Alikho Igumbi Endlini . . . Kepha Kumenyiwe Wonke Umuntu

nguDanny Saavedra

"Kwathi-ke beselapho, zaphelela izinsuku zokuba abelethe, wazibula ngendodana. Wayembesa, wayilalisa emkhombeni, ngokuba bantula indawo endlini yezihambi. Kwakukhona abelusi kulelo zwe ababehlezi endle, belinda umhlambi wabo ebusuku. Ingelosi yeNkosi yema phambi kwabo . . . Kwathi ukuba zimuke kubo izingelosi ziya ezulwini, abelusi bakhuluma bodwa, bathi: “Asihambe manje, size sifike eBetlehema, sibone leyo nto eyenzekileyo iNkosi esazisile yona.” —NgokukaLuka 2:6-9, 15 (ZUL59)

"'Uphi lowo ozelwe eyinkosi yamaJuda na? Ngokuba sibonile inkanyezi yakhe kwelasempumalanga, size ukukhuleka kuye' . . . Zathi ukuyibona inkanyezi, zathokoza ngokuthokoza okukhulu kakhulu. Zase zingena endlini, zabona umntwana noMariya unina, zawa phansi, zakhuleka kuye, zavula amagugu azo, zamkhunga ngezipho: igolide namakha nenhlaka."—NgokukaMathewu 2:2, 10–11 (ZUL59)

Uyalikhumbula iholide lakho lokuqala lomndeni? Mina ngiyalikhumbula! Olwethu bekuwuhambo oluya eNyakatho neCarolina ngomshado. Kwakungokokuqala ngqa ukuthi sithathe indodana yami, eyayinezinyanga ezingaba ngu-17 ubudala ngaleso sikhathi, endizeni. Njengoba ungalindela, kwalandela ukuhlanya okungafaniswa nokomdlalo kumabonakude. Indodana yethu yakhala njengohlanya endizeni; sasihlali nabangane bethu asisondelene nabo, nabo ababenengane enonyaka ubudala, futhi kwakuyinto enkulu leyo, futhi neze nhlobo lokho ebesikulindele. Kodwa futhi bekumnandi kakhulu nesikhathi esihle ngezinkumbulo ezimangazayo esisabheka emuva kuzo futhi esizikhumbula ngothando.

Ngicabanga ukuthi kwakunjena kuMariya noJosefa . . . Kwakuyindida enkulu futhi bexakekile, iyinde futhi inzima, futhi kugcwele izimanga, kodwa ekugcineni kube enye yezinkumbulo ezimangalisa kakhulu ezimpilweni zabo. Yibone ngeso lengqondo . . . UMariya wayekhulelwe kakhulu ngalesi sikhathi, futhi kwakudingeka balayishe kwimbongolo balibangise eBetlehema, indawo lapho okhokho babo bavela khona—idolobha ababengakaze bahlale kulo, lapho babenezihlobo ezimbalwa ezikude ezihlala khona, kepha kungenzeka ukuthi akekho umuntu ababesondelene kakhulu naye. Manje, bebenethemba lokuthi esinye sezihlobo zabo sinendawo eyanele yokuhlala. 

Kepha, ngesikhathi uJosefa noMariya befika eBetlehema, akekho noyedwa ezihlotsheni zabo owayenendawo yokuthi balale. Onke amakamelo abo ayegcwele, kodwa mhlawumbe ngoba babengumndeni futhi ngenxa yokuthi uMariya wayekhulelwe, isihlobo esisodwa sabavumela ukuba bahlale egumbini elingaphansi lapho izilwane zazigcinwa khona ebusuku. Cabanga ngento efana negumbi elingaphansi noma igalaji lapho ugcina khona inja noma ikati lakho . . . noma izinkomo zakho nezimbongolo zakho! 

Akusikho ukuhlanya lokho? Kepha kumangaza kakhulu . . . Uyazi ukuthi uJesu, uMsindisi, walala kuphi ngobusuku bakhe bokuqala emhlabeni? Hhayi embhedeni wengane omuhle noma embhedeni omuhle; wabekwa emkhombeni, indawo yokudlela lapho imfuyo yayizodla khona. Manje, imvamisa lo mkhombe uboniswa endaweni yesiko lokuzalwa njenge-bhasinethi yokhuni, kodwa iqiniso ukuthi lalifana nosinki omkhulu wetshe owunxande ohleli phezu kwamabhulokhi e-cinder! 

Kwakungekho ndawo kaJesu Emhlabeni ngalobobusuku, kepha, ngesimemo sabelusi abasensimini eseduze kanye nokufika kwezazi ezivela eMpumalanga kamuva, iNkosi yasikhombisa ukuthi wonke umuntuumenyiwe ukuthi eze akhuleke ezinyaweni zikaJesu. Kanjani? Kuwo wonke umuntu okungenzeka ukuthi ubengamenywa kuwo wonke umphakathi wamaJuda, UNkulunkulu ukhethe iqembu labelusi ukuzwa izindaba zokuzalwa kukaJesu nokuthi beze bamkhonze. Lesi isithombe esinamandla kithina ngoba abelusi babephakathi kwamaqembu omphakathi aphansi kakhulu.

Cabanga ngendlela umsebenzi wabelusi owawubavimba ngayo ukuba bangene emphakathini wakwaJuda, kusukela ekuhlanzweni okungokwesiko, futhi kaningi ngisho nasekugcinweni kwayo yonke imikhosi yenkolo namadili. Kepha, laba belusi, ngokungangabazeki ababenakekela izimvu ezazizosetshenziswa njengemihlatshelo ethempelini ngelinye ilanga, bamenywa. Njengo kusho kahle kuka John MacArthur, “Kufanelekile ukuthi babe ngabokuqala ukwazi ngeWundlu likaNkulunkulu!"

Okujule nakakhulu kithina namuhla kungaba ukufika kwezazi, iqembu labapristi baseBabiloni / basePheresiya nababhula ngezinkanyezi, abahamba ngesibindi ohambweni lokuqala lwenkanyezi beyofuna iNkosi. Kepha nansi into: La madoda ahlakaniphile ayengabeZizwe, babangewona amaJuda. Bathembela eZwini likaNkulunkulu kakhulu kangangokuthi bashiya izwe labo beyofuna uMesiya othenjisiwe. Bamfuna ngokukholwa nangezinhliziyo zabo zonke futhi bathokoza ngentokozo enkulu kakhulu lapho bethola indlela eya kuye. Lapho bemthola kubo bonke ubukhazikhazi baKhe bokuthobeka, bamnikeza izipho ezibaluleke kakhulu ezilungele iNkosi. Lokhu kusikhombisa ukuthi bonke bamukelekile ezinyaweni zikaJesu, isipho esikhazimulayo sikaNkulunkulu, yena uMesiya neNkosi. Sonke samukelekile ukuza simkhulekele futhi sisindiswe!

Ngalo Khisimusi, Ngithandaza ukuthi samukele lo mqondo ofanayo. Ngiyathandaza sibheke abantu, kungakhathalekile imvelaphi yabo, izinkolelo, noma indlela yokuphila, ngothando olufanayo, nangoububele, nomusa okwenziwa nguJesu. Futhi ngikhulekela ukuthi njengenkanyezi eyaholela izazi kuJesu, singaba ukukhanya komhlaba okudonsela abantu ekukhonzeni iNkosi yethu!