Amavesi eBhayibheli adumile avela kokuthi Luka 5

Dlulisela

Ke me e cihe ati, ke e pii te Simon [me ni béén] pie: «Geé taabé me genye te ju piole he na numwihi lang. Ke geé bwobe ne ni pua tewé.»

Ke e hegi ne ten wo Simon pie: «Pa apipune, go téne, geme tee ko pwotau jame a bwén ce, ke te tice celi geme pé. Kehe icehi ana é mu ko ana go pii teme, ke é o pwo.» Ke lé patupwo li pua telé. Ke te nihe hiwon kuti ni ikua na lé cuwo hen, ke pwo me e tie li pua telé.

Kehe e mu â he ni duaan na te ticie hen, beme e pwoiitihi.

Be time é uce âbé tode nina lé niimihi pie wâé ni mulihelé. Kehe é âbé tode nina lé temehi pie ta ni mulihelé, beme lé bitelé, ke me lé pitaatééhi ni mulihelé.»

Ke te junihe mwotilé ati ko ana e tuie: wo Simon Pétéru, me Cang me Ioane (lupwo naî Zébédé) me ati ni béélé. Ke e tupwo tidihi jilin ânebuhe Iésu wo Simon, ke e pii pie: «Padaame, go piâdé ité kojaéo, be woéo, ke pa apulie na ta jo!» Kehe e pii ten wo Iésu pie: «Go nemwo pwo me mwotiko! Tabuhi jenaa, ke bo wogo pa apwotauhi apulie.»

Ke e pii telé wo Iésu pie: «Time lé uce hane ce dotéén wo lépwona te wâé jélé, kehe te icehi lépwona cunu jélé.

Ke lé mwojuia daamwo ticepwon, ke lé céida huâiu lupwoli ong. Ke lé necu ati, ke lé âcéi Iésu.

É he e mu ha a céiu mwopopwaalé wo Iésu, ke e tuiebé wo pa céiu katia. Ke me e ali Iésu, ke e tidihi jilin me pimiibule ne ânebuhen, ke e ilehi kojaeng pie: «Padaame, hemepie te nimem, ke go pwo me tieden a katia kong!» Ke e cine ngen a in, ke e ti kon, ke e pii ten pie: «Éa, te nimung! Caa wâé go!» Ke te tieden kuti kojaeng a katia kon.

Kehe icehi ana caa piân a jepule ko Iésu. Ke nihe hiwon nina lé âbé céiieng me lé téneeng, me ilehi kojaeng pie, me e pwo me tieden ni cunu kolé.