Jenesis 18
18
O Del del po alav kai ka avel e Abraame iek chaurro
1Mapalal o Del sikadilo e Abraameke ando vos katar e kasta katar o Mamre, gua llive cherela but tatipe ta vou besela angla pi chara. 2Ta o Abraam vazdia pe akha upre ta dikhla trine llenen angla le, ta kana dikhla len, prastio lende katar pi chara ta bangilo tele lligo ni leko chikat dodisarda e phuv.#Ebr 13.2. 3Ta phenda:
Gazda, molivman chuke, te pelem chuke lacho na llatar akana.
4Ka phenav te anen cherricha pai te sai jalaven tumare porrne, ta gia tala gava kas te achen te sai lelpe tumendar tumaro chinipe. 5Ta ka anav tumenge marrno, te sai len zor po drom kai llan. Gaia si tumari chara ta me ka pomoziu tumen. Von phende leke:
Sukar, cher gia sar phendan.
6Ondaka o Abraam dia ande pi chara prastindo, ta phenda e Sarake:
¡Oma! Le bis kile katar e mai lachi arina, ta cher nesave marrne.
7Mapalal o Abraam prastio kote kai sea e guruva, ta ezvirisarda o mai lacho telcho, ta dia le kai iek katar leke sluge, ta gua sluga oma lacharda le e jamake. 8Ta i lia kaimako, ta thud, ta o telcho kai lachardaia, ta thoda len angla lende. Ta kana von jana o Abraam achilo telal tala o kas te sai pomozil len.
9Kana jale e llene kai avilea lete, phende leke:
¿Kai si chi rromi e Sara? O Abraam phenda:
Ande chara.
10Ondaka iek lendar phenda:
O burs kai avel ka avav pale tute, ta kana ka avav, chi rromi e Sara ka avel la iek minono. A e Sara asunela palal katar o Abraam, voi saia anglal katar e chara.#Ro 9.9. 11O Abraam ta e Sara sea phure ta e Sarake nakhlaia o vreme te avel la minone. 12Goleke e Sara asaia ta mislisaili:
Gava avilaia but sukar, a me ta mo rrom sam but phure te avel amen iek minono.#1 P 3.6. 13Ondaka o Del phenda e Abraameke:
¿Soke asal e Sara? ¿So, ni pachal kai sai avel la iek minono i te avela phuri?
14¿A so, si vareso gia trudno kai o Del nasti cherel? O burs kai avel pale ka avav tute, ta kana ka avav e Sara ka avel la iek minono.#Jer 32.16,27; Lk 1.37; Ro 9.9.
15Ondaka e Sara daraili ta phenda:
Me ni asaiem. A o Del phenda lake:
Me llanav kai asaian.
O Abraam molilpe cheres e Sodoma
16Mapalal e llene kai avilea lende, ustile ta thode te phiren karing e Sodoma, ta o Abraam llala lenchar. 17Ondaka o Del phenda:
Morabi te phenav e Abraameke so ka cherav, 18soke e Abraametar ka likel iek phuv but bari ta zurali. Ta diem mo alav leke kai ka blagosiv letar sa e phuvia e suetoke. 19Goleke ezvirisardem le te sikavel pe chaurren ta pe porodo te kanden me alava, ta te cheren sa so si lacho ta chacho, ta gia mo lav kai diem e Abraame ka cherav le. 20Ondaka o Del phenda leke:
E llene katar e Sodoma ta katar e Gomorra, lleli lengi viasta gia bilachi, ta lengo bilachipe si gia baro, 21kai akana llav incha te dikhav dal si de istina kai lengo bilachipe si gia baro, a te inai gia, ka llanavle.
22Ondaka e llene kai avilea lete lleletar karing e Sodoma, a o Abraam achilo angla o Del. 23Ta avilo mai pasa o Del, ta phenda leke:
¿Ka mundare e lachen ta e bilachen ande iek than? 24Sai avelpe kai si pinda llene chache ande gua foro, ¿ka zatri gole foro ta ni ka prosti le cheres gola pinda llene chache kai zivin kote? 25¡Nasti avelpe te chere gaia ezgoda, te merel o chacho e bilachea ande iek than, sargo kana e dui cherde isto gua bilachipe! ¡Na cher gua! Tu kai san o Krisari, o mai baro gale suetoko ¿Ni ka chine e kris chachimaia?
26Ondaka o Del phenda leke:
Te maladem pinda llenen chache ando foro katar e Sodoma, cheres lende ka prostiv sa e llenen kai zivin kote.
27A o Abraam pale phenda leke:
Prostisar man kai dav tuia orba gia, soke tu san o Del, a me ni sem niso, me sen sargo o prajo. 28¿A te avena samo saranda ta panch llene lache, ka zatri sa e foro? A o Del phenda leke:
Te maladem gole saranda ta panch llenen, ni ka zatriv e foro.
29O Abraam phenda:
¿A te avena samo saranda llene lache? O Del phenda leke:
Te maladem gole saranda llenen lache, ni ka zatriv e foro pala gola saranda.
30A o Abraam pale dia orba ta phenda:
Moliv man chuke Devla te na joliao manchar kai pe gachin mangav tutar, ¿a te malavea samo tranda llenen? O Del pale phenda leke:
A te maladem tranda llenen pala e tranda ni ka zatriv e foro.
31O Abraam pale phenda:
Murno Del, llanav kai thodem man pharo gale orbaia, a ¿so avelape te malavea samo bis llene chache? O Del phenda:
Pala gola bis llene, ni ka zatriv e foro pala o volipe pala e bis.
32O Abraam pale phenda:
Moliv man chuke Devla, na joliao manchar, soke samo akana ka dav orba ta ni ka puchav tut ios: ¿A so ka chere te malavea samo dese llenen chache? O Del phenda leke:
I te avena des llene, pala gola des llene kai voliv, ni ka zatriv e foro.
33Kana o Del getosarda te del orba e Abraamea, llelotar kotar. A o Abraam llelotar kai pi chara.
Okuqokiwe okwamanje:
Jenesis 18: BACHRO
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Biblia ande chib Romani © Sociedad Bíblica Chilena, 2018.