Jenesis 46
46
O Jakob ando Ejipto
1O Israel likisto katar o Kanaan sa pe ezgodenchar kai saia le, ta kana avilo ando Berseba, dia kurbanura e Devle, o Del katar leko dad o Isaak. 2Goia riat o Del dia orba e Israelea ando suno, ta phenda:
Jakob, Jakob. A o Jakob phenda:
Kate sem. 3Ondaka o Del phenda leke:
Me sem o Del che dadeko. Na dara te lla ando Ejipto, soke kote me ka cherav tutar iek baro foro. 4Me ka llav tuia ando Ejipto, ta me ka cherav te iri tut, ta kana ka mere, o Jose ka phandel che akha.
5Mapalal o Jakob llelotar katar o Berseba. E chaurre katar o Israel thode pe dade ta pe chaurren ta e diskinien ande bordona kai o Faraon bichaldaia te inllaren le. 6Ta lie pe guruven ta sa so cherdea ande phuv katar o Kanaan, ta avile ando Ejipto, o Jakob ta sa leko porodo.#Ech 7.15. 7Ta sa leke chave chorra ta unukura lleletar lea ando Ejipto.
8Gala si e anava katar e Israelitura kai llele ando Ejipto:
O Jakob ta leke chave. O Ruben, o chavo o mai purano e Jakobeko.
9E chave katar o Ruben:
O Janok, o Falu, o Jesron ta o Karmi.
10E chave katar o Simeon:
O Jemuel, o Jamin, o Oad, o Jakin, o Sojar, ta o Saul kai saia o chavo katar iek kananea.
11E chave katar o Levi sea:
O Gerson, o Koat ta o Merari.
12E chave katar o Juda:
O Er, o Onan, o Sela, o Fares ta o Zeraj. O Er ta o Onan mulea ando Kanaan. E chave katar o Fares sea o Jesron ta o Jamul.
13E chave katar o Isakar:
O Tola, o Fuva, o Job ta o Simeron.
14E chave katar o Zabulon:
O Sered, o Elon ta o Iajelel.
15Gala sea e chave kai e Lea dia e Jakobe kana sea ando Padan Aram, ta leki chorri e Dina. Sa leko porodo sea tranda ta trin llene, saurre katar leke chaurre ta katar leke chorra.
16E chaurre katar o Gad sea:
O Sifon, o Jagi, o Ezbon, o Suni, o Eri, o Arodi ta o Areli. 17A e chaurre katar o Aser sea:
O Imna, o Isua, o Isui, o Beria, ta e Zeraj lengi phei. E chaurre katar e Beria sea:
O Jeber ta o Malkiel. 18Gala si e chaurre kai e Zilpa dia e Jakobe, voi saia e sluga kai o Laban diaia pe chorra e Lea, ta lako porodo sea desusov llene.
19E chaurre katar e Rakel e rromi e Jakobeki sea gala:
O Jose ta o Benjamin. 20E chaurre kai o Jose avila le e Asenataia sea:
O Manases ta o Efrain, kai biandile ando Ejipto. E Asenat saia e chorri katar o Potifera, o popo katar o On.#Jen 41.45,50-52. 21E chaurre katar o Benjamin sea:
O Bela, o Beker, o Asbel, o Jera, o Naman, o Eji, o Ros, o Mupim, o Jupim ta o Ard. 22Gava si o porodo kai likista katar e Rakel ta o Jakob, desustar llene.
23O chaurro katar o Dan saia:
O Jusim. 24E chaurre katar o Neftali sea:
O Iajsel, o Guni, o Ieser ta o Silem. 25Gala sea e chaurre kai e Bila dia e Jakobe. Voi saia e sluga kai o Laban diaia pe chorra e Rakela, ta lako porodo sea efta llene.
26Sa e llene kai avile lea ando Ejipto ta kai sea katar leki vicha, sea sovardes ta sov, bi te llindon e rromia leke chaurrenge. 27A e chaurre katar o Jose sea dui kai biandile ando Ejipto. Goleke sa e llene kai avile ando Ejipto sea eftavardes llene kai sea katar e familia e Jakobeki.#Ek 1.5; Dt 10.22; Ech 7.14.
28O Jakob bichalda e Judae angla pete karing o Jose te phenel leke kai vou ka aduricharel le ando Gosen. Kana avile ando Gosen, 29o Jose phenda te lacharen leko bordon ta llelo te maladol pe dadea. Ta kana o Jose dikhla le abrasisarda le, ta thoda te rovel pe leke dume but vreme. 30Ondaka o Israel phenda e Joseeke:
Akana kai dikhlem tut ta maladem tut llundo, akana sai merav.
31O Jose phenda pe phlalenge ta i e llenenge kai sea katar e familia leke dadeki:
Ka llav te dikhav e Faraono, ta ka phenav leke kai me phlal ta e familia me dadeki kai zivina ando Kanaan, avile te achen manchar, 32ta kai ande pe bakren ta pe guruven ta sa so saia len, soke lengo rado si te arakhen e bakren ta te bariaren e guruven. 33Ta kana o Faraon ka ikharel tumen, ta kana ka puchel tumen ande so radin, 34ondaka tumen ka phenen leke kai iek rado si tumen, te arakhen bakren isto gia sar cherenale tumare purane. Gia sai ka achen te zivin ando Gosen, soke e ejipsiura nasti zivin e llenenchar kai arakhen bakren.
Okuqokiwe okwamanje:
Jenesis 46: BACHRO
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Biblia ande chib Romani © Sociedad Bíblica Chilena, 2018.