ULevitikusi 16:5-10
ULevitikusi 16:5-10 IsiZulu 2020 (ZUL20)
Uyothatha enhlanganweni yabantu bakwa-Israyeli izimpongo ezimbili zibe ngumnikelo wesono, nenqama ibe ngumnikelo wokushiswa. U-Aroni makanikele ngenkunzi, ibe ngumnikelo wakhe wesono; azenzele yena nendlu yakhe ukubuyisana. Uyothatha izimpongo ezimbili, azibeke phambi kukaSimakade ngasemnyango wethende lokuhlangana. U-Aroni uyakwenza unkatho ngezimpongo zombili, olunye unkatho lube ngolukaSimakade, olunye unkatho lube ngoluka-Azazeli. U-Aroni uyonikela ngempongo edliwe wunkatho lukaSimakade, ibe ngumnikelo wesono. Kepha impongo edliwe wunkatho luka-Azazeli iyakubekwa iphila phambi kukaSimakade ukuze kwenziwe ngayo ukubuyisana, bese ithunyelwa ehlane ku-Azazeli.
ULevitikusi 16:5-10 IBHAYIBHELI ELINGCWELE (ZUL59)
Wothabatha enhlanganweni yabantwana bakwa-Israyeli izimpongo ezimbili zibe ngumnikelo wesono, nenqama ibe ngumnikelo wokushiswa. U-Aroni kanikele ngenkunzi yomnikelo wesono engenxa yakhe, azenzele yena nendlu yakhe ukubuyisana. Wothabatha izimpongo zombili, azibeke phambi kukaJehova ngasemnyango wetende lokuhlangana. U-Aroni uyakwenza inkatho ngezimpongo zombili, enye inkatho ibe ngekaJehova, enye inkatho ibe ngeka-Azazeli. U-Aroni wonikela ngempongo edliwe yinkatho kaJehova, anikele ngayo ibe ngumnikelo wesono. Kepha impongo edliwe yinkatho ka-Azazeli iyakubekwa phambi kukaJehova isezwa ukuba kwenziwe ukubuyisana ngayo, ithunywe ku-Azazeli ehlane.
ULevitikusi 16:5-10 Contemporary Zulu Bible 2024 (CZB24)
Kumelwe athathe enhlanganweni yabantwana bakwa-Israyeli izinqama ezimbili njengomnikelo wesono nenqama eyodwa njengomnikelo wokushiswa. U-Aroni kumelwe alungise inkunzi yakhe yomnikelo wesono azenzele yena nendlu yakhe isihlawulelo. Kumelwe athathe izimbuzi ezimbili azibeke phambi kukaJehova emnyango wetende lokuhlangana. U-Aroni kumelwe enze inkatho ngalezi zimbuzi ezimbili; enye inkatho ngekaJehova, enye ngeka-Azazeli. U-Aroni kumelwe alethe impongo inkatho kaJehova ewele phezu kwayo, ayenze ibe ngumnikelo wesono. Kodwa impongo ewele phezu kwayo inkatho ka-Azazeli kufanele ilethwe iphila phambi kukaJehova ukuze enze ukubuyisana nayo, ayikhulule njengempongo ehlane.