Isiphambano & UmqheleIsampula

Uvuko—Kungani Kubalulekile

Kuthiwani ukube uJesu Kristu akavukanga kwabafileyo? Bekuzosishiyaphi lokho? Isiphi isiqinisekiso esingaba naso nganoma yini ekuphileni? Ukuzethemba kwethu, imicabango yethu ngokufa, namathemba ethu okuba khona ngemva kwalokhu kuphila konke kuyothinteka.

Unkulunkulu wayazi ukuthi ukuvuswa kukaJesu kwakuyophakamisa imibuzo eminingi ezingqondweni zethu; yingakho ahola uPawulu ukuba asinikeze ezinye izimpendulo. 1 KwabaseKorinte 15:14, umphostoli ukhuluma ngendaba eyinhloko: Kuthiwani uma uvuko lungenzeki ngempela? Uyabhala: “Uma uKristu engavuswanga, ukushumayela kwethu kuyize, nokukholwa kwenu kuyize.”

Lokhu kusho ukuthi ukube uvuko lwalungenzekanga, ukholo lwethu ngabe alunasisekelo; singaba ngofakazi bamanga, sisakaza amanga; yonke imizamo yethu yokholo izoba yize; nokufunda imiBhalo nokuhlanganyela izindaba ezinhle kungaba ukuchitha isikhathi ngokuphelele (1 KwabasKorinte. 15:17). Bonke abalandeli bakaKristu ababefile bekholelwa ukuthi babemiselwe ukuphila okuphakade babeyomane babhubhe, ithemba labo lezulu liyinkohliso (1 KwabaseKorinte. 15:18). Okubi kunakho konke, siyobe sisaphila ezonweni zethu (1 KwabaseKorinte. 15:17), sisengaphansi kwecala, futhi sikweleta izimpilo zethu njengesijeziso esifanele iziphambeko zethu (KwabaseRoma 6:23). Upawulu ukufingqa ngalendlela: “Uma sithembele kuKristu kulokhu kuphila kuphela, singabokudatshukelwa kunabantu bonke.” (1 KwabaseKorinte. 15:19).

Ngokubonga, ithemba lethu lidlulela ngale kwalokhu kuphila ngoba uJesu uvukile ngempela kwabafileyo. Unkulunkulu, ngokuhlakanipha Kwakhe, wasishiyela ubufakazi obungenakuphikwa. Okokuqala nje, ithuna laligadwe amasosha amaRoma, ayebhekene nokufa okuseduze uma ehluleka ukufeza iziyalezo. Nakuba lesi sinyathelo sokuqapha kwakuwukuvimbela abalandeli bakaKristu ekuntshontsheni umzimba futhi baqambe amanga bathi uvukile (NgokukaMathewu 27:62-66), nokho ithuna lagcina lingenalutho. Esinye isibonakaliso siwukuthi ukuphila okushintshile—into ephawulekayo okumelwe yenzeke ukuze abafundi bakaKristu abesabayo babe abamemezeli bevangeli abanesibindi naphezu kwezinsongo ezinobudlova (NgokukaJohane 20:19)

Okubaluleke kakhulu, uJesu uqobo wethembisa ukuthi uzovuka kwabafileyo (NgokukaMathewu 16:21). Wayethi Munye noYise (NgokukaJohane 10:30), ngakho-ke wayeyiNdodana kaNkulunkulu ophilayo futhi uyiNdodana, kungenjalo wayengumqambimanga. Umbhalo uyakhombisa, nokho, akakaze akhulume amanga (NgokukaJohane 14:6). Konke akwethembisa noma akubikezela kwenzeka, njengoba Athi kuzokwenzeka, ngaphandle kwalezo ziprofetho ezisazofika (njengokubuya Kwakhe kwesibili). Nalezi, futhi, ngolunye usuku ziyokwenzeka njengoba nje abikezela, ngoba akukho lutho olungamanga ngeNdodana kaNkulunkulu engenasono (NgokukaJohane 7:18).