Lapho Ukholo Lwehluleka: Izinsuku Eziyi-10 Zokuthola Unkulunkulu Ethunzini LokungabazaIsampula

Ku-Eksodusi, lapho uNkulunkulu etshela uMose ukuba akhumule izicathulo zakhe, kwakungenxa yokuthi wayemi endaweni engcwele. Lokho kumele ukuba kwammangaza! Wayeyazi kahle leya ndawo yasogwadule. Wayehambe phezu kwayo iminyaka engamashumi amane njengomalusi. KuMose, yilapho ayesebenza khona. Emqondweni wakhe kwakuwumhlabathi ojwayelekile nje, owubhuqu, ongcolile, onyathelwe yizimvu. Kodwa uNkulunkulu wathi ungcwele.

Kuthiwani uma umhlabathi okuwo manje ucwiliswe ngobungcwele? Kuthiwani uma yonke imininingwane yempilo yakho igcwele umfanekiso kaNkulunkulu? Kuthiwani uma wona kanye umoya okuzungezile ufakwe izwi lakhe?

Unkulunkulu uyakhuluma. Kungase kungabi ngendlela oyilindele.

• Ukhuluma ngabanye abantu. Ngisho nabakucasulayo.

• Ukhuluma ngobuciko: izincwadi ezinhle, umculo, izinkondlo, izingoma, nezithombe.

• Angakhuluma ngamaphupho. . . .

• Ukhuluma ngendalo, njengoba sihogela ubuhle balokho akwenzile.

• Ukhuluma ngokuqiniseka nangomqondo obeleselayo wokuthi kukhona okungahambi kahle. (Ngezinye izikhathi indaba ayikona ukuthula kukaNkulunkulu kodwa umsindo wesono ovala izindlebe. Isono sifuna ukuba yizwi elikhulu kunakho konke ekuphileni kwethu. Ungasivumeli.)

• Ukhuluma ngobuhlungu bethu.

• Ukhuluma ngokulahlekelwa kwethu.

• Ukhuluma nangokungabaza kwethu.

Uma uNkulunkulu ekhona, ayikho into okuthiwa umhlabathi ojwayelekile. Konke kungcwele. Lomzuzu, njengamanje, noma ngabe ukuphi, ungcwele. Unkulunkulu ukumema ukuba ukhumule izimbadada zakho futhi ucwilise izinzwane zakho phakathi futhi ukhuleke.

Ukhona lapha.

Iminwe kaNkulunkulu ikhona kuyo yonke impilo yakho.