Hoixgara 18
18
1Washa de‐e hageja Paulus Athen‐eja nigeowakerena egi Korinth‐eja gina.
2Egi Judraisha eja hiena Akuilla rashra higairena, Pontus eja jhuinena hojishana Italia‐eja howajina, hijawina Priskilla higairera hakarakishu (Klaudius Judra harnaj Rome‐eja nigeowakere wa’shige esge) egi Paulus wirahina.
3Wore hikisge hiperes‐hisha herege esge, egi wakishu jhina, egi warena. Wore warninera waiperi‐jhi u‐hirena.
4Egi Sabath hambokahi wohokhu‐hojhieja wawokit’ena, egi Judra egi Hellenistra waraxurugnaina.
5Egi jaja Silas egi Timotheus Makedonia‐eja howahiregi, Paulus hijowahas‐hirena naxiragra wauna Judra wawogiraikjege Jesus Kristus E herejera.
6Egi jaja hakirairegi egi raxjashguninegi, wonashina karaisinsh‐shana egi wawagena: Wa‐i washiniwira nassu washiniwieja nagikjanena, hinsgehajena, epa hirarujeja hereja wawatekjanena.
7Egi rena egi hisha Justus higairera hojhieja hokewena, Mau gikaraj‐hisha, e wohokhu‐hojhira hiwusunshji jhina.
8Egi Krispus wohokhu‐hojhi hirukanara herena Hirukanara harnaxguna hojhira harnaj wakarakishu. Egi Korinth wankshigra roha naxguankshana harnaxgunakshana, egi ni‐wawaxuhirena.
9Egi Hirukanara Paulus haheregi hokit’ena, washa hajahi higiu. Inke nakawarnine, eshi hit’at’are, egi inke rashjanine.
10Harnikishu hauanjena egi inkisha hinikioarnaga washanigishganikjanena. Jhinag degi wankshigra roha harnina.
11Egi mai‐shanaga egi wi‐akeweha eja una, horoghireja Mau hoit’era wagigusshana.
12Egi jaja Gallion Axaia‐eja hirukanara heregi, Judra harnaj warnaira horeishankira hiranaga nashinena Paulus hakira, egi waehi waminageja harniahirena,
13Wairena: (Wang) de‐e wankshigra waraxurugjena Mau gikarajra houna hijahijena, woehieja roxiagra shesge.
14Egi jaja Paulus hit’et’e kjenisgegaja, Gallion Judra wawagena: Judra raniwira washanisha higishanagi egi washa wowongra hisha heregi harnanigixguwinana.
15Eshi washa hokigusanka egi rashra egi woehi hashiniwira, ne‐hokuruxujwire, inke washa deshesge haeharnikjanena.
16Egi waehi waminageja wawahassana.
17Egi Hellenistra harnaj Sosthenes wohokhu‐hojhi hirukanara rus‐hirena egi waehi waminag joweja hojinena, egi Gallion washa de‐e inke hisha washa hiranina.
18Egi Paulus de‐e hageja s’ii hija una egi wakhinubra wawikaragina, egi wajowe Siria‐eja howarena, egi Priskilla egi Akuilla wakishu, Kenxrea‐eja najura rujgissana, washaisha manajge esge.
19Egi Ephesus‐eja hina egi eja wat’unarena, eshi exji wohokhuhojhieja hokewena egi Judra wawokitena.
20Egi hiraijaira s’iinig wakishu hiwusha nangi‐inena egi inke wagiunina.
21Eshi wawikaragina wena: Jasgegi worujxete here hikorohoagre Jerusalem‐eja haunkjanena, eshi shige hirani‐kirikjanihawina, Maura hingiregi. Egi wajowe Ephesus‐eja kerena.
22Egi jaja Kesarea‐eja unigi egi rarnaga wohokhuhojhira wikaragina Antiox‐eja howarena.
23Egi hageja jarnahangi eja uanaga nigeowarena egi Galatia egi Phrigia mara harnaj hirakiware howarena wironagra harnaj himashja wahikjege.
24Egi Jud‐hisha Apollos higairera Ephesus‐eja jina, Aleksandria‐eja jhiuinera, wang wait’e waraphisha, egi wowagax hiperesra rokanana.
25Wang de‐e Hirukanara nagu harnira gigus‐hirena egi naxiragra wahuhujege hit’at’arnaga egi Hirukanara washa warnira wihokhura rokanajena, John ni‐wawaxu harnira eshana hiperesjena.
26Egi wohokhu‐hojhieja inke nuwangini hit’at’ajirena, egi jaja Akuilla egi Priskilla naxguinegi, harni hagirena, egi Maura nagu harnira hiraijera phixji gigushirena.
27Egi jaja Axaia‐eja howarekje hiregi, wakhinubra wawagax uinena wironagra wagitairena rus‐hirekjege e, jaja hijahigi, she‐e gijirexji‐hirena jarnaga najojana hawau harnaxgunakhi.
28Egi Judra warnasgabshana egi wowagaxra hiu harusharanixji wogiragshana Jesus Kristus herera.
Okuqokiwe okwamanje:
Hoixgara 18: WIN
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Published by the American Bible Society in 1907.