Amavesi eBhayibheli adumile avela kokuthi Matthew 14

Dlulisela

Ia kulana Peter niꞌike kemakani la, kama la umakaꞌu noapulu ilalo, kena ianaa aꞌe, “Kealiꞌi, konaꞌi mai anau.” Saika la oia, Jesus ehalo aꞌe kanalima nokaohi Peter, kena ime aꞌe, “Aꞌoe ukau kehakina mahi. Ia aꞌoe sehakina oia?”

Ia kulana Peter niꞌike kemakani la, kama la umakaꞌu noapulu ilalo, kena ianaa aꞌe, “Kealiꞌi, konaꞌi mai anau.”

Saika la oia, Jesus eme aꞌe nakama la, “Okou isehakekele. Kenei anau oia. Okou isemakaꞌu.”

Kena Peter eme aꞌe, “Kealiꞌi, poi kena aꞌoe hamaoni, me mai anau ihaele aku valuna kemoana nei.” Kena iko Jesus ime aꞌe, “Hamai.” Kena iko Peter ikuu iho ikaha ma kemonoui la nohaele aꞌe valuna kemoana la ia Jesus.

Kena nakama iluna kemonoui la ehamalu Jesus nome aꞌe, “Aꞌoe o kekama Keakua hamaoni.”

Ia Jesus eme aꞌe nakama kaukali aia la, “Seai. Keonohenua la meseo ikaha. Okou iau aꞌe niꞌai ma nakama la iꞌai.” Ia nakama kaukali la eme aꞌe Jesus, “Ia makou eisi kaulima nahalaoa, sakamaiꞌa oia.”

Kena Jesus ime aꞌe, “Au mai naꞌai na.” Jesus eme aꞌe keonohenua la inoho i keꞌina naveve. Kena Jesus uko kaulima nahalaoa la ma sakamaiꞌa la, noꞌila iluna noloku. Kena kama la ekohi nahalaoa la, iau aꞌe naꞌai la i nakama kaukali aia la novavae aꞌe keonohenua la.

Nakama la hakoa eꞌai nopohu. Kena nakama kaukali Jesus la uhaele hanaopo nohao sanahulu ma lua naꞌeke namuli halaoa.