazinkomo naphezu kwayo yonke imifino ezweni lonke laseGibithe.&#8221; 23 UMose wayeselula induku yakhe ngasezulwini; uJehova wathuma ukuduma nesichotho; nomlilo wehlela emhlabeni; uJehova wawisa isichotho phezu kwezwe laseGibithe. 24Kwase kuwa isichotho nomlilo owanyazima njalo phakathi kwesichotho; kwakunzima kakhulu, okwakungazange kube khona ezweni laseGibithe okungangako, selokhu laba yisizwe. 25Isichotho sashaya konke okwakusendle, abantu nezinkomo, ezweni lonke laseGibithe; isichotho sashaya yonke imifino yasendle, saphula yonke imithi yasendle. 26Ezweni laseGosheni kuphela, lapho babe khona abantwana bakwa-Israyeli, kwakungawi sichotho.</div><div class="p"> 27UFaro wathuma wababiza oMose no-Aroni, wathi kubo: &#8220;Ngonile lesi sikhathi; uJehova ulungile, kepha mina nabantu bami sibabi. 28Ncengani kuJehova, ngokuba sekwanele lokhu kuduma okungaka nesichotho; ngizakunivumela ukuba nihambe, ningabe nisahlala.&#8221;</div><div class="p"> 29 Wayesethi uMose kuye: &#8220;Nxa sengiphumile emzini, ngizakwelula izandla zami kuJehova; kuyakunqamuka ukuduma, nesichotho asisayikuba khona, ukuze wazi ukuthi umhlaba ungokaJehova. 30Kepha wena nezinceku zakho ngiyazi ukuthi anikamesabi uJehova uNkulunkulu.&#8221;</div><div class="p"> 31Kwashaywa ifilakisi* nebhali,* ngokuba ibhali lalikhahlele, nefilakisi laliqhakazile. 32Kepha ukolweni nespelite* akushaywanga, ngokuba kwakungakakhuli.</div><div class="p"> 33UMose waphuma emzini kaFaro, welula izandla zakhe kuJehova; kwanqamuka-ke ukuduma nesichotho, alabe lisana emhlabeni. 34UFaro esebonile ukuthi imvula nesichotho nokuduma sekunqamukile, wabuye wona, wayenza lukhuni inhliziyo yakhe, yena nezinceku zakhe. 35Inhliziyo kaFaro yayilukhuni, kabavumelanga abantwana bakwa-Israyeli ukuba bahambe, njengalokho uJehova eshilo ngoMose.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkEXO">
 <div class="chapter ch10" data-usfm="EXO.10.1+EXO.10.2+EXO.10.3+EXO.10.4+EXO.10.5+EXO.10.6+EXO.10.7+EXO.10.8+EXO.10.9+EXO.10.10+EXO.10.11+EXO.10.12+EXO.10.13+EXO.10.14+EXO.10.15+EXO.10.16+EXO.10.17+EXO.10.18+EXO.10.19+EXO.10.20+EXO.10.21+EXO.10.22+EXO.10.23+EXO.10.24+EXO.10.25+EXO.10.26+EXO.10.27+EXO.10.28+EXO.10.29">
 <div class="p">1UJehova wayesethi kuMose: &#8220;Ngena kuFaro, ngokuba ngenze lukhuni inhliziyo yakhe nenhliziyo yezinceku zakhe ukuba ngizenze lezi zibonakaliso zami phakathi kwabo, 2ukuze utshele indodana yakho ezindlebeni nendodana yendodana yakho lokho engikwenzele iGibithe, nezibonakaliso zami engizenzile phakathi kwabo, nize nazi ukuthi nginguJehova.&#8221;</div><div class="p"> 3OMose no-Aroni bangena-ke kuFaro, bathi kuye: &#8220;Usho kanje uJehova, uNkulunkulu wamaHeberu, uthi: &#8216;Koze kube nini wenqaba ukuzithoba phambi kwami na? Bavumele abantu bami ukuba bahambe, bangikhonze. 4Ngokuba uma wenqaba ukuba abantu bami bahambe, bheka, ngomuso ngizakuletha isikhonyane ezweni lakho. 5Siyakusibekela ubuso bomhlaba, ukuze kungabe kusabonwa mhlabathi; siyakudla okuseleyo okusindile, enikushiyelwe yisichotho, sidle yonke imithi enimilelayo endle. 6Izindlu zakho, nezindlu zezinceku zakho zonke, nezindlu zabo bonke abaseGibithe ziyakugcwaliswa yiso, abangazange basibone esinjalo oyihlo nawoyise bawoyihlo, selokhu bafika emhlabeni kuze kube namuhla.&#8217; &#8221; Waphenduka, waphuma kuFaro.</div><div class="p"> 7Kepha izinceku zikaFaro zathi kuye: &#8220;Lo muntu uzakuba lugibe kuze kube nini na? Bavumele abantu ukuba bahambe bakhonze uJehova uNkulunkulu wabo. Awukwazi ukuthi iGibithe seliyashabalala na?&#8221;</div><div class="p"> 8OMose no-Aroni babuyiselwa kuFaro; wathi kubo: &#8220;Hambani nimkhonze uJehova uNkulunkulu wenu; kepha ngobani abazakuhamba na?&#8221;</div><div class="p"> 9UMose wathi: &#8220;Siyakuhamba nabasha bethu, nabadala bethu, namadodana ethu, namadodakazi ethu, nezimvu zethu, nezinkomo zethu, ngokuba sinomkhosi kaJehova.&#8221;</div><div class="p"> 10Wayesethi kubo: &#8220;Makabe nani-ke uJehova, njengokuba ngizakunivumela ukuba nihambe nezingane zenu; bhekani, ngokuba okubi kuphambi kwenu. 11Kungabi njalo; hambani nina madoda nimkhonze uJehova, ngokuba yikho enikufunayo.&#8221; Base bexoshwa ebusweni bukaFaro.</div><div class="p"> 12UJehova wayesethi kuMose: &#8220;Yelula isandla sakho phezu kwezwe laseGibithe, kufike isikhonyane ukuba senyukele ezweni laseGibithe, sidle imifino yonke, konke okwashiywa yisichotho.&#8221;</div><div class="p"> 13 UMose wayeselula induku yakhe phezu kwezwe laseGibithe; uJehova waletha umoya wasempumalanga ezweni ngalo lonke lolo suku nobusuku bonke; sekusile umoya wasempumalanga waletha isikhonyane. 14Isikhonyane senyukela ezweni lonke laseGibithe, sahlala ezweni lonke laseGibithe, sasinzima kakhulu; ngaphambi kwaso kwakungazange kube khona isikhonyane esingangaso, nangasemva kwaso asisayikuba khona esingangaso. 15Ngokuba sasibekela ubuso bonke bomhlaba, laze laba mnyama izwe. Sadla imifino yonke nezithelo zonke zemithi ezishiywe yisichotho; akwasala lutho oluluhlaza emithini nasemifinweni yasendle ezweni lonke laseGibithe.</div><div class="p"> 16Khona uFaro washesha wababiza oMose no-Aroni, wathi: &#8220;Ngonile kuJehova uNkulunkulu wenu nakinina. 17Ngalokho ake nithethelele isono sami ngalesi sikhathi esisodwa nje, nincenge uJehova uNkulunkulu wenu ukuba asuse kimi lokhu kufa kuphela.&#8221;</div><div class="p"> 18Waphuma kuFaro, wamncenga uJehova. 19UJehova wayesewuphendula umoya waba ngowasentshonalanga onamandla amakhulu; wona wasusa isikhonyane, wasilahla eLwandle Olubomvu; akwasala sikhonyane nesisodwa ezweni lonke laseGibithe. 20Kepha uJehova wayenza lukhuni inhliziyo kaFaro, kabavumelanga abantwana bakwa-Israyeli ukuba bahambe.</div><div class="s1">Inhlupheko yesishiyagalolunye: ubumnyama</div><div class="p"> 21UJehova wayesethi kuMose: &#8220;Yelula isandla sakho ngasezulwini ukuba kube khona ubumnyama ezweni laseGibithe obuphatheka ngesandla.&#8221; 22 UMose wayeseselula isandla sakhe ngasezulwini; kwaba khona isigayegaye esinzima ezweni lonke laseGibithe izinsuku ezintathu. 23Ababonananga; akusukanga muntu endaweni yakhe izinsuku zaze zaba ntathu; kepha kubo bonke abantwana bakwa-Israyeli kwakukhona ukukhanya emakhaya abo.</div><div class="p"> 24UFaro wambiza uMose, wathi: &#8220;Hambani nimkhonze uJehova, kusale kuphela izimvu zenu nezinkomo zenu; izingane zenu zingahamba nani.&#8221;</div><div class="p"> 25Wathi uMose: &#8220;Wonikela esandleni sethu imihlatshelo neminikelo yokushiswa, ukuze sihlabele uJehova uNkulunkulu wethu. 26Imfuyo yethu nayo iyakuhamba nathi; akuyikusala nanselo, ngokuba siyakuthatha kuyo lokhu esiyakumkhonza ngakho uJehova uNkulunkulu wethu; asikwazi esiyakumkhonza ngakho uJehova, singakafiki khona.&#8221;</div><div class="p"> 27Kepha uJehova wayenza lukhuni inhliziyo kaFaro, kabavumelanga ukuba bahambe. 28UFaro wathi kuye: &#8220;Suka kimi, uqaphele ukuba ungabuboni ubuso bami futhi; ngokuba mhla ubona ubuso bami, uyakufa.&#8221;</div><div class="p"> 29Wathi uMose: &#8220;Ukhulume kahle; angisayikubuye ngibone ubuso bakho.&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkEXO">
 <div class="chapter ch11" data-usfm="EXO.11.1+EXO.11.2+EXO.11.3+EXO.11.4+EXO.11.5+EXO.11.6+EXO.11.7+EXO.11.8+EXO.11.9+EXO.11.10">
 <div class="p">1 UJehova wayesethi kuMose: &#8220;Ngisezakuletha inhlupheko eyodwa kuFaro nakulo iGibithe; ngasemuva uyakunivumela ukuba nisuke lapha; yebo, nxa eniyeka ukuba nihambe, uzakunixosha nokunixosha lapha. 2 Khuluma manje ezindlebeni zabantu ukuba yilowo nalowo mlisa acele kumakhelwane wakhe, yilowo nalowo wesifazane acele kumakhelwane wakhe izinto zesiliva nezinto zegolide.&#8221; 3 UJehova wabapha abantu umusa emehlweni abaseGibithe. Futhi lowo muntu uMose wayemkhulu kakhulu ezweni laseGibithe emehlweni ezinceku zikaFaro nasemehlweni abantu.</div><div class="p"> 4UMose wathi: &#8220;Usho kanje uJehova, uthi: &#8216;Ngaphakathi kwamabili ngizakuphuma, ngiye phakathi kweGibithe; 5amazibulo onke asezweni laseGibithe ayakufa, kusukela kulo izibulo likaFaro ohlala esihlalweni sakhe sobukhosi kuze kube kulo izibulo lencekukazi engasetsheni lokugaya, kanye namazibulo onke ezinkomo. 6Kuyakuba khona ukukhala okukhulu ezweni lonke laseGibithe, okungazange kube khona okungangako, okungasayikuba khona futhi okungangako. 7Kepha kubo bonke abantwana bakwa-Israyeli akuyikubakho nanja eyakugwavumela umuntu nenkomo,&#8217; ukuze nazi ukuthi uJehova uyahlukanisa iGibithe no-Israyeli. 8Zonke lezi zinceku zakho ziyakwehla, zifike kimi, zingikhothamele, zithi: &#8216;Phuma wena nabantu bonke abakulandelayo; emva kwalokho ngizakuphuma.&#8217; &#8221; Waphuma kuFaro evutha ulaka.</div><div class="p"> 9 Wayesethi uJehova kuMose: &#8220;UFaro akayikukulalela ukuba izimangaliso zami zande ezweni laseGibithe.&#8221; 10 OMose no-Aroni bazenza zonke lezi zimangaliso ebusweni bukaFaro; uJehova wayenza lukhuni inhliziyo kaFaro, kabavumelanga abantwana bakwa-Israyeli ukuphuma ezweni lakhe.</div>
 </div>
 </div>
</div>

The Essential 100® Bible Challenge–4–Moses And The ExodusIsampula

UmBhalo

Mayelana naloluHlelo

Izinhlelo zohlobo olufanayo