MATEYO 14
14
1KU kikondo kieki kwakakwombwa Elodo Tetelaka lotumbu lwa Yisu, 2yi akatôyela basadi banci ene, You udi Yoano Munumeyi : yei amabika kudi bafu ; mbwôso makisa aa a ngulu encenca munda mwanci.
3Bwalo bwakakwata Elodo Yoano, yi akamusuka, yi akamuteka mu ncibo a lukanu ku mucwe ă Elodiasa, mukaxi a Filipi mwakunyenci. 4Bwaio bwakamutôyela Yoano ene, Kakusolelekyela yi bwadi, owe kumwangata. 5Pakakyebayi lolo kumuxipa, akacina bantu, bwalo bwakamwencabo ene, udi mudimuxi. 6Mo pakalwa diba diakakwelabo kulelebwa kwa Elodo lukanyi, mwana a Elodiasa a babakaxi akasa masa ku mpala yabo, akaxekyelesa Elodo ; 7mbwôso akaxiya kilaka yi kiteyi ndo kumupa isa kintu kioso kixelombayi. 8Yei lolo akakwebexebwa kudi mamanci, akatôya ene, Mpi kunu pa dilonga mucwe ă Yoano munumeyi. 9Yi fumu akakwombwa mwengo ; kaninga ku bwalo bwa biteyi, yi ku micwe ya bantu bakaxikama yinanci ku mesa, kwakatôyayi ene, bamupi. 10Yi akatuma, akaxaka Yoano mucwe mu ncibo a lukanu ; 11yi mucwe ănci ăkacwadibwa pa dilonga, ăkapebwa muxika, yi yei akaucwala kudi mamanci. 12Yi beyi banci bakalwa angata mumbidi ănci, yi bakauncika, yi bakalwa cwala diyi kudi Yisu. 13Pakakwombwa Yisu akancuka koku lwa kibusu ku kidi kia kisobe kitena bantu.
Pakakwombwa bimbukuma, bakamulanda lwa mukidi mu mala. 14Yi akabatuka, akamona kimbukuma kinene, yi akabombwela mwengo yi akapandisa bena mabombu bakadi yinabo. 15Mo pakalwa bwelu, beyi banci bakalwa kudiyi ene, Kidi kidi kisobe, yi kikondo kiamadika nkyekyu ; ncula bimbukuma, bayi ku tunkyenda kuya diodila mikyeabo bidya. 16Kaninga Yisu akabambila ene, Kabaxencuka ; nonu nubapi, badi. 17Mo bakamwambila, ene, Twapwangata kunu mampa atano matupu yi yixi ibidi. 18Yi akabambila, ene, Nucwali kunu kundi. 19Yi akatôyela bimbukuma baxikami paxi pa bilo, yi akangata mampa atano yi yixi ibidi, akakwela meso anci kulu Iwa diulu, yi akalomba ; akanyowa lolo mampa, akapa beyi, yi beyi bakapa bantu. 20Yi bakadya bungi bwabo yi bakakwokuta, yi bakakwongula bicini biakasala bibata disangi yi bibidi tô. 21Mo bobo bakadya bakadi pepe yi nkone itano ya babalumi, yi babakaxi yi bana matolo.
22Yi akabamba beyi dibambu mangwoso dia kukondela mu kibusu, kuya mulwangwala ku dixia, bixenculayi bimbukuma. 23Yi pakadi amancula bimbukuma akabanda ku lupongo kuya lomba mikyenci ; yi pakalwa butuku, akadi koku mc mikyenci. 24Mo kibusu kiakadi nkyekyu pakacikaci pa mai, kitanatepexebwa ku diele, bwalo bwakapupuyalupepele ku mpala yabo. 25Kaninga ku kilo kiamunai kia butuku kwakayayi kuya kudibo udi mu kwenda pelu pa mai. 26Yi pakadi beyi bamamumona endenda pa mai, bakatepa ku micima ene, Koku ndc muncengi. Yi bakakwamena yi bowa. 27Mo Yisu akatôya yinabo mangwoso ene, Nukolesi micima ; meme kayou ; kanucini.
28Yi Pita akamupingasa ene, Fumu, ndo Owe udi koku, ungutôyeli ndwi kudi pelu pa mai, 29Yi akatôya ene, Lwaka. Yi Pita akabatuka mu kibusu, akakwenda pelu pa mai kuya kudi Yisu. 30Kaninga pakamonayi lupepele lwa ngulu akacina ; yi pakabangayi kudiya akakwamena, ene, Fumu ungupandisi. 31Yi Yisu akaxombola kianca kienci mangwoso, akamukwata, akamwambila ene, Owe, muna kwetabusa kubende, kukai wamaxitaxita ? 32Yi pakabwelabo mu kibusu, lupepele lwakalekyela. 33Kaninga bobo bakadi mu kibusu bakamuxingila, ene, Sôsôlwo, Owe udi Ncembi Mwananci.
34Pakadi bamasabuka ku dixia bakalwa ku mbata a Ngenesalete. 35Pakamulembetela bantu ba kidi kieki, bakatuma ku bungi bwa mbata koku, yi bakamucwadila bantu boso bakadi yi masama, 36yi bakamuxengula babaki isa mwombangi ă kifunda kienci bianca ; yi bantu boso bakabaka bianca bakancincidixibwa nya.
Okuqokiwe okwamanje:
MATEYO 14: Luna_NT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© La Société biblique de Genève
