MATEYO 16
16
1YI baFalixi yi baSaduki bakalwa mwelekyesa, bakamulomba abebesi kilayixilu kia mu diulu. 2Mo yei akabapingasa ene, Papulwa bwelu nonu ene, Dituku dinalwa babala ; bwalo budi diulu telelelele ; 3yi ku lubangu ene, Lelo ngiembi, bwalo bwamalenga diulu, diamapinda ; nwamalubukwa kuxixima mpala a diulu, mo kanubiyi kuxingulula bilayixilu bia mieciya. 4Mwociya mubi yi ă budibi ndo ăpalala kilayixilu, yi kilayixilu kakinaupebwa kitena kilayixilu kia Yona. Yi akabaxiya yi akancuka.
5Yi beyi banci bakafika ku dixia bamakwelwa kucwala mampa. 6Yi Yisu akabambila ene, Numoni, nudimuki bwalo bwa kiolubixilu kia baFalixi yi baSaduki. 7Yi bakakwelesañana mbata ene, Bwalo bututasocwala mampa. 8Yi Yisu akalubukwa yi akatôya ene, Kukai nwelesañana mbata, nonu bena kwetabusa kubende, bwalo bunutasocwala mampa ? 9Kanusolubukwa nkyekyu, ndo kanusokwela mampa atano lukanyi a nkone itano, yi bibata binwakakwongula ? 10ndo mampa sambwali a nkone inai, yi bisakwa binwakakwongula ? 11Ape nonu kanusolubukwa beci ? ene, kisonutôyela dia mampa, ene, Nudimuki bwalo bwa kiolubixilu kia baFalixi yi baSaduki ? 12Kunyuma bakakyendula ene, kasotôya dia kudimuka bwalo bwa kiolubixilu kia mampa, kate bwa kweyesa kwa baFalixi yi baSaduki.
13Mo pakadi Yisu amafika ku mwanca ă Kyesalia Filipi ; akakwapangusa beyi banci ene, Bantu batôya beci dia Mwana a Muntu, ene, udi ñani ? 14Yi bobo ene, Banga ene, Yoano Munumeyi ; banga ene, Eliya ; bamo ene, Yelemia, ndo munga mudimuxi. 15Akabambila ene, Ape nonu, nonu nwatôya beci, ndi ñani ? 16Ximono Pita akamupingasa ene, Owe ndo Kalistu, Mwana a Ncembi a môyo. 17Yi Yisu akamupingasa ene, Mulangwasanibwi owe Ximono a Yona, bwalo butasokweyesa nako munyu yi maxi, kate Tetemi udi mu diulu. 18Yi meme kabidi, nkwatôyela ene, Owe udi Pita, yi pelu pa lubwe lolu ndo panakwabaka kiamene kikokye, yi mbelo ya adese (luna Ngiliki, “ hades ”) kayinakidika bumanya. 19Yi nakukupa owe fungula ya bufumu bwa diulu ; kintu kioso lolo kinabamba owe paxi kinabambibwa mu diulu ; yi kintu kioso kinasula owe paxi, kinasudibwa mu diulu. 20Kunyuma akalanga beyi banci kabatôyedi muntu mwoso ene, udi Kalistu.
21Pôi kikondo kieki pakabanga Yisu kwebesa beyi banci, ene, uyexa ku Yeiusaleme, kuya tata bintu bingi kudi bankolomo yi makanda manene yi bafundi ba mikanda, yi kuxipibwa, yi kubixibwa ku dituku diamusatu. 22Yi Pita akamwangata, yi akabanga kumukama ene, Ncembi akumoni bimpe, Fumu ; nako kakunakuponena pô. 23Kaninga akakulumuka, yi akatôyela Pita ene, Ncuka kunyuma kwamene, Satana ; owe udi kiponexelu ku meso amene ; bwalo butasoakala lukanyi iwebe lwa bintu bia Ncembi, kate lwa bintu bia bantu.
24Yisu lolo akakwambila beyi banci ene, Aka muntu mwoso akyeba kulwa kunyuma kwamene, adinyañani mikyenci, aonguli nkulusu anci, angulandudili. 25Muntu mwoso unakyeba kubumba môyo ănci unauncimisa ; mo muntu mwoso unancimisa môyo ănci ku bwalo bwamene unausañana. 26Muntu atetowa kiñani, ndo amangata loboko luncimancima, yi amancimisa môyo ănci ? ndo muntu unasumbanya môyo ănci ku kintu kai ? 27Bwalo bunalwa Mwana a Muntu yi dikai dia Tetenci yi bangele bancl, yi ku kikondo kieki kunasayilayi muntu mwoso bea bidi makisa anci. 28Nwatôyela sôsôlwo, ene, Banga bamakwemana kunu, kabanakikisa lufu pô binakala bamamona Mwana a Muntu ulolwa ku bufumu bwanci.
Okuqokiwe okwamanje:
MATEYO 16: Luna_NT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© La Société biblique de Genève
