Amavesi eBhayibheli adumile avela kokuthi ลูกา 5

Dlulisela

เบ๊อะอา อิซว๊า โทเฮ๊อเนอ, อา เฮ๊ คูซีโมน เน๊อ, “แคโนยา เน ส่อเกลอเออ เด๊อ เทอ แยเนอ. แซ่ฮู๊ ซี เก่ ปื่อหนิ แลแค เต๊ว อาเงเนอเนอ, วีตา แลแค ซี ตีวี เนอเต๊เห่.”

คูซีโมน เฮ๊ฉื่อ ลู เน๊อ, “ซ๊าร๊า, เป วีตาโทเฮ๊อตีวี เตเซ๋ เตเซ เจ๊อเฮ๊อ เร๊อ เต๊วหนิ เตเบ๋ โต่, ตื๊อดื่อเรอ ฮู๊ เน เฮ๊เนอ แว เก่วีตา โป่คยา อ๋า.” เหย่ซี วีตา ตีวี เร๊อ เต๊วหนิ เอ๊แหน่เจ๊อ, อา โต่ เจ๊อ เด๊อ ตีวี ผื่อ แลยาแก เจ๊อ.

หม่าแน๊เรอ เหย่ซู่ เถ่จว๊าแก โตโมโม เด๊อ เก่เชเทอ แก หล่อตาม๊าขุ เร๊อ จว๊า กุยจ๊อเบ เบ๊อะเนอ.

แว แฮ เอ๊กา แกแย เด๊อ อาจ๊ออาเต เนอเต๊เห่ หม่าโต่. แซ่ฮู๊ เพรเตเหล่ซื๊อพู๊ เต๊เห่ เก่ ถู่แหล่แต๊แกละกา แลแค อาซิปล่อ เนอเรอ, แว แฮ เอ๊กา เหย่ซี แพ๊.”

เบ๊อะคูซีโมน เปโตร แม๊เถอะ เตเมอาเหน่ ฮู๊เออ เบ๊อะเนอ, อา แด๊งือแลเด๊อ เหย่ซู่ อา กู๊โด่ช๊า เร๊อ อา เฮ๊ เน๊อ, “แบ่เจ่, เถ่จว๊า ตาพาแก เร๊อ แว, แว หม่า แกแย เตซื๊อเตโอ่หร่าพู๊ แพ๊.”

เหย่ซู่ เฮ๊ฉื่อ เหย่ซี เน๊อ, “แกแย เด๊อ อาโอ่โมโอ่รี โอ่ฉว่าโอ่ชอ เต๊เห่เนอ อา โหล่ เร๊อ เตขุซ๊าร๊าดุ โต่ แกแย เด๊อ อาชุ๊ยอาเช เต๊เห่เนอ ตื๊อหม่า อา โหล่ แพ๊เตขุซ๊าร๊าดุ แพ๊.

เหย่ซี บ๊าเถ่โอ่แก ส่อเกลอ เออเต๊เห่ เด๊อ เทอทือ เนอ, แด่แก ลอ, ล๋อ ตาเต เด๊อ อา โอ่ เกอ เหย่ซี เนอเต๊เห่ โทเร๊อ เหย่ซี โครครวา เหย่ซู่ อาคยา. เร๊อ เหย่ซี ทวาแถ่เกอ แบ่เจ่ เหย่ซู่ครี๊ อา โคเจ่ เต๊เห่.

โตโพ๊เค เบ๊อะเหย่ซู่ โอ่ เด๊อ วีตีวี เบ๊อะเนอ, เพร จุมู๊แหม่โอ่ เตเพร. เบ๊อะอา แม๊เถอะ เหย่ซู่ เบ๊อะเนอ, อา แด๊งือแล เด๊อ เหย่ซู่ อา กู๊โด่ช๊า, เร๊อ อา กุยซิยอ ลู เน๊อ, “แบ่เจ๋, เน เก่ ซิปล่อโอ่ แหย่โอ่เหม่ เป่ แว เตชุ๊ยเออ เฮ๊เนอหม่า เน แหย่ แจ่ แพ๊.” เหย่ซู่ บ๊อแฮ อากู๊ขุ เร๊อ อา โต่เบ่โท ลู เร๊อ อา เฮ๊ ลู เน๊อ, “แว ซิปล่อโอ่ แพ๊,” อา เฮ๊ โทเร๊อ “เตเช๋ โอ่เหม่แกม๊อ,” อา เฮ๊ โป่ ฮู๊เนอ, เร๊อ อี๊. เตชุ๊ยโอ่เหม่แก เจ๊อ.

อา นอเฮ๊โล อู เตเพร่ว โต่ ตื๊อดื่อเรอ แบ่เจ่ เหย่ซู่ อาหรี่อาแก เออเนอ, แกแย ลื๊อลื๊ออา แด๊โฉ่ โลปีซีจว๊า ยาเล๊อ เร๊อ อา อาเหล่โกล เนอ เจ๊อ, เร๊อ แกแย เต๊เห่ ซิหยื่อ หนิโฮ แลแค อา เตเฮ๊เบ่, โทเร๊อ อา ซิหยื่อ นอแฮ แหย่โอ่เหม่ แลแค อา เตชุ๊ยเตเช เร๊ออา แฮโหร่แฮเอ๊ แหน่เจ๊อ เด๊อ ลูโอ่เจ๊อ.