UJobe 29:1-6
UJobe 29:1-6 IBHAYIBHELI ELINGCWELE (ZUL59)
UJobe wabuye waphakamisa izwi lakhe, wathi: “Sengathi nga nginjengasezinyangeni zakuqala, njengasemihleni uNkulunkulu angigcina ngayo, lapho isibani sakhe sasikhanya phezu kwekhanda lami, ngihamba ebumnyameni ngokukhanya kwakhe, yebo, njengasezinsukwini zokuvuthwa kwami, lapho ubuhlobo bukaNkulunkulu babuphezu kwetende lami; lapho uSomandla wabe esenami, nabantwana bami babe besangizungeza; lapho izinyathelo zami zagezwa ngamangqanga, nedwala elalingakimi langithelela imifula yamafutha.
UJobe 29:1-6 IsiZulu 2020 (ZUL20)
UJobe wabuye waqhubeka nenkulumo yakhe, wathi: “Sengathi ngabe nginjengasezinyangeni ezedlule, nanjengasezinsukwini lapho uNkulunkulu ayengiqaphile, lapho isibani sakhe sasikhanya phezu kwekhanda lami, ngihamba ebumnyameni ngokukhanya kwakhe, njengoba nganginjalo ezinsukwini zobunsizwa bami, lapho ubukhona bukaNkulunkulu babuphezu kwethende lami, lapho uSomandla esenami, nabantwana bami besangizungezile, lapho izinyathelo zami zazigezwa ezaqheqheni, nedwala elaliseduze kwami lalingithelela imifula yamafutha.
UJobe 29:1-6 Contemporary Zulu Bible 2024 (CZB24)
UJobe waqhubeka nomfanekiso wakhe wathi: O, nganginjengasezinyangeni ezedlule, njengasezinsukwini lapho uNkulunkulu engilondoloza khona; lapho isibane sakhe sikhanyisa ekhanda lami, nalapho ngidabula ebumnyameni ngokukhanya kwakhe; Njengasemihleni yobusha bami, lapho imfihlakalo kaNkulunkulu iphezu kwetabernakele lami; Lapho uSomandla eselami, abantwana bami bengizingelezele; Lapho ngigeza izinyathelo zami ngebhotela, nedwala langithululela imifula yamafutha