AmaHubo 7:1-12
AmaHubo 7:1-12 IBHAYIBHELI ELINGCWELE (ZUL59)
Jehova, Nkulunkulu wami, ngiyaphephela kuwe; ngisindise kubo bonke abangizingelayo, ungikhulule, bangaze bawudwengule umphefumulo wami njengengonyama eklebhula, kungekho okhululayo. Jehova Nkulunkulu wami, uma ngikwenzile lokho, uma kukhona okubi ezandleni zami, uma ngiphindise okubi kohlalisene nami ngokuthula, ngaphanga isitha sami kungekho sici, isitha masiwuzingele umphefumulo wami, siwufice, sikunyathele phansi ukuphila kwami, nesithunzi sami sisilahle phansi othulini. Sela* Sukuma, Jehova, ngentukuthelo yakho, uvuke ngenxa yolaka lwezitha zami, ungimele; ngokuba uyalezile ukwahlulela. Umhlangano wezizwe mawukuphahle, ubuyele phezulu ngaphezu kwawo. UJehova uyahlulela izizwe; ngahlulele, Jehova, ngokulunga kwami nangobuqotho bami obukimi. Makuphele ukonakala kwababi, kepha olungileyo mawumqinise. Nguwe phela ohlola izinhliziyo nezinso, Nkulunkulu olungileyo. Isihlangu sami sikuNkulunkulu osindisa abaqotho ngenhliziyo. UNkulunkulu ungumahluleli olungileyo; unguNkulunkulu othukuthela imihla yonke. Uma umuntu engaphenduki, uyakulola inkemba yakhe, ansale umnsalo wakhe, awulungisele
AmaHubo 7:1-12 IsiZulu 2020 (ZUL20)
Simakade, Nkulunkulu wami, ngiyaphephela kuwe; ngisindise, ungikhulule kubo bonke abangixoshayo, funa bangidwengule njengengonyama, bangidweshule kungekho ongikhululayo. Simakade, Nkulunkulu wami, uma ngikwenzile lokho, uma kukhona ukungalungi ezandleni zami, uma ngiphindise ngokubi kohlalisene ngokuthula nami, ngaphanga isitha sami ngaphandle kwesizathu, isitha sami masiyizingele impilo yami, singifice. Siyidovadove phansi emhlabathini impilo yami, sidicilele phansi othulini isithunzi sami. Sela Phakama, Simakade, ngentukuthelo yakho. Vuka ngenxa yolaka lwezitha zami, zivuse ngokuba uyalezile ukwehlulela ngenxa yami! Umhlangano wabezizwe mawukubunganyele, ubuyele phezulu ngaphezu kwazo. Sengathi Simakade ungehlulela izizwe! Ngahlulele, Simakade, ngokulunga kwami nangobuqotho bami. Makuphele ukonakala kwababi, kodwa simamisa abalungileyo, wena ohlolisisa izinhliziyo nezinso, Nkulunkulu olungileyo. Nkulunkulu, uyisihlangu sami, ungumsindisi woqotho enhliziyweni. UNkulunkulu ungumehluleli olungileyo, noNkulunkulu othukuthela nsuku zonke. Uma umuntu engaphenduki, uyolola inkemba yakhe, uwukhokhile umnsalo wakhe, wama ngomumo
AmaHubo 7:1-12 Contemporary Zulu Bible 2024 (CZB24)
IZigayoni kaDavide, ayihubela uJehova ngamazwi kaKushe wakwaBenjamini. Jehova Nkulunkulu wami, ngithembele kuwe; ngikhulule kubo bonke abangizingelayo, ungisindise. Ukuze angadwenguli umphefumulo wami njengengonyama, awuklebhule, kungekho osindisayo. Jehova Nkulunkulu wami, uma ngikwenzile; uma kukhona ububi ezandleni zami; Uma ngiphindisele okubi kobenokuthula nami; Yebo, ngimsindisile oyisitha sami ngaphandle kwesizathu. Isitha masixoshe umphefumulo wami, siwuthathe; yebo, makanyathele ukuphila kwami emhlabeni, abeke udumo lwami othulini. Sela. Vuka, Jehova, ngentukuthelo yakho, uziphakamise ngenxa yentukuthelo yezitha zami, uvuke ngenxa yami ngenxa yokwahlulela okuyale ngakho. Ngakho ibandla lezizwe liyakukuhaqa; ngakho-ke niphenduka phezulu ngenxa yabo. UJehova uyakwahlulela izizwe; ngahlulele, Jehova, njengokulunga kwami nangobuqotho bami obukimi. Ububi bababi mabuphele; kodwa uqinise abalungileyo, ngokuba uNkulunkulu olungileyo uhlola izinhliziyo nezinso. Isivikelo sami sikuNkulunkulu, osindisa abaqotho ngenhliziyo. UNkulunkulu uyahlulela olungileyo, futhi uNkulunkulu uthukuthelele ababi nsuku zonke. Uma engaphenduki, uyolola inkemba yakhe; wawucima umnsalo wakhe wawulungisa.