Amavesi eBhayibheli adumile avela kokuthi JƆ̃ 15

Dlulisela

Nà ɣa gè ga ŋasai, wa wɔ wo ga mawulo‐baitiɛ. Nui nii yá yɛ vileni bà, nà wɔ gè vileni bá towa yá vaa ga tamaa. Ƃɔvɛlaale ani wa leve na bà, wɛ lɛ zooga wɔ faa ta nɛpɛ kɛ.

A yɛ vileni bà, nà wɔ gè yɛ vileni wo va. È ɣɛ velei nɔ ŋasa wulo‐bai lɛ zooga ɔ́ vaa la tɔ ƃɔɔ kɛni yá yɛ vileni ŋasai va, vele nɔ na wɛ lɛ zooga la wɔ vaa kɛni wɔ yɛ vileni bà.

Ani wa ɣata na bà, gòitiɛ ɣatagɛi wo yii zu ƃalaa pɛ, nii nɛpɛ wo wõini a bo. Towaa ɣɛ wo vɛ.

Wɛ lɛ kùloni. Kɛ̀ gè wo wuloni gè yee ƃako wo va ga wo li wo mavaa loo wo ɣa é ɣɛ ga wo mavai nii yá yɛ wo ɣa, kɛɛ ʋaa ma nii nɛpɛ wa kèea Gala feli ma nà daa‐zeigi zu é fe wo ya.

Wõila lɛ wɔɔlɔɔ nu nɛpɛ zeea ɔ́ leve nii va. Na ɣa ga nu yɛʋui yɛ ná siɛ‐puluitiɛ ʋaa zu.

Màwulo‐bai zɔi nɛpɛ ɛ́ lɛ ɣɛ vaazu, kèea Gala ka teve bà. Màwulo‐bai zɔi nɛpɛ yá ɣɛ vaazu, towaa gaa leve ga yíɛ vaa ga tamaa.

Nà tɔgi ɣa ga nii. Na ɣa ga wo wõi ga ɣiini è ɣɛ velei gè wo wõini la.

Velei saala ɣa laa la kèea ma tɔ ga wo ɣaa‐vaa lama wo ɣa. Vele wɔ ka na wa dɛɛ la ga wa ga nà kala dopoa.

Ziizɛ ɣɛni tea, “Nà ɣa gè ga ŋasa ƃɔɔƃɔɔgi. Kèea Gala ka é ga ŋasai maazu‐vɛtɛ nui.

Nui lɛ ɣɛ vileni bà, manui ɣa leve bà è ɣɛ ta ŋasa mawulo‐ba leve ba. Na ɣa ɣɛɛ na é ʋɔ. Ta ŋasa wulo‐bai natiɛ ɣaa lɛ ba te te vili ŋabu ɣa te ɣala.

“Fai niitiɛ wogɛ bɛ̀ wo ma kɛɛ ʋaa ma nà kuu‐zu‐nɛi ɣɛ ga wa wuu‐zu‐nɛi. Na ɣa ɣɛɛ na wa wuu‐zu‐nɛi wɔ ge ziili kwɛ̃ɛ ma.

Ani wa ziɛ na ga nà tɔgitiɛ, wa yɛ nà wõilai malogi zu. Wa na ɣɛ è ɣɛ velei nɔ gè zia la ga kèea Gala na tɔgitiɛ gè ɣɛ ná wõilai malogi zu.

Nii ɣa gè deʋea gè da wo ya. Na ɣa ga wo wõi ga ɣiini.”

È ɣɛ wo ɣɛni zui zu ʋaa ma, zui ɔ́ wõi ga wiɛ ga tei wo ga ná dɔ. Tei tɔwɔ wɛ lɛ zui zu ʋaa ma, kɛ̀ to mu gè yee ƃadoga wo va ga wo wulo su, zui ɣa zili ga wiɛ nii mazaƃu ma.