UJeremiya 18:1-6

Izwi likaSimakade lafika kuJeremiya lithi: “Suka wehlele endlini yombumbi, ngizokuzwisa lapho amazwi ami.” Ngase ngehlela endlini yombumbi; wayenza umsebenzi wakhe esondweni lokubumba. Kepha isitsha ayesenza ngebumba sonakala esandleni sombumbi. Wabuye wenza esinye isitsha kabusha njengalokhu ayefisa ukuba asenze. Izwi likaSimakade lafika kimi, lithi: “Ngingenzi yini kini ndlu ka-Israyeli njengoba umbumbi enza na?” kusho uSimakade. “Bhekani, njengebumba esandleni sombumbi, ninjalo esandleni sami, nina ndlu ka-Israyeli.