Luka 6:27-37

Kepha ngithi kini enizwayo: Thandani izitha zenu, nenze okuhle kwabalizondayo; Babusiseni abaniqalekisayo, nibakhulekele abaniphatha kabi. Okushaya esihlathini mnike nesinye; nokwephuca ingubo yakho, ungamaleli nengubo yakho. Muphe wonke umuntu ocela kuwe; nokwaphuca impahla yakho, ungabuyi uyicele kuye. Nalokho enithanda ukuba abantu benze kini, yenzani kanjalo nani kubo. Ngokuba uma nithanda abanithandayo, ninakubongwa kuni na? ngoba nezoni zithanda abazithandayo. Uma nenza okuhle kwabanenzela okuhle, ninakubongwa kuni na? ngoba nezoni zenza njalo. Futhi uma nitsheleka enithemba ukwemukela kubo, ninakubongwa kuni na? ngokuba nezoni zitsheleka izoni ukuba zamukele lokho. Kepha thandani izitha zenu, nenze okuhle, nitsheleke ningathembi lutho; umvuzo wenu uyakuba mkhulu, nibe-ngabantwana boPhezukonke, ngokuba yena unomusa kwabangabongiyo nababi. Ngakho yibani-nesihawu, njengalokhu noYihlo enesihawu. Ningahluleli, khona aniyikwahlulelwa; ningalahli, khona aniyikulahlwa