UJeremiya 18:1-6

Izwi elafika kuJeremiya livela kuJehova, lithi: “Suka wehlele endlini yombumbi, ngikuzwise khona amazwi ami.” Ngehlela endlini yombumbi; bheka, wasebenza umsebenzi wakhe esondweni lokubumba. Kepha isitsha asenza ngebumba sonakala esandleni sombumbi; wabuye wenza esinye isitsha njengokuhle emehlweni ombumbi ukuba asenze. Lase lifika izwi likaJehova kimi, lithi: “Bengingenze kinina ndlu ka-Israyeli njengalo mbumbi na?” usho uJehova. “Bhekani, njengebumba esandleni sombumbi, ninjalo esandleni sami nina ndlu ka-Israyeli.