MATEYO 15
15
1KUNYUMA kwakalwa bafundi ba mikanda yi baFalixi ba ku Yelusaleme kudi Yisu ene, 2Ku bwalo kai beyi bebe baxipa muxiyilu ă babakulu ? bwalo butasokusulabo makaci abo padedyabo bidya. 3Kaninga akabapingasa ene, Nonu kabidi, kukai nonu nwaxipa bwadi bwa Ncembi ku muxiyilu ěnu ă kalikali ? 4Bwalo bwakatôya Ncembi ene, Nemeka tetebe yi mabebe ; yi you atangola ndo tetenci ndo mamanci, afwi lufu. 5Mo nonu nwatôya ene, Muntu mwoso ndo unatôyela tetenci ndo mamanci ene, Kidi kincila, kintu kioso kixeangata owe kundi, 6kananemeka tetenci pô ndo mamanci ; yi nwamapandisa diyi dia Ncembi ku muxiyilu ěnu ă kalikali.
7Bena mancanga ! Esaya amatôya sôsôlwo ku bwalo bwenu ene, 8Bantu baba bangwanemeka ku milomo yabo, mo mucima ăbo udi kulekule yinami ; 9kaninga bangwaxingila mo kanana, badi mu kweyesa kweyesa kwabo kwa milangu ya bantu. 10Yi akabikila kimbukuma kudiyi yi akabambila ene, Nwombwi yi nulubukwi ; 11kumoni kintu kiamabwela mu musuku kiamapindisa muntu ; kate kintu kiamabatuka mu musuku, kakieki ndo kiamapindisa muntu. 12Kunyuma beyi banci bakalwa mwambila ene, Walubukwa ene, baFalixi pa kwombwa diyi dedi bamanyungula ku micima ? 13Mo yei akabapingasa ene, Muci mwoso utakuna Tetemi mu diulu unakondolebwa. 14Nubalekyeli ; badi bafofo baxiya xiya bafofo ; mo ndo mufofo axiya xiya mufofo, banapona bubidi bwabo mu mulenda.
15Yi Pita akamupingasa ene, Utusakoleli mwele ou. 16Kaninga yei ene, Nonu kabidi nukidi kanusolubukwa ? 17Kanusolembetela ene, kintu kioso kiabwela mu musuku kiamadika munda mwa difu, yi kiamapaudibwa kunci ? 18Mo bintu biabatuka mu musuku bilolwa mu mucima, yi bebi noku biamapindisa muntu. 19Bwalo bwabatuka nkanyi mibi munda mwa mucima, monda, mendela, madibi, misaka, ncimi ya kudimbidila bantu, mpolo, 20bebi ndo bintu biapindisa muntu ; mo kudya yi makaci atakusudibwa kakusopindisa muntu.
21Yi Yisu akancuka koku, akaya ku mwanca ă Tile yi Xidono ; 22yi mona, mwamukaxi, muna Kyenene, akabatuka mu mbata yei noku, akakwamena ene, Ungwombweli mwengo, Fumu, Mwana a Dafidi ; mwanami a babakaxi amakwacibwa kudi kidimu kibi. 23Mo yei kamupingaxili diyi. Yi beyi banci bakalwa mwapangusa ene, Umunculi, bwalo bwamatwabilayi. 24Mo yei akapingasa, ene, Meme kiatumibwa kutena kudi mikwakwa yamabungwa ya nkumbu ya Isalele. 25Yei lolo akalwa muxingila ene, Fumu, ungukwacisi. 26Kaninga akapingasa I ene, Kakuna yi nkwami ndo kwangata bidya bia bana kuya biela, kudi yimbwa. 27Mo yei akatôya ene, Mo nako, Idyanga ; bwalo budedya isanga yimbwa mangungu apona pona ku mesa a bafumu babo. 28Yisu lolo akamupingasa ene, Mwamukaxi, kwetabusa kwebe kudi kunene. Angata mwebe mwapunanga. Yi mwananci akapandixibwa pa ola you.
29Yi Yisu akancuka koku akalwa pepe yi mai a Ngalili, yi akabanda pa lupongo yi akaxikama papa ; 30yi bimbukuma binene biakalwa kudiyi, bakadi yi bena bitumbi, yi bafofo, yi bena bimeme, yi bena bikomo, yi banga bantu bangi, yi bakabela ku makasa anci ; yi akabapandisa ; 31biakakama bimbukuma pakamonabo bena bimeme badi mu kutôya, bena bikomo badi bimpe, bena bitumbi badi mu kwenda, yi bafofo badi mu kumona ; yi bakatumbisa Ncembi a Isalele. 32Mo Yisu akabikila beyi banci ene, Ngwombwela kimbukuma mwengo, bwalo bwamasalabo yinami nkyekyu matuku asatu, yi kabena yi kintu kia kudya ; kisoli kubapingasa yi ncala, ximbi baxepwangwa mu ncila. 33Beyi banci bakamwambila, ene, Ape tuxeangata mampa kupai mu kisobe, a kukuka kimbukuma bungi noku ? 34Yisu akabambila ene, Mampa adi yinenu anga ? Bakatôya ene, Sambwali ; yi tuyixi tubende twa nci. 35Yi akatôyela bantu ene, baxikami paxi ; 36yi akangata mampa sambwali yi yixi, akaxinga, yi akanyowa, yi akapa beyi banci ; yi beyi banci bakapa bantu. 37Yi bungi bwabo bakadya yi bakakwokuta ; yi bakakwongula bicini biakasala bisakwa sambwali tô tô tô. 38Yi bobo bakadya bakadi babalumi nkone inai, yi babakaxi yi bana matolo.
39Yi akancula bimbukuma, akakondela mu kibusu yi akalwa ku mbata ya Mangadana.
Okuqokiwe okwamanje:
MATEYO 15: Luna_NT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© La Société biblique de Genève
