MATEYO 13
13
1KU dituku dedi kwakabatuka Yisu mu ncibo, akaxikama paxi pepe yi diele. 2Yi bimbukuma binene biakamukokamina, biakakondelayi mu kibusu mikyenci, yi akaxikama, yi bungi bwa bimbukuma bakakwemana ku mbongo.
3Yi akabambila bintu bingi ku miele ene, Numoni, mukuni akaya kuya kuna. 4Pakakunayi, minga mitongu yakapona pa ncila, yi nyonyi yakalwa yidya nya. 5Minga yakapona pa bidi bia mabwe, pakasakayo loboko lungi, yakamena mangwoso, bwalo bwakadiyi kayina yi loboko lungi ; kaninga pakancuka diba, yakanyungula ; 6yi bwalo bwakakwayilayi macina, yakakwoma. 7Minga yakapona ku mieba, yi mieba yakalunda, yakayifina ; 8minga lolo yakapona pa loboko lunengela, yakalelañana masangu, munga nkama, munga masangi asambomo, munga masangi asatu. 9You udi yi macu, aombwi.
10Yi beyi bakalwa, bakamwambila ene, Kukai ubatôyela mu miele ? 11Yi akabapingasa ene, Bwalo bwamanupebwa ndo kulubukwa malo mancibika a bufumu bwa diulu, kaninga kakusobapebwa. 12Ku bwalo bwa muntu mwoso apwangata, kunamupebwa, yi unakala yi bintu bongonco ; kaninga you utasoangata, kudiyi kunancudibwa isanga bintu biapwakalayi yinabio. 13Ndo binamabambila ku miele, bwalo butasomonabo isanga badi yi meso ; yi kabasokwombwa yi kabasolubukwa, isanga badi yi macu ; 14yi ku bwalo bwabo kwamafika kidimuxilu kia Esaya, kiatôya ene, Pa kwombwa, nunakwombwa yi kanunalubukwa pô ; yi pa kumona, nunamona, yi kanunaxingulula pô ; 15bwalo bwamabulunda mucima ă bantu baba, yi macu abo adi maxitu, yi bamancibika meso abo, ximbi baxemona ku meso, yi baxekwombwa ku macu, yi baxelubukwa ku mucima, yi baxekulumuka, yi meme nxebapandisa. 16Mo meso enu adi malwangwasana, bwalo bwamonao, yi macu enu bwalo bwombombwao ; 17bwalo bunwatôyela sôsôlwo ene, badimuxi bangi yi bena nkwami bamakyeba kumona bintu binwamona, yi kabamoneni, yi bamakyeba kwombwa bintu binwombombwa, yi kabombweli.
18Mbwôso nonu nwombwi mwele ă mukuni. 19Pombombwa muntu diyi dia bufumu, yi kasolembetela, you a bubi ulolwa kulwa ncula diyi diakakunibwa mu mucima ănci ; you ndo yei akakunibwa ku mwanca ă ncila. 20Mo you akakunibwa ku bidi bia mabwe,—you ndo yei ombombwa diyi, apudiangata yi kiango mangwoso, 21kaninga kiena yi dicina munda mwanci, kate amamana kakondo katupu ; yi palolwa ndo mpeya ndo kukolomonebwa ku mucwe ă diyi, amanyungula mangwoso. 22Yei lolo amakunibwa kudi mieba —you ndo yei ombombwa diyi, yi mutete ă mwociya ou, yi lodimbu lwa bima biamafina diyi ; yei lolo kasopya. 23Kaninga you amakunibwa ku loboko lunengela—you ndo yei ombombwa diyi, udialembetela, amakama kabidi, amalelañana, munga nkama, munga masangi asambomo, munga masangi asatu.
24Munga mwele ndo ăkabambilayi, ene, Bufumu bwa diulu bwamafwañanana yi muntu akakuna masangu anengela mu kibidi kienci ; 25mo pakadi bantu bamalala tulu, pakalwa mutandanani yinanci kulwa kuna bilo (luna Ngiliki, sisanya) munda mwa masangu, yi akancuka. 26Mo pakadi malwa amamena, amancuka masangu, sisanya lolo yakamoneka kabidi. 27Yi basadi ba muna ncibo bakalwa mwambila, ene, Mukyelengi, kwakakuna mitongu yinengela mu kibidi kiebe ? ape sisanya yamalwa kupai ? 28Yi akabambila ene, Muntu atanda yinami ndo amakwenca noku. Yi basadi bakamwambila ene, Wananga lolo tunaya yitula ? 29Mo yei akatôya ene, Kañana ; ximbi, binwasokola sisanya, nuxekondola masangu yinayo ndongo. 30Nulekyeli bubidi bwayo yalundanani pôi kikondo kia kubuka, yi ku kikondo kia kubuka, nakwambila babuki ba masangu, ene, Nu, kokyeyi sisanya buxi, nuyisuki bibomba bibomba ndo kuyosa ; kaninga nukokyeyi masangu mu kibumbilu kiamene.
31Munga mwele ndo ăkabambilayi, ene, Bufumu bwa diulu bulexi yi luna mutongu ă mutadi ăkangata muntu, ăkakunayi mu kibidi kienci, 32ămafwila minga mitongu mioso bunya sôsôlwo ; kaninga panakala ămalunda ămadika bidibwa bioso bunene, ulolwa muci, bilolwa nyonyi ya diulu kulwa xikama ku matamba anci.
33Akabambila munga mwele, ene, Bufumu bwa diulu bulexi yi luna kiolubixilu kiakangata mwamukaxi, kiakasokokayi mu ncedi isatu ya bukula biakakwolubila bungi bwabu.
34Bintu bebi bioso ndo biakakwambila Yisu bimbukuma ku miele, yi kutena mwele kabambidili pô, 35bixekfiixibwa diyi diakatôyebwa kudi mudimuxi, ene, Nakudipula musuku ămene ku miele ; nakusakola bintu biamasokokyebwa pôi kibangolelu kia loboko.
36Akaxiya lolo bimbukuma, yi akabwela mu ncibo ; yi beyi banci bakalwa kudiyi ene, Utusakoleli mwele ă sisanya ya kibidi. 37Yei akabapingasa ene, You akuna mitongu yinengela udi Mwana a Muntu, yi kibidi bidi loboko ; 38mitongu yinengela lolo idi bana ba bufumu, kaninga sisanya idi bana ba you a bubi ; 39mutandanani you akayikuna udi diabolo ; yi kibukilu kidi ku sula kwa mwociya ou, yi babuki badi bangele. 40Byekyene biamakokyeyebwa sisanya lolo, yamakwoxebwa mudilu, binakala ku sula kwa mwociya ou. 41Mwana a Muntu unatuma bangele banci, yi banasokola biponexelu bioso ku bufumu bwanci, yi bobo bakisa bubi ; 42yi banaela mu dilungu dia mudilu ; momu munakala bidilu yi kukuya kwa meno. 43Ku kikondo kieki kunamoneka bena nkwami bea munyinya ku bufumu bwa Teteabo. You udi yi macu, aombwi.
44Bufumu bwa diulu kabidi bulexi yi luna ngombo muncika mu mbata, akasañana muntu, akasokokayi ; yi ku kiango kienci kuyeyayi kuya odisa bintu bioso bidi yinanci, ndo kwola mbata you.
45Bufumu bwa diulu kabidi bulexi yi luna muntu, muna maso, apalala palala mabwe a mapiko a lwcxbd ; 46yi pakasañanayi dibwe dimodimwe dia diso dinene, akaya odisa bintu bioso biakadi yinanci, akadiola.
47Bufumu bwa diulu kabidi bulexi yi luna matei akakwelebwa mu mai amadinga ntonga yi ntonga mioso ; 48pakadi amakwolubixibwa, bakaputa ku mbongo, yi bakaxikama ; bakasanga yixi yinengela mu miesokye, kaninga bakakwecikisa mibi. 49Mo nako ku sula kwa mwociya ou ; bangele banabatuka yi banakwatola bena bubi kudi bena nkwami, 50yi banabela mu dilungu dia mudilu ; momu munakala bidilu yi kukuya kwa meno.
51Yisu akabambila, ene, nonu nwamalembetela bintu bebi bioso ? Bakamwambila ene, E. 52Yi akabambila, ene, Mbwôso, mufundi mwoso a mikanda amakweyexebwa bufumu bwa diulu ulexi yi luna muntu, muna ncibo, amabatusa mu ngombo anci bintu bipyabipya yi bintu bia kalikali.
53Pakadi Yisu amamana miele yei akancuka koku. 54Yi pakalwayi mu mbata anci, akabeyesa mu kixingidilu kiabo, biakakamabo, ene, You apwangata bwinu bwa noku yi makisa a noku a ngulu kupai ? 55Ki yei ndo mwana a musongi a mici ? Ki mamanci amabikidibwa ene, Mali, yi bakunyi banci ene, Yakobo, yi Yosefe, yi Ximono, yi Yudaxi ? 56Bangasananci kabidi kabena yinecu bungi bwabo ? Ape you apwangata bintu bebi bioso kupai ? 57Yi bakamunyungudila ku micima. Yi Yisu akabambila ene, Mudimuxi kasosaka kinemu, kutena ku mbata anci, yi mu ncibo anci. 58Yi akadi kakixili makisa mangi a ngulu koku, ku bwalo bwa kunyañana kwabo.
Okuqokiwe okwamanje:
MATEYO 13: Luna_NT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© La Société biblique de Genève
