Jenesis 17
17
E sirkunsision te sai dikhol pe savi orba achile
1Kana o Abram saia leke iniavardes ta inia burs, o Del sikadilo leke ta phenda leke:
Me sem o Del kai si le sa e zor. Zivisar iek zivoto orta angla ma. 2Ta me ka achav pe iek orba tuia: Ka cherav te avel cho porodo but baro.
3Ondaka o Abram bangilo lligo ni leko chikat dodisarda e phuv, ta o Del phenda leke:
4Pe gaia orba achav tuia: Tu ka ave o dad bare suetoko. 5Ta tu ni ka ikhardo ios#Ro 4.17-18. Abram, katar angle tu ka ikhardo Abraam, soke ka cherav tut dad bute phuviengo. 6Ka cherav cho porodo te avel but baro ta tutar ka liken charura ta phuvia. 7Ta pe orba kai achav tuia ta che porodoia kai ka avel mapalal tutar, si ostade. Me ka avav Cho Del ta i o Del che porodoko kai ka avel mapalal tutar.#Lk 1.55. 8Ta tut ta che porodo kai ka avel mapalal tutar ka dav len sa e phuv katar o Kanaan. Kate kai tu zivi akana, ka avel lengo ostade, ta me ka avav lengo Del.#Ech 7.5-6.
9Ta i phenda o Del e Abraameke:
A tu kande e orba kai achilem tuia, tu ta i sa cho porodo kai ka avel mapalal tutar.
10Gaia si e orba kai ka achav tumenchar ta kai morabi te kandel sa cho porodo kai ka avel mapalal tutar: Sa e murusa maskar tumende, morabi te cheren lenge e sirkunsision.#Ech 7.8; Ro 4.11. 11E sirkunsision ka avel iek ezgoda te dikhol kai tumen ta me, achilam pe iek orba. 12Katar angle sa e minone kai ka biandon maskar tumende, kana ka avel lenge ojto llive morabi te cheren lenge e sirkunsision. Gala alava si i e slugenge kai chinden, ta e llenenge kai zivin tumenchar kai si katar aver phuvia. 13Morabi te sirkunsidin e minonen kai biandile ande cho cher, ta i golen kai chindan che lovenchar. Gia e orba kai achilem tumenchar ka inllaren la pe tumari esnaga, sargo pe alava kai achilam kai si sa ostade. 14A o lleno kai ni cherde leke e sirkunsision, ni del liubao gale alavenge kai achilam. Gua lleno nasti ka zivil tumenchar.
15Ta i phenda o Del e Abraameke:
Chi rromi e Sarai ni ka ikhardol ios gia, katar angle voi ka ikhardol Sara. 16Ta me ka blagosiv la, ta ka dav tut iek minono latar. Ea, me ka blagosiv la. Voi ka avel e dei bute phuviengi, ta katar lako porodo ka liken charura e phuvienge.
17Ondaka o Abraam bangilo lligo ni leko chikat dodisarda e phuv, ta thoda te asal ta mislilape ande po lio:
¿Sai avel le minone iekhe llene kai si leke stotina burs? ¿A e Sara kai si lake iniavardes burs, sai ka avel la iek minono? 18Ondaka o Abraam phenda e Devleke:
¡De e Ismaele gua blagosipe!
19A o Del phenda leke:
So me phenden si kai chi rromi e Sara ka del tut iek minono, ta tu ka thove leko anav Isaak. 20A cheres o Ismael, asundem tut so manglan mandar ta ka blagosiv le, ta ka cherav te aven le but minone, ta te bariol leko porodo. O Ismael ka avel o dad katar desudui gazda, ta ka cherav letar iek phuv but bari. 21A mo alav kai diem ka avel e Isaakea, o chaurro kai e Sara ka del tut ande gava vreme, burs llive ios.
22Ta kana o Del getosarda te del orba e Abraamea llelotar kotar. 23Ondaka o Abraam lia pe chaurre e Ismaele, ta sa pe slugen kai biandile ande leko cher, ta golen kai chindaia pe lovenchar, ta sa e murusen kai zivina ande leko cher ta kai radina leke, ta cherde lenge e sirkunsision, gia sar o Del phendaia leke te cherel le. 24O Abraam saia leke iniavardes ta inia burs kana cherde leke e sirkunsision. 25A o Ismael saia leke desutrin burs kana cherde leke e sirkunsision. 26Ta isto ande gua llive cherde e sirkunsision e Abraameke ta leke chaurreke e Ismaeleke. 27Ta sa e murusenge katar leko cher, ta i e slugenge kai biandile ande leko cher, ta i e slugenge chinde lovenchar katar e llene kai si katar aver phuvia.
Okuqokiwe okwamanje:
Jenesis 17: BACHRO
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Biblia ande chib Romani © Sociedad Bíblica Chilena, 2018.