U-Eksodusi 35:30-35
U-Eksodusi 35:30-35 IsiZulu 2020 (ZUL20)
UMose wathi kubantu bakwa-Israyeli: “Bhekani, uSimakade umbize ngegama uBhezaleli indodana ka-Uri, kaHuri, wesizwe sakwaJuda. Umgcwalise ngoMoya kaNkulunkulu, wamupha ikhono, ukuqonda, ulwazi lwanoma yiluphi uhlobo lomsebenzi wezandla, ukuba enze imisebenzi yobungcweti, asebenzise igolide, isiliva nethusi, aqophe amatshe okuhlobisa, abaze ukhuni, nokuba enze yonke imisebenzi yobungcweti. USimakade umphile yena no-Oholiyabhe indodana ka-Ahisamakhi, wesizwe sakwa-Dani ikhono lokufundisa. Ubagcwalise ngokuhlakanipha ukuba benze yonke imisebenzi eyenziwa ngumqophi, ingcweti, nomfekethisi, ngokuluhlaza okwesibhakabhaka, ngokubukhwezane, ngokubomvu, nangelineni elicolekileyo, nemisebenzi yomaluki, eyalabo abenza noma yimuphi umsebenzi, nabenza imisebenzi yobungcweti.
U-Eksodusi 35:30-35 IBHAYIBHELI ELINGCWELE (ZUL59)
UMose wathi kubantwana bakwa-Israyeli: “Bhekani, uJehova ubize ngegama uBesaleli indodana ka-Uri kaHure, owesizwe sakwaJuda; umgcwalisile ngoMoya kaNkulunkulu, ngokuhlakanipha nangokuqonda nangokwazi nangamandla emisebenzini yonke ukuba aqambe imisebenzi yobungcweti, asebenze ngegolide, nangesiliva, nangethusi, nangokuqopha amatshe okufakwa, nangokuqopha imithi, ukuba asebenze yonke imisebenzi yobungcweti. Ubeke enhliziyweni yakhe ukuba afundise, yena no-Oholiyabe indodana ka-Ahisamaki, owesizwe sakwaDani. Laba ubagcwalisile ngokuhlakanipha kwenhliziyo ukuba basebenze yonke imisebenzi, eyomqophi neyengcweti neyomfekethisi, ngokuluhlaza nangokububende nangokubomvu, nangelineni elicolekileyo, neyomaluki, neyabasebenza namuphi umsebenzi, nabaqamba imisebenzi yobungcweti.
U-Eksodusi 35:30-35 Contemporary Zulu Bible 2024 (CZB24)
UMozisi wasesithi kubantwana bakoIsrayeli: Khangelani, iNkosi imbizile uBhezaleli indodana kaUri indodana kaHuri, owesizwe sakoJuda ngebizo; Wazigcwalisa ngoMoya kaNkulunkulu, ekuhlakanipheni, nasekuqondeni, nangokwazi, nakuzo zonke izinhlobo zobuciko; nokuklama imisebenzi emangalisayo, ukusebenza ngegolide nangesiliva nangethusi, nasekuqopheni amatshe, awafake, nokubaze ngokhuni, enze yonke imisebenzi yobuciko. Wakubeka enhliziyweni yakhe ukufundisa, yena no-Oholiyabe indodana ka-Ahisamagi, owesizwe sakwaDani. Wabagcwalisa ngokuhlakanipha kwenhliziyo, ukuba benze yonke imisebenzi yengcweti, neyengcweti, neyengcweti, neyibubende, nebomvu, nendwangu ebomvu, nelineni elicolekileyo, neyeluki, nalabo abenza noma yimuphi umsebenzi nabasungula ubuqili.