IzAga 6:30-35
IzAga 6:30-35 IBHAYIBHELI ELINGCWELE (ZUL59)
Abamdeleli yini oyisela ukuthi uyeba ukuba azisuthise lapho elambile na? Uma efunyanwa, uyakubuyisa kasikhombisa, anikeze yonke impahla yendlu yakhe. Ophinga nowesifazane akanakho ukuqonda; wenza lokho okuchitha umphefumulo wakhe. Uyakuthola imivimbo nehlazo, nenhlamba yakhe ayiyikwesulwa. Ngokuba isikhwele sendoda singukufutheka; ayiyikuyeka ngosuku lokuphindisela. Ayiyikunaka neze ihlawulo; ayaneliswa, noma uphana ngezipho eziningi.
IzAga 6:30-35 Contemporary Zulu Bible 2024 (CZB24)
Abantu abalideleli isela uma lintshontsha ukuze lisuthise umphefumulo walo, uma lilambile; Kodwa uma etholwa, kufanele abuye kasikhombisa; kumelwe anikeze zonke izinto zendlu yakhe. Kepha ophinga nowesifazane akaqondi; owenza lokhu uchitha umphefumulo wakhe. Uyothola inxeba nehlazo; nesihlamba sakhe asiyikusulwa. Ngokuba isikhwele siyintukuthelo yendoda; ngakho-ke kayikuyekela ngosuku lokuphindisela. Ngeke acabangele ukuhlengwa; futhi ngeke aneliseke, ngisho noma umnika izipho eziningi.
IzAga 6:30-35 IsiZulu 2020 (ZUL20)
Abamdeleli yini oyisela uma entshontsha ukuze azisuthise lapho elambile na? Uma ebhadanyiwe, bamhlawulisa ngokuphindwe kasikhombisa, akhokhe ngayo yonke impahla yomuzi wakhe. Ophinga nowesifazane akanakho ukuqonda; owenza lokho ubhubhisa impilo yakhe. Uyakuthola imivimbo nokuphoxeka, ukwethukwa kwakhe akuyukwesulwa. Ngokuba isikhwele sivusa ulaka endodeni yakhe, uma isiziphindiselela ngeke ibe nasihawu. Ayiyukufuna nhlawulo; ayiyukukwemukela ukufunjathiswa.