Kwasekuhamba laye amaxuku amakhulu, wasetshibilika wathi kuwo.
Uma umuntu eza kimi, engazondi uyise, nonina, nomkakhe, nabantwana, nabafowabo, nawodadewabo, yebo, nokuphila kwakhe futhi, angebe ngumfundi wami.
Nalowo ongathwali isiphambano sakhe, angilandele, angebe ngumfundi wami.
Ngoba ngumuphi kini othi efuna ukwakha umbhoshongo, angahlali phansi kuqala, abale izindleko, ukuthi unakho ukuwuqeda na?
Hleze, esesibekile isisekelo, engakwazi ukusiqeda, bonke abakubonayo baqale ukumhleka usulu;
besithi: Lomuntu waqala ukwakha, kodwa kabanga lamandla okuqeda.
Noma iyiphi inkosi, ethi iyakulwa nenye inkosi, ingahlali phansi kuqala, ibuze ukuthi inamandla yini ngezinkulungwane eziyishumi ukuhlangabeza oza kuyo enezinkulungwane ezingamashumi amabili na?
Uma kungenjalo, esekude lowo, uthuma amanxusa, acele imibandela yokuthula.
Kanjalo-ke, noma ubani kini ongashiyi konke anakho, angebe ngumfundi wami.
Usawoti muhle, kepha uma usawoti edumele, ubusawoti bovuzwa ngani na?
Awuwulungele umhlabathi, noma umquba; kodwa abantu bayawukhipha. Onezindlebe zokuzwa makezwe.
Uhlelo Lokusebenza lweBhayibheli
Uhlelo Lokusebenza LweBhayibheli yezingane
